मत्ती 17:27 - परमेश्‍वरए ताँ तमु क्युइर

²⁷ दिलेया चु म्‍हिमैं गार आम्‍हाँदिरिगे बिसि ङ्योइ बालि फोले। छतसि तालर ह्‍यासि बल्‍छि प्रिंन्। धाँसे ओंसों बल्‍छिर फेबै ताँग ट्हुइद्। चए सुँर क्‍हिइ चाँदिए मुइ घ्रि योंब्‍मुँ। च मुइ ङ्यो ङ्हिंए मन्दिरर्बै बालि फोब् योम्। चन् बोसि ङ्यो ङ्हिंए बालि फोबर चमैंने पिंन्।”

मत्ती 17:27 ပူးပေါင်းရင်းမြစ်များ

उत्पत्ति 1:28

परमेश्‍वरजी चमैंने आशिक पिंसि बिइ, “प्हारदै रोदै ल्हें तदै ह्‍याद्। पृथ्बीर प्लिंदै चए फिर क्‍ल्‍हे लदै ह्‍याद्। मा ङ्युँर्बै ताँगमैं, मुर्बै नमेमैं नेरो ह्‍युलर्बै ताँन् सो प्ह्‍याबै सैमैं फिर्बै क्ल्हे तद्।”

भजनमैं 8:8

मुर प्हुरबै नमेंमैं, मा ङ्युँइर्बै ताँगामैं, नेरो मा ङ्युँइ न्होंर मुँबै ताँन् सो प्ह्‍याबै सैमैं या म्हिए च्हए न्होंर्न थेंमिंइ।

योना 1:17

धै योनालाइ क्ल्ह्‍योंबर याहवेहजी बेल्‍ले थेबै ताँगा कुलइ। धै च ताँगाए फो न्होंर योना त्हिंइ सोंरो म्हुँइँस सोंरो टिइ।

योना 2:10

झाइले याहेवेहजी ताँगाने योनालाइ तेवाद् बिमा ताँगाइ योनालाइ क्यु आरेबै क्ल्ह्‍योर रुइवाइ।

मत्ती 17:26

पत्रुसइ “अरू म्‍हिमैंउँइँले रेम् बिइ।” छबिमा येशूजी चने बिइ, “ए, छ बिस्‍याँ म्रुँए च्हमैंइमि बालि फोल् आत्‍हुमुना।

मत्ती 18:6

“ङए फिर बिश्‍वास लबै छाबै कोलोमैं न्होंर्बै घ्रिलाइ खाबइ ङ ङाँइँले स्‍योवासि पाप लबर ल्हैदिमुँ, च म्हिइ च केए सजैं योंब् भन्दा चए खरिर थेबै ह्रेंदो च्‍योसि मा ङ्युँइर भ्‍योंवाब चए ल्हागिर छ्याँब तम्।

मत्ती 18:8

“क्‍हिए यो अथवा प्‍हलेइ क्‍हिलाइ पाप लबर ल्हैदिम् बिस्‍याँ च थोसि भ्‍योंवाँन्। तलेबिस्याँ यो प्‍हले ङ्हिंना ङ्हिंन्‍ने नर्गर्बै मिर ह्‍याब् भन्दा बरु डुँड तसि खोंयोंइ आखाँबै छ्ह योंब क्‍हिए ल्हागिर बेल्‍ले छ्याँब ग।

मत्ती 5:29

छतसि क्‍हिए क्‍योलोउँइँबै मिइ क्‍हिलाइ पाप लबर ल्हैदिम् बिस्याँ च मि ट्हुइसि भ्‍योंवाँन्। तलेबिस्याँ मि घ्रिइ लबउँइँले ताँन् ज्यु नर्गर फेब् भन्दा पाप लबर ल्‍हैदिबै मि घ्रि भ्योंवाँब छ्याँब तम्।

मत्ती 5:30

छलेन क्‍हिए क्‍योलो योइ क्‍हिलाइ पाप लबर ल्‍हैदिम् बिस्‍याँ च क्‍याँसि भ्‍योंवाँन्। तलेबिस्याँ ताँन् ज्यु नर्गर फेब् भन्दा पाप लबर ल्‍हैदिबै यो घ्रि भ्योंवाँब छ्याँब तम्।

मर्कूस 9:42

येशूजी धबै बिइ, “ङए फिर बिश्‍वास लब्‍मैंए न्‍होंरि खाबइ ङ ङाँइँले म्हि घ्रि फ्रेवामुँ, च केए थेबै सजैं योंब् भन्दा बरु थेबै ह्रेंदो चए खरिर च्‍योसि तालर भ्‍योंवाब च म्‍हिए ल्हागिर छ्याँब तमल।

मर्कूस 9:43

क्हिए योइ क्‍हि पापर च्होवाम् बिस्‍याँ च यो थोवाद्। यो ङ्हिंन ङ्हिंन् तसि नर्गर्बै मिर ह्‍याब् भन्दा बरु डुँड तनाबिलेया खोंयोंइ आखाँबै छह् योंब क्हिए ल्हागिर छ्याँब तम्।

लूका 17:2

चु च्‍युगुथिरि कोलोमैं धों तबै म्हि घ्रिलाइ पाप के लबर ल्हैदिस्याँ च म्हिइ सजैं योंब् भन्दा चए खरिर ह्रेंदो च्‍योसि मा ङ्युँइर भ्‍योंवाब् चए ल्हागिर छ्याँब तब्मुँ।

यूहन्‍ना 6:61

दिलेया चु ताँ थेमा खीए चेलामैंइ सैं आक्होसि ताँ लबर होंइ बिब था सेसि येशूजी चमैंने बिइ, “चु ताँ थेसि क्हेमैं ङए लिलि प्रब पिवाम्मा?

रोमी 14:21

छतसि खास ताँ, से चब, प्हा थुँब मत्‍त्रे आङिं, क्हिइ तो के ललेया अलिलाइ पापर आच्होवारिगे।

१ कोरिन्थी 8:13

छतसि बिश्‍वासर आभोंबै अलिलाइ ङइ चबै सैइ पापर च्होवाम् बिस्‍याँ, कुर चडेबै सै ङइ खोंयोंइ चरिब् आरे।

१ कोरिन्थी 8:9

बरु छेन्ले मैंन्! क्हिइ तोइ आमैंन्ले कुर चडेबै सै चलेन् तम् बिसि चबइले बिश्‍वासर आभोंबै म्हिमैं पापर आच्होरिगे।

२ कोरिन्थी 6:3

ङिइ परमेश्‍वरए सेवा लमा आगुइ ताँ सेन् आछेरिगे बिसि ङिइ खाबलाज्यै सैं नल् लबै के आल।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

१ थेसलोनिकी 5:22

ताँन् आछ्याँबै केमैंउँइँले स्यो तद्।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?