मत्ती 19:14 - परमेश्‍वरए ताँ तमु क्युइर

¹⁴ दिलेया येशूजी बिइ, “कोलोमैं ङ ङाँर खल् पिंन्, चमैं आक्वेद्। तलेबिस्याँ स्‍वर्गर्बै ग्याल्स छाबै कोलोमैंए ल्हागिर्न ग।”

मत्ती 19:14 ပူးပေါင်းရင်းမြစ်များ

उत्पत्ति 21:4

चए च्ह प्रेरो तमा अब्राहामइ परमेश्‍वरजी बिब्‌ धोंलेन् ज्युर चिनु लइ।

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

मत्ती 18:3

बिइ, “क्ह्रोंसेंन्ले ङ क्हेमैंने बिमुँ, क्‍हेमैंए सैं एसि छाबै च्‍योंबै कोलोमैंल् धों तबै सैं आप्‍ह्‍यास्याँ क्‍हेमैं स्‍वर्गर्बै ग्याल्सर खोंयोंइ होंल् योंरिब् आरे।

मत्ती 19:15

झाइले खीजी कोलोमैं फिर यो थेंसि आशिक पिंबै लिउँइँ खी छाइले ह्‍याइ।

मत्ती 5:10

परमेश्‍वरए मिंर के लमा दुःख योंब्‍मैंइ आशिक योंब्मुँ, तलेबिस्याँ स्‍वर्गर्बै ग्याल्स चमैंलन् ग।

मत्ती 5:3

“परमेश्‍वरजी शक्‍ति आपिंइ बिस्‍याँ ङइ तोइ लल् आखाँ बिबै म्‍हिमैंइ आशिक योंब्मुँ, तलेबिस्याँ स्‍वर्गर्बै ग्याल्स चमैंल् ग।

मर्कूस 10:14

छ लब् म्रोंसि येशू ह्रिस खसि चेलामैंने बिइ, “च्योंब कोलोमैं ङ ङाँर खल् पिंन्, चमैंलाइ आक्वेद्, तलेबिस्याँ परमेश्‍वरए ग्याल्स छाबै कोलोमैंलन् ग।

मर्कूस 10:15

क्ह्रोंसेंन्ले ङ क्हेमैंने बिमुँ, च्‍योंबै कोलोमैंइ [खेंमैंए आबा-आमाए फिर छेनले भर लब्] धोंले, परमेश्‍वरए फिर भर थेंसि म्‍हाँदिब्मैंइ मत्‍त्रे परमेश्‍वरउँइँले आशिक योंब्‍मुँ, धै परमेश्‍वरए ग्याल्सर होंब्‍मुँ।”

१ कोरिन्थी 14:20

ओ अलि-अङाँमैं, च्हैंब्-मैंब् लल् त्हुबै केर कोलोमैं धों आतद्। आछ्याँबै केर कोलोमैं धों तद्, दिलेया च्हैंब्-मैंब् लल् त्हुबै केर पाको म्हि धों तद्।