मत्ती 18:12 - परमेश्‍वरए ताँ तमु क्युइर

¹² “क्‍हेमैंइ खै ङ्हाँमुँ? क्‍यु प्र मुँबै प्‍ह्रोंछैंइ क्‍यु घ्रि म्‍हयास्‍याँ चइ च कुच्युसे कु क्युमैं वाथेंसि च म्‍हयाबै क्‍यु घ्रि म्‍हैबर खन्तोंदोंन् आह्‍या रो वा?

मत्ती 18:12 ပူးပေါင်းရင်းမြစ်များ

भजनमैं 119:176

म्हयाबै क्यु धों ङ तप्ररिइमुँ; ह्रोंसए केब्छैंलाइ म्हैदु, तलेबिस्याँ क्हिए ताँमैं ङइ आम्‍लेइमुँ।

मत्ती 12:11

येशूजी चमैंने बिइ, “क्‍हेमैं न्‍होंरि म्‍हि घ्रिए क्‍यु घ्रि प्रिबै त्हिंइर होंल्‍दोंर होंयास्याँ चैंसि बैरु आते रो वा?

मत्ती 18:13

क्ह्रोंसेंन ङ क्हेमैंने बिमुँ, चइ च म्‍हयाबै क्‍यु योंइ बिस्याँ आम्‍हबै कुच्युसे कु क्युमैंए ल्हागिर भन्दा च म्हयाबै क्यु योंइ बिसि प्‍ह्रोंछैं बेल्‍ले सैं तोंब्मुँ।

मत्ती 21:28

येशूजी चमैंने धबै बिइ, “चु ताँए बारेर क्‍हेमैं खै ङ्हाँम्? म्‍हि घ्रिला च्‍ह ङ्हिं मुँल। आबा च्‍ह थेब ङाँर ह्‍यासि ‘ओ ठागु, तिंयाँ क्‍हि म्रोंर ह्‍यासि के लद्,’ बिमा

मत्ती 22:42

“परमेश्‍वरजी कुल्मिंबै म्रुँ ख्रीष्‍टए बारेर क्‍हेमैं खै ङ्हाँम्? खी खाबै च्ह जा?” चमैंइ “दाऊदए च्ह ग,” बिइ।

१ कोरिन्थी 10:15

च्हैंब् मैंब् लल् खाँबै म्हिमैंने धोंले ङइ क्हेमैंने बिइमुँ, ङइ बिबै ताँ क्हेमैंइ बिचार लद्।

१ पत्रुस 2:25

क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।