मत्ती 19:21 - परमेश्‍वरए ताँ तमु क्युइर

²¹ येशूजी चने बिइ, “क्‍हि क्‍ह्रोंसेंनन्बै ठिक तदा ङ्हाँस्‍याँ ह्‍यासि क्‍हिने मुँबै तोन्दोंरि सै न्होर चुँसि योंबै मुइ ङ्हाँदुमैं चुमिंन्। छलस्याँ क्‍हिइ स्‍वर्गर सै न्होर योंब्‍मुँ। झाइले खसि ङए लिलि ल्‍हैदिद्।”

मत्ती 19:21 ပူးပေါင်းရင်းမြစ်များ

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

उत्पत्ति 6:9

नोआए ताँमैं चुन् ग। चए पलोर नोआ मत्‍त्रे छ्याँबै के लबै म्हि मुँल। च परमेश्‍वरने बा-बालुन् प्रमल।

भजनमैं 37:37

छ्याब् आरेबै म्हिमैंलाइ मैंन्, सोजो म्हिमैंलाइ ङ्ह्‍योद्; तलेबिस्याँ छाबै म्हिमैंल सन्‍तानमैं तब्मुँ।

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

मत्ती 19:20

च फ्रेंसिइ खीने बिइ, “चु ताँन् ताँमैं ङइ लरिइमुँ। तारे तो लल् त्‍हुम्?”

मत्ती 19:22

छ बिब् थेसि च फ्रेंसिं सैं च्योंब् लसि एह्‍याइ, तलेबिस्याँ चए सै न्होर ल्हें मुँल।

मत्ती 19:28

येशूजी चमैंने बिइ, “क्ह्रोंसेंन ङ क्हेमैंने बिमुँ, तारे खबै जुगरि बेल्‍ले मान योंबै राजगद्दिर म्हिए च्ह टिब्‍मुँ। क्‍हेमैं तोगो ङए लिलि ल्‍हैदिसेरो च त्हेर क्‍हेमैं या निसाफ लबै म्‍हिमैं धोंले ह्रों-ह्रोंसए च्युसे ङ्हिं गद्दिर टिब्‍मुँ। धै इस्राएल ह्रेंर्बै च्युसे ङ्हिं कुलए फिर क्‍हेमैंइ निसाफ लब्‍मुँ।

मत्ती 4:19

येशूजी चमैंने बिइ, “ङए लिलि प्रद्। ताँग खुब् धोंले अरू म्‍हिमैं ङ ङाँर खुपखब्‍मैं ङइ क्हेमैं लमिंब्मुँ।”

मत्ती 5:48

छतसि क्‍हेमैंए स्‍वर्गर टिबै आबा पक्‍का के लब् धोंले क्हेमैं या छलेन् पक्‍का के लल् त्हुमुँ।”

मत्ती 8:22

छबिमा येशूजी चने बिइ, “क्हि ङए लिलि खो। सिनुमैंलाइ सिनुमैंन पारिगे।”

मत्ती 9:9

येशू च क्‍ल्‍ह्‍योउँइँले ह्‍यारिमा मत्ती बिबै म्‍हि घ्रि बालि रेबै क्ल्ह्‍योर क्हुँरिब म्रोंइ, धै चने या “ङए लिलि प्रद्!” बिइ। छबिमा मत्ती रेसि येशूए लिलि प्रइ।

मर्कूस 10:21

येशूजी म्हाँयाले च ङाँइ ङ्‌ह्‍योसि बिइ, “क्‍हिइ अझै के घ्रि लब चैमुँ: छतसि ह्‍यासि क्‍हिए क्‍ल्‍ह्‍यो न्‍हें ताँन् चुँसि योंबै मुइ ङ्हाँदुमैं पिंन्, छलस्याँ क्‍हिइ स्‍वर्गर सै न्होर ल्हें योंब्‍मुँ। धै खसि ङए लिलि प्रद्,” बिइ।

