मत्ती 18:16 - परमेश्‍वरए ताँ तमु क्युइर

¹⁶ दिलेया चइ क्‍हिए ताँ थेल् आङिंस्‍याँ म्‍हि घ्रिदे ङ्हिंदे साक्षि ग्वाइ लबर क्‍हिने बालु बोसि चने सल्‍ला लद्। तलेबिस्याँ ‘उजुर लस्‍याँ साक्षि ग्वाइ टिब्‍मैं ङ्हिंदे सोंदे चैदिम्,’ बिसि ठिमर प्‍ह्रिथेंइमुँ।

मत्ती 18:16 ပူးပေါင်းရင်းမြစ်များ

यूहन्‍ना 8:17

क्हेमैंए ठिमरै या म्हि ङ्हिंइ पिंबै ग्वाइ क्ह्रिबिस्याँ च ताँ क्ह्रोंसेंन्बै तब्मुँ बिसि प्ह्रिइमुँ।

२ कोरिन्थी 13:1

तारे ङ सोंखेबै लार क्‍हेमैं ङाँर खसिन् मुँ। खाब् मुँलै म्हिए फिर तोइ दोष ल्हैदिस्याँ परमेश्‍वरए छ्वेर प्‍ह्रिब् धोंले, “म्‍हि ङ्हिं सोंइ बिबै ताँ क्ह्रिस्याँ मत्‍त्रे च ताँ पक्‍का तम्।”

१ तिमोथी 5:19

एल्डरए बिरोधर तोइ छ्याब् ल्हैदिस्याँ म्हि ङ्हिंदे सोंदेए ताँ आक्ह्रिन् समा आक्‍वेंन्, दिलेया म्‍हि ङ्हिंदे, सोंदेए ग्वाइ क्‍ह्रिस्‍याँ मत्‍त्रे क्‍वेंन्।

हिब्रू 10:28

मोशाइ प्ह्रिबै ठिम आम्हाँदिबै म्हिए बारेर म्‍हि ‍ङ्हिंदे सोंदेए ग्वाइ तइ बिस्याँ च म्हि ल्हयो आयोंल्‍ले सिल् त्हुम्।

दर्शन 11:3

दिलेया ङए ग्वाइ पिंब्‍मैं ङ्हिंलाइ हजार घ्रिसे ङ्हिप्रसे ट्हुच्‍यु त्हिंइ समा ह्रेंग खिसि ङए ताँ पोंबै भों पिंब्‍मुँ।”