मत्ती 17:20 - परमेश्‍वरए ताँ तमु क्युइर

²⁰ खीजी चमैंने “क्‍हेमैंइ परमेश्‍वरए फिर छेनाले बिश्‍वास आलइरि ग। ङ क्ह्रोंसेंन क्हेमैंने बिमुँ, क्‍हेमैंने पासगिए फुँ द प्रि बिश्‍वास मुँस्‍याँ चु कों ‘क्‍याइ स्‍योह्‍याद्’ बिलेया च स्‍योह्‍याम्। धै क्‍हेमैंइ लल् आखाँबै सै तोइ तरिब् आरे।”

मत्ती 17:20 ပူးပေါင်းရင်းမြစ်များ

मत्ती 13:31

येशूजी चमैंने अर्को अहान या बिइ, “स्‍वर्गर्बै ग्याल्स पासगिए प्‍लु धोंन् तब् ग। म्‍हि घ्रिइ च प्‍लु ह्रोंसए म्रोंर प्‍लुइ।

मत्ती 14:29

खीजी “तम्, खो,” बिमा पत्रुस डुँङ्गाउँइँले तसि येशू ङाँर ह्‍याबर क्यु फि फि प्रबर होंइ।

मत्ती 17:17

येशूजी खीए चेलामैंने बिइ, “क्हेमैंम् कति बिश्‍वास आरेबै आच्योबै म्‍हिमैं मुँन! ङ खोंयों समा क्‍हेमैंने टिल् त्‍हुम्? ङइ खोंयों समा क्हेमैंलाइ सैदिरिब् जा? खोइ च कोलो चुर ङ ङाँर पउ।”

मत्ती 17:19

छतब् म्रोंसि चेलामैं खाबज्यै आसेल्‍ले येशू ङाँर खसि “ङिइ च मों तले ल्‍हाल् आखाँगे?” बिसि ङ्योएइ।

मत्ती 17:9

झाइले खेंमैं कोंउँइँले क्‍युरु युरिमा येशूजी चमैंने बिइ, “म्हिए च्ह सिबउँइँले धबै सोगों आतन् समा क्हेमैंइ म्रोंबै चु ताँ खाबलाज्यै या आबिद्।”

मत्ती 21:21

येशूजी चमैंने बिइ, “क्ह्रोंसेंन ङ क्हेमैंने बिमुँ, क्‍हेमैंइ तोइ संका आलनाले क्वेंस्‍याँ चु तुँबुए धुँलाइ ङइ लब् धोंले क्हेमैंज्यै लल् खाँम्। च्‍हौ मत्‍त्रे आङिं, क्‍हेमैंइ चु कोंलाज्यै या ‘स्युसि मा ङ्युँइर तेयाद्’ बिलेया छान् तब्‍मुँ।

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

मर्कूस 11:22

येशूजी चमैंने बिइ, “परमेश्‍वरए फिर भर थेंस्‍याँ तोन्‍दोंरि सै तल् खाँम्।

मर्कूस 11:23

क्ह्रोंसेंन ङ क्हेमैंने बिमुँ, खाबज्यै ह्रोंसए सैं न्‍होंर तोइ संका आलल्‍ले ह्रोंसइ बिबै ताँ खैले बिलेन् तम् बिसि बिश्‍वास लसि चु कोंने ‘क्‍हि छुइले स्‍योसि तालर तेह्‍याद्,’ बिलेन चए ल्हागिर छान् तम्।

मर्कूस 4:31

चम् च्युगुथिरि प्लु धों तब् ग। च प्‍लु ताँन् भन्दा च्‍योंबै फुँ मुँलेया

मर्कूस 9:23

येशूजी चने बिइ, “‘क्‍हिजी लमिंल् खाँस्याँ’ बिसि तले बिल? ङए फिर बिश्‍‍वास लब्मैंए ल्हागिर तोन्दोंरि सै तल् खाँम्।”

लूका 1:37

तलेबिस्याँ परमेश्‍वरजी लल् आँखाँबै सै तोइ आरे।”

लूका 17:6

प्रभु येशूजी बिइ, “क्‍हेमैंने पासगिए फुँ धों प्रेथेबै च्‍युगुथिरि मत्‍त्रे बिश्‍वास मुँ बिस्याँ ‘चु काफलए धुँ मा ङ्युँइर रुँइँयाद्,’ बिलेया चइ ङिंब्मुँ।”

लूका 18:27

येशूजी चमैंने बिइ, “म्हिमैंइ लल् आखाँबै के परमेश्‍वरजी लल् खाँम्।”

यूहन्‍ना 11:40

येशूजी चने बिइ, “क्हिइ बिश्‍वास लस्याँ परमेश्‍वरए औदिबै के म्रोंब्‍मुँ बिसि ङइ क्हिने बिब् आङिं वा?”

१ कोरिन्थी 12:9

कोइइ पबित्र प्ल्हउँइँलेन् परमेश्‍वरए फिर बिश्‍वास लबै सैं योंइमुँ, कोइइ नब छब्मैं सल् लबै बरदानमैं योंइमुँ,

१ कोरिन्थी 13:2

छलेन ङइ अगमबाणि पोंबै भों योंलेया, क्होल् आखाँबै ताँमैं क्होल् खाँलेया, तोन्दोंरि सैर ह्रब-सेब तलेया, झाइले कोंमैं स्‍योवाल् खाँबै बिश्‍वास ङने मुँलेया ङइ अरूए फिर म्हाँया आलस्‍याँ ङ तोइ सैरै या केर आफेबै म्हि तम्।

हिब्रू 3:19

परमेश्‍वरए फिर बिश्‍वास आलबइले चमैं भों न्हल् योंबै क्ल्ह्‍योर होंल् आयों।