मर्कूस 2:14

च कल्ह्‍योउँइँले ह्‍यारिमा येशूजी अल्‍फयसए च्‍ह लेबी रोमी म्रुँए बालि रेबै क्ल्ह्‍योर क्हुँरिब् म्रोंसि चने, “ङए लिलि प्रद्,” बिमा लेबी रेसि येशूए लिलि प्रइ।

मर्कूस 8:34

झाइले येशूजी खीए चेलामैं नेरो म्हिए हुल खी ङाँर हुइसि बिइ, “खाब् मुँलेया ङने बालु प्रबै सैं मुँ बिस्‍याँ चइ ज्युए म्हाँया आलरिगे बरु क्रूस नोसि ङने बालु प्ररिगे।

लूका 12:33

“छतसि क्हेमैंए सै न्होर चुँसि योंबै मुइ आयोंब्मैं पिंन्। झाइले ह्रोंसए ल्हागिर खोंयोंइ स्योब आतबै नेंदोमैं रोसि नाँस आतबै सै न्होर स्‍वर्गर साँन्। स्‍वर्गर थेंबै सै न्होर खोंयोंइ आम्ह, तलेबिस्याँ खाबज्यै ह्‍योल् आँखाँ, झाइले प्‍हुँलुँज्‍यै आच।

लूका 14:33

छतसि क्हेमैंए न्होंरि खाबइ ह्रोंसने मुँबै तोन्दोंरि सै आवथें च ङए चेला तल् आखाँ।

लूका 16:9

“ङ क्हेमैंने बिमुँ, ह्रोंसए ल्हागिर ह्‍युलर्बै स न्होरउँइँले क्ह्रिबै थुमैं बनेद्। छ लस्‍याँ क्‍हेमैंए मुइ खाँयाबै त्‍हेर चमैंइ क्‍हेमैं स्‍वर्गर स्वागत लब्मुँ।”

लूका 18:22

चए ताँ थेसि येशूजी चने बिइ, “अझै क्‍हिइ लल् त्‍हुबै के घ्रि चैमुँ। क्‍हिने मुँबै सैमैं ताँन् चुँसि योंबै मुइ ङ्हाँदुमैं चुमिंन्, धै ङए लिलि प्रद्, छलस्याँ क्‍हिइ स्‍वर्गर सै न्होर योंब्‍मुँ।”

लूका 5:27

च लिउँइँ येशू बैरु ह्‍यामा म्हालार बालि रेबै लेबी म्हि घ्रि म्रोंइ। च लेबी रोमी म्रुँए ल्हागिर बालि रेबै म्हि मुँल। येशूजी चने “ङए लिलि प्रद्,” बिइ।

लूका 6:40

चेला ह्रोंसए गुरु भन्दा थेब आत, दिलेया गुरुइ लोमिंबै ताँमैं ह्रल् खाँबै लिउँइँ मत्‍त्रे च गुरु धोंब तल् खाँम्।

लूका 9:23

धै खीजी चमैं ताँन्‍ने बिइ, “खाबै ङए लिलि खबै सैं लस्याँ, चइ ह्रोंसए तोन्‍दोंरि इच्‍छामैं पिवाल् त्‍हुम्, कति दुःख तलेया सैदिसि त्हिंइ ह्रोंसे ङए लिलि प्रल् त्‍हुम्।

यूहन्‍ना 10:27

ङए क्युमैंइ ङए कै थेम्, ङइ चमैंलाइ ङो सेम्। छतसि चमैं ङए लिलि खम्।

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

चेला चिब्मैंए केमैं 2:45

चमैंइ ह्रोंसए क्‍ल्‍ह्‍यो न्‍हें नेरो अरू सैमैं चुँसि योंबै मुइ खाँचो तब्मैंलाइ चुमिंमल।

हिब्रू 10:34

झेलर मुँब्‍मैंलाइ क्हेमैंइ ल्होमिंइ, ह्रोंसए सै न्होर अरूमैंइ लुडिवालेया क्‍हेमैं सैं तोंसिन् सैदिइ, तलेबिस्याँ क्‍हेमैंल च सै न्होर भन्दा थेब खोंयोंन् बिलै तरिबै स्वाबै सै न्होर मुँ बिसि क्‍हेमैंइ सेल।