मत्ती 18:7 - परमेश्‍वरए ताँ तमु क्युइर

⁷ धिक्‍कार चु ह्‍युललाइ! तलेबिस्याँ चु ह्‍युलर म्‍हिमैंलाइ पापर च्होवाबै सैमैं मुँ। पापर च्होवाबै परिक्षाम् खम्, दिलेया अरू म्हिलाइ पापर च्होवाबै म्हिलाइ झन धिक्‍कार मुँ।

मत्ती 18:7 ပူးပေါင်းရင်းမြစ်များ

उत्पत्ति 13:7

छतमा अब्राम नेरो लोतए खेदो छब्मैंए न्होंरि प्होंगि तइ। च त्हेर कनानीमैं नेरो परिज्जीमैं या च ह्‍युलर टिमल।

मत्ती 16:23

दिलेया खीजी पत्रुसने बिइ, “ओ दुष्‍ट, ङ ङाँइँले स्‍योह्‍याद्। क्‍हि ङ प्रल् त्‍हुबै घ्‍याँरि पुजु तइमुँ, तलेबिस्याँ क्‍हिए चु ताँ म्‍हिए ताँ ग, परमेश्‍वरउँइँले खब आङिं।”

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

मर्कूस 13:7

प्होंब् नेब् तब क्हेमैंइ म्रोंब्मुँ, ‘प्होंब् नेब् तरिइमुँ रो’ बिब थेब्‍मुँ, दिलेया क्हेमैं आङ्हिंन् तलेबिस्याँ चु तलन् त्हुम्। छान् तलेया नास तबै त्हे अझै आतइमुँ।

लूका 17:1

येशूजी ह्रोंसए चेलामैंने बिइ, “म्हिलाइ पापर च्होवाबै सैमैं खैलेबिलेन् खब्मुँ, दिलेया आछ्याँबै पाप केमैं लबर ल्हैदिबै म्हिइ थेबै सजैं योंब्मुँ।

यूहन्‍ना 17:12

ङ चमैंने मुँमा क्हिए मिंए शक्‍तिउँइँले ङइ चमैं जोगेसि थेंमिंइ। परमेश्‍वरए छ्वेर प्ह्रिबै ताँ पूरा तबै ल्हागिर नास तल् त्हुबै चेला बाहेक अरू खाबै या नास आतइमुँ।

चेला चिब्मैंए केमैं 1:16

“ओ अलि-अङाँमैं, येशू क्हाब्मैंए घ्‍याँ उँइँमिंबै यहूदाए बारेर दाऊदए सुँउँइँले ओंसोंन् पबित्र प्ल्हजी बिमिंल। च छ्‍वेर प्ह्रिथेंबै ताँ ताँन् तखल् त्हुमल।

१ कोरिन्थी 11:19

(छ्याँब नेरो आछ्याँबै म्‍हि छेनाले सेबै ल्हागिर क्‍हेमैं न्‍होंर आक्ह्रिबै ताँमैं या तलन् त्हुम्।)

१ तिमोथी 6:1

परमेश्‍वरए मिं नेरो ङ्योइ लोमिंबै ताँमैंल अरूइ ताँ सेन् आछेरिगे बिसि केब्छैं केब्स्योमैंइ ह्रोंसए क्ल्हेए मान छेनाले लरिगे।

तीतस 2:5

ताँ क्होब, ह्रोंसए धिं नाँ चुसि टिल् खाँब, आगुए फिर ल्हयो खब, ह्रों-ह्रोंसए प्‍युँमैंए न्होंर टिब तल् त्हुम्,” बिसि लोमिंल् खाँरिगे। छ लइ बिस्‍याँ खाबज्यै या परमेश्‍वरए छ्वेउँइँले लोमिंबै ताँ थोल् खाँरिब् आरे।

तीतस 2:8

क्हिइ खाबज्यै थोल् आखाँबै क्ह्रोंसेंन्बै ताँमैं मत्‍त्रे पोंन्, छले पोंस्‍याँ क्‍हिए ताँ क्हाबै क्ल्ह्‍यो चमैंइ योंरिब् आरे। छतमा ङ्योए बिरोधर राब्मैं खेंमैंन् फा पिन् तयाब्मुँ।

यहूदाइ प्‍ह्रिबै प्ह्रिछ्या 1:4

तलेबिस्याँ को-कोइ म्‍हिमैं स्योलिबै ताँ बिबर क्हेमैंए म्हाँजोर था आसेल्‍ले होंयाल् खाँइमुँ। चुमैंइ परमेश्‍वरलाइ आम्हाँदि, धै चुमैंए आछ्याँबै केमैं लबै ल्हागिर ङ्योए परमेश्‍वरए दयाम्हाँयालाइ तो धोंइ आङ्हाँन्ल्‍ले छाइ खैने माइ खै लवाम्। धै ङ्योए घ्रि मत्‍त्रे क्ल्हे प्रभु येशू ख्रीष्‍टए फिर चमैंइ बिश्‍वास आल। छतसि ओंसों ओंनोंन् चमैं दण्ड योंबर ठर्दिल् खाँइमुँ।