मत्ती 18:14 - परमेश्‍वरए ताँ तमु क्युइर

¹⁴ छलेन स्‍वर्गर मुँबै क्हेमैंए परमेश्‍वर आबालाज्यै या छाबै ङए फिर बिश्‍वास लबै कोलोमैं न्होंर घ्रि या नास आतरिगे बिबै सैं मुँ।

मत्ती 18:14 ပူးပေါင်းရင်းမြစ်များ

मत्ती 18:13

क्ह्रोंसेंन ङ क्हेमैंने बिमुँ, चइ च म्‍हयाबै क्‍यु योंइ बिस्याँ आम्‍हबै कुच्युसे कु क्युमैंए ल्हागिर भन्दा च म्हयाबै क्यु योंइ बिसि प्‍ह्रोंछैं बेल्‍ले सैं तोंब्मुँ।

मत्ती 18:15

“क्‍हिए अलिइ क्‍हिए बिरोधर तोइ आछ्याँबै के लस्‍याँ, ओंसों च ङाँर ह्‍यासि क्हेमैं ङ्हिं मत्‍त्रे मुँमा चइ लबै आछ्याँबै केमैं उँइँमिंन्। धै चइ क्‍हिए ताँ ङिंस्‍याँ, क्‍हिए अलि ह्रोंसलन् तइ।

मत्ती 5:16

छलेन क्‍हेमैंए छ्याँबै बाँनि अरू म्‍हिमैंइ म्रोंरिगे। छले क्‍हेमैंइ लबै छ्याँबै के म्हिमैंए उँइँर चाररिगे। धै चमैंइ स्वर्गर मुँबै क्हेमैंए परमेश्‍वर आबाए मान लरिगे।

मत्ती 6:32

तलेबिस्याँ परमेश्‍वर ङो आसेब्‍मैंइ खोंयोंन् बिलै छलेन् न्हुँ लम्, क्‍हेमैं बिस्याँ छले न्हुँ लरिल् आत्हु। क्‍हेमैंलाइ तो-तो सैमैंए खाँचो मुँ बिसि क्‍हेमैंए स्वर्गर मुँबै परमेश्‍वर आबाजी सेम्।

मत्ती 6:9

क्‍हेमैंइ प्राथना लमा छले लद्: ओ स्‍वर्गर मुँबै ङिए परमेश्‍वर आबा, क्हिए मिं पबित्र तरिगे।

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

यूहन्‍ना 17:12

ङ चमैंने मुँमा क्हिए मिंए शक्‍तिउँइँले ङइ चमैं जोगेसि थेंमिंइ। परमेश्‍वरए छ्वेर प्ह्रिबै ताँ पूरा तबै ल्हागिर नास तल् त्हुबै चेला बाहेक अरू खाबै या नास आतइमुँ।

यूहन्‍ना 21:15

चमैंइ चल् खाँबै लिउँइँ येशूजी सिमोन पत्रुसने “ओ यूहन्‍नाए च्ह सिमोन, क्हिइ ङने चुमैंइ भन्दा ल्हें म्हाँया लम्मा?” बिमा चइ खीने बिइ, “अँ प्रभु, ङइ क्हिलाइ म्हाँया लम् बिब क्हिजी सेइमुँ।” खीजी चने बिइ, “छ बिस्याँ ङए क्यु झजमैं चल् पिंन्।”

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

हिब्रू 12:13

डुड् प्हले आथुररिगे, बरु सयारिगे बिसि क्हेमैं प्रबै घ्‍याँ सोद् लद्।

२ पत्रुस 3:9

को-कोइए सैंर “प्रभु युबर क्‍हैल् लइ,” ङ्हाँलेया प्रभुजी खीजी फैबै बाछा पूरा लबर क्हैल् आल। खाबै या नास आतरिगे बरु ह्रोंसए पापउँइँले सैं एसि खिउँइँ तोरिगे बिसि प्रभुजी क्हेमैंलाइ सैदिसि पैंरिइमुँ।