मत्ती 18:8 - परमेश्‍वरए ताँ तमु क्युइर

⁸ “क्‍हिए यो अथवा प्‍हलेइ क्‍हिलाइ पाप लबर ल्हैदिम् बिस्‍याँ च थोसि भ्‍योंवाँन्। तलेबिस्याँ यो प्‍हले ङ्हिंना ङ्हिंन्‍ने नर्गर्बै मिर ह्‍याब् भन्दा बरु डुँड तसि खोंयोंइ आखाँबै छ्ह योंब क्‍हिए ल्हागिर बेल्‍ले छ्याँब ग।

मत्ती 18:8 ပူးပေါင်းရင်းမြစ်များ

मत्ती 17:27

दिलेया चु म्‍हिमैं गार आम्‍हाँदिरिगे बिसि ङ्योइ बालि फोले। छतसि तालर ह्‍यासि बल्‍छि प्रिंन्। धाँसे ओंसों बल्‍छिर फेबै ताँग ट्हुइद्। चए सुँर क्‍हिइ चाँदिए मुइ घ्रि योंब्‍मुँ। च मुइ ङ्यो ङ्हिंए मन्दिरर्बै बालि फोब् योम्। चन् बोसि ङ्यो ङ्हिंए बालि फोबर चमैंने पिंन्।”

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

लूका 14:33

छतसि क्हेमैंए न्होंरि खाबइ ह्रोंसने मुँबै तोन्दोंरि सै आवथें च ङए चेला तल् आखाँ।

लूका 16:24

“चइ कै तेसि बिइ, ‘ओ बाज्‍यू अब्राहाम, ङए फिर ल्हयो खसि लाजरस ङ ङाँर कुल्मिंन्। चए योरि क्‍युर प्‍ल्हुँसि ङए सुँर झोंमिंरिगे। तलेबिस्या ङ चु मिए राबर थेबै दुःख योंरिइमुँ।’

रोमी 13:12

म्‍हुँइँस ह्‍याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्‍वरए ह्‍वेर टिसि छ्याँबै के लद्, हत्‍यारमैं छेसि पापने नेद्।

दर्शन 14:10

चमैंइ परमेश्‍वरए बेल्‍ले थेबै ह्रिसए प्हा थुँल् त्‍हुब्‍मुँ। च त्हेर तिफुँइ ल्हयो आखल्‍ले परमेश्‍वरजी सजैं पिंब्‍मुँ। च म्‍हिमैंइ पबित्र स्‍वर्गदूतमैं नेरो क्‍यु च्हजए उँइँरि मि नेरो गन्‍धकरि बेल्‍ले दुःख योंब्‍मुँ।

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”