मत्ती 17:22 - परमेश्‍वरए ताँ तमु क्युइर

²² खेंमैं धबै गालील ह्‍युलर खागु तमा येशूजी चमैंने बिइ, “म्हिए च्ह म्‍हिमैंए योर पिंवाब्मुँ।

मत्ती 17:22 ပူးပေါင်းရင်းမြစ်များ

मत्ती 16:21

च त्हे ओंनोंन् खीजी ह्रोंसए चेलामैंने ह्रोंसइ नोल् त्हुबै दुःखए बारेर बिबर होंइ। “ङ यरूशलेम ह्‍याल् त्हुम्, धै चिबनाँब्मैं, ख्रो पिंबै खेगि चिब्मैं नेरो शास्‍त्रिमैंउँइँले ल्हें दुःख योसि सिल् त्हुम्। दिलेया सोंरोंर ङ सोगों तसि खब्मुँ।”

मत्ती 16:28

क्ह्रोंसेंन ङ क्हेमैंने बिमुँ, चुर मुँब्मैं न्होंरि कति म्हिइ म्हिए च्ह खीए ग्याल्सर युरिब आम्रोंन् समा सिरिब् आरे।”

मत्ती 17:12

ङ क्हेमैंने बिमुँ, एलिया युल् खाँइमुँ, दिलेया म्‍हिमैंइ चलाइ ङो आसेसि खैच्हिजी लइ। छलेन म्हिए च्हज्यै या चमैंउँइँले थेबै दुःख योंब्मुँ।”

मत्ती 17:23

चमैंइ खीलाइ सैवाब्‍मुँ, दिलेया सोंरोंर खी धबै सोगों तसि खब्‍मुँ।” छाबै ताँ थेमा चेलामैं बेल्‍ले न्हुँ लइ।

मत्ती 17:9

झाइले खेंमैं कोंउँइँले क्‍युरु युरिमा येशूजी चमैंने बिइ, “म्हिए च्ह सिबउँइँले धबै सोगों आतन् समा क्हेमैंइ म्रोंबै चु ताँ खाबलाज्यै या आबिद्।”

मत्ती 24:10

छतमा ल्‍हें म्‍हिमैंइ ङए फिर बिश्‍वास लब पिवाब्‍मुँ। चमैंइ खें-खेंमैंए न्‍होंर्न घ्रिइ-घ्रिए फिर धोका पिंसि क्हाल् पिंब्मुँ, धै हेल लुब्मुँ।

मत्ती 26:16

च त्हेसेरो यहूदाइ येशूलाइ क्‍हाल् पिंबै दाउ ङ्ह्‍योबर होंइ।

मत्ती 26:46

रेद्, ह्‍याले। ङ्‍ह्‍योद्! ङलाइ क्हाल् पिंबै म्‍हि चेंदोन् मुँ।”

मर्कूस 8:31

झाइले येशूजी चेलामैंने “म्हिए च्हजी ल्‍हें दुःख सैदिल् त्‍हुम्। चिबनाँब्मैं, ख्रो पिंबै खेगि चिब्मैं नेरो शास्‍त्रिमैंइ ङ म्‍हि आच्‍हिसि सैबर ल्हैदिम्। दिलेया सिबै सोंरोर ङ धबै सोगों तसि रेखब्मुँ बिसि लोमिंबर होंइ।”

लूका 24:26

परमेश्‍वरजी कुल्मिंबै जोगेमिंबै म्रुँ ख्रीष्‍टजी छाबै दुःख योंल् त्‍हुम्। झाइले ह्रोंसए मान योंबै कल्ह्‍योर ह्‍याल् आत्हु वा?”

लूका 24:46

येशूजी चमैंने बिइ, “‘परमेश्‍वरजी कुल्मिंबै म्रुँ ख्रीष्‍टजी दुःख नोल् त्‍हुम्, धै सिसि सोंरोर धबै सोगों तसि रेल् त्‍हुम्,’ बिसि परमेश्‍वरए छ्वेर प्‍ह्रिइमुँ।

लूका 9:22

खीजी धबै बिइ, “परमेश्‍वरउँइँले कुल्‍मिंबै म्हिए च्हजी ल्हें दुःख नोल् त्हुम्। ख्रो पिंबै खेगि चिब्मैं, शास्‍त्रिमैं नेरो अरू चिबनाँब्मैंइ खैच्हिजी लसि खीलाइ सैवाब्‍मुँ, दिलेया सोंरोंर धबै सोगों तसि रेइ खब्‍मुँ।”

लूका 9:43

परमेश्‍वरए च्हौ थेबै शक्‍ति म्रोंसि चमैं ताँन् प्लेटोयाइ। धै येशूजी लब्ब्रें लबै केमैंउँइँले ताँन् म्हिमैं अचम्‍मा तब् म्रोंसि खीजी ह्रोंसए चेलामैने बिइ,

चेला चिब्मैंए केमैं 7:52

ताँन् अगमबक्‍तामैंलाइ चमैंइ ह्रुगुदिल! खीए पबित्र के लबै म्हि युसिन् मुँ ओंसों बिबै म्हिमैंलाज्यै या चमैंइ सैवाल। तोगो च म्हि युज्यै या क्हेमैंइ चलाइ क्हाल् पिंसि सैवाइमुँ।

१ कोरिन्थी 11:23

तलेबिस्याँ प्रभुजी ङने लोमिंबै ताँमैंन् क्हेमैंलाज्यै या ङइ लोमिंइमुँ। खीलाइ क्हाबै म्‍हुँइँसर खीजी क्‍हें छेइ,