मत्ती 18:22 - परमेश्‍वरए ताँ तमु क्युइर

²² येशूजी चने बिइ, “ङ क्हिने बिमुँ, ङिखे आङिं, ङिच्‍यु गुणा ङिखे समा क्षमा पिंल् त्‍हुम्!

मत्ती 18:22 ပူးပေါင်းရင်းမြစ်များ

उत्पत्ति 4:24

कयिनलाइ सैब्मैंल म्हि ङि सिल् त्हुब्मुँ बिस्याँ, लेमेखलाइ सैब्मैंल झन् ङिच्‍युसे ङि म्हि सिल् त्हुब्मुँ।”

मत्ती 18:23

छतसि स्‍वर्गर्बै ग्याल्स म्रुँ घ्रि धोंन् तब् ग। च म्रुँइ ह्रोंसए केब्छैंमैंने खीउँइँले बोबै छे ह्रिल् त्हुइ बिबै सैं लइ।

मर्कूस 11:25

झाइले स्‍वर्गर टिबै परमेश्‍वर आबाजी क्‍हेमैंइ लबै पाप क्षमा लमिंरिगे बिसि क्‍हेमैंइ प्राथना लमा खाब्ने या तोइ आक्‍ह्रिबै ताँमैं मुँस्‍याँ च म्‍हिलाइ क्षमा पिंन्।

रोमी 12:21

छतसि अरूमैंए आछ्याँबै केइ ह्रोंसलाइ ट्होल् आपिंन्, बरु क्हेमैंइ छ्याँबै के लसिन् आछ्याँबै के ट्होवाद्।

एफिसी 4:26

ह्रिस खनाबिलेया पाप केमैं आलद्। ह्रिस खलेया त्हिंयाँ लिब् भन्दा ओंसोंन् क्हेमैंए ह्रिस म्हल् त्हुम्।

एफिसी 4:31

ताँन् खालर्बै आछ्याँबै ताँमैं, ह्रिस खब, ह्रिस लब, गाल् केब, प्होंगि कैगि लब पिवाद्।

कलस्सी 3:13

घ्रिइ तोइ लवास्याँ घ्रिज्यै या सैदिब्रें लद्, खाब् मुँले म्हिलाइ छ्याब् ल्हैदिबै ताँ तोइ मुँस्याँ घ्रिइ घ्रिलाइ क्षमा लब्रें लद्। क्‍हेमैंलाइ प्रभुजी क्षमा लमिंब् धोंलेन क्‍हेमैंज्‍यै या अरूलाइ क्षमा लमिंल् त्हुम्।

१ तिमोथी 2:8

छतसि ताँन् क्ल्ह्‍योजरे मुँयुँमैंइ ह्रिस आखल्‍ले, तोइ गनगन आलल्‍ले आछ्याँबै के आलबै यो क्वेसि प्राथना लरिगे बिब ङए सैं मुँ।