मत्ती 18:6 - परमेश्‍वरए ताँ तमु क्युइर

⁶ “ङए फिर बिश्‍वास लबै छाबै कोलोमैं न्होंर्बै घ्रिलाइ खाबइ ङ ङाँइँले स्‍योवासि पाप लबर ल्हैदिमुँ, च म्हिइ च केए सजैं योंब् भन्दा चए खरिर थेबै ह्रेंदो च्‍योसि मा ङ्युँइर भ्‍योंवाब चए ल्हागिर छ्याँब तम्।

मत्ती 18:6 ပူးပေါင်းရင်းမြစ်များ

भजनमैं 105:15

“ङइ त्हाँबै म्हिमैंलाइ आछुइद्; ङए अगमबक्‍तामैंलाइ तोइ न्होह्रों आलद्!”

मत्ती 17:27

दिलेया चु म्‍हिमैं गार आम्‍हाँदिरिगे बिसि ङ्योइ बालि फोले। छतसि तालर ह्‍यासि बल्‍छि प्रिंन्। धाँसे ओंसों बल्‍छिर फेबै ताँग ट्हुइद्। चए सुँर क्‍हिइ चाँदिए मुइ घ्रि योंब्‍मुँ। च मुइ ङ्यो ङ्हिंए मन्दिरर्बै बालि फोब् योम्। चन् बोसि ङ्यो ङ्हिंए बालि फोबर चमैंने पिंन्।”

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

मत्ती 18:14

छलेन स्‍वर्गर मुँबै क्हेमैंए परमेश्‍वर आबालाज्यै या छाबै ङए फिर बिश्‍वास लबै कोलोमैं न्होंर घ्रि या नास आतरिगे बिबै सैं मुँ।

मत्ती 18:5

झाइले खाबइ ङए मिंर छाबै कोलो घ्रि मान लमुँ, चइ ङलाज्यै या मान लम्।

मर्कूस 9:42

येशूजी धबै बिइ, “ङए फिर बिश्‍वास लब्‍मैंए न्‍होंरि खाबइ ङ ङाँइँले म्हि घ्रि फ्रेवामुँ, च केए थेबै सजैं योंब् भन्दा बरु थेबै ह्रेंदो चए खरिर च्‍योसि तालर भ्‍योंवाब च म्‍हिए ल्हागिर छ्याँब तमल।

चेला चिब्मैंए केमैं 9:5

चइ बिइ, “प्रभु, क्‍हि खाब् जा?” छबिमा खीजी बिइ, “ङ क्हिइ ह्रुगुदिरिबै येशू ग।

रोमी 14:21

छतसि खास ताँ, से चब, प्हा थुँब मत्‍त्रे आङिं, क्हिइ तो के ललेया अलिलाइ पापर आच्होवारिगे।