मत्ती 17:17 - परमेश्‍वरए ताँ तमु क्युइर

¹⁷ येशूजी खीए चेलामैंने बिइ, “क्हेमैंम् कति बिश्‍वास आरेबै आच्योबै म्‍हिमैं मुँन! ङ खोंयों समा क्‍हेमैंने टिल् त्‍हुम्? ङइ खोंयों समा क्हेमैंलाइ सैदिरिब् जा? खोइ च कोलो चुर ङ ङाँर पउ।”

मत्ती 17:17 ပူးပေါင်းရင်းမြစ်များ

भजनमैं 95:10

छतसि च त्हेर्बै म्हिमैंने ङ प्लिच्यु बर्ष समा बेल्‍ले ह्रिस खसि बिइ, ‘चु म्हिमैंइ ङए घ्याँ आसेइमुँ, चुमैंए सैं ङ ङाँइले ह्रेंगो तयाइमुँ।’

प्रस्थान 10:3

छतसि मोशा नेरो हारून फारो ङाँर ह्‍यासि चने बिइ, “हिब्रूमैंए याहवेह परमेश्‍वरजी क्हिने ‘खोंयों समा क्हि च्योंने तसि ङइ बिब् आङिं?’ बिइ। ‘ङए सेवा लरिगे बिसि ङए म्हिमैं ह्‍याल् पिंन्।

प्रस्थान 16:28

झाइले याहवेहजी मोशाने बिइ, “क्हेमैंइ खोंयों समा ङइ बिबै ताँमैं आङिं?

हितोपदेश 1:22

“ओ आमादुमैं, क्हेमैं खोंयों समा ज्ञान बुद्धिलाइ तो धोंइ आङ्हाँन्ले प्ररिमुँ? खोंयों समा आउलाइ प्ह्रबै ताँमैं लसि सैं तोंरिमुँ, ओ आमादुमैं, तले जा, क्हेमैंइ ज्ञान बुद्धिलाइ तो धोंइ आङ्हाँब?

हितोपदेश 6:9

ओ प्ल्हेगु, खोंयों समा क्हि रोरिमुँ? क्हि न्हरुउँइँले खोंयों छोरमुँ?

मत्ती 13:58

चमैंइ आक्वेंबइले येशूजी च क्‍ल्‍ह्‍योरि औदिबै केमैं ल्‍हें आल।

मत्ती 16:8

चमैंइ तो ताँ लसिन् मुँ बिब येशूजी सेसि चमैंने बिइ, “ओ, ङए फिर च्‍युगुदे या बिश्‍वास आलब्मैं! क्‍हेमैंने क्‍हें आरे बिसि तले ह्रों-ह्रोंसन् ताँ लरिल?

मत्ती 17:16

ङइ चलाइ क्‍हिए चेलामैं ङाँर पखइ, दिलेया चमैंइ सल् लल् आखाँला।”

मत्ती 17:18

झाइले येशूजी च मोंलाइ हौदिमा च मों कोलोउँइँले त्‍होंह्‍याइ। च तोदोंन् कोलो सयाइ।

मत्ती 6:30

तिरो ङ्हिरोदे प्‍हारबै ट या परमेश्‍वरजी छले पैरिदिमिंम् बिस्याँ ओ बिश्‍वास आरेबै म्हिमैं, खीजी झन् क्‍हेमैंलाइ चमैं भन्दा ल्हें आपैरिदिमिं रो वा?

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

मर्कूस 16:14

च लिउँइँ खीए च्युसे घ्रि चेलामैं चब् चरिमा खी म्रोंखइ। चमैंइ बिश्‍वास आलब नेरो सारो सैं म्रोंसि खीजी चमैंलाइ बेल्‍ले हौदिइ। तलेबिस्याँ खी धबै सोगों तखइमुँ बिब्‍मैंए ताँ चमैंइ आक्वेंमल।

मर्कूस 9:19

झाइले येशूजी चमैंने बिइ, “च्या, क्‍हेमैं कति बिश्‍वास आलबै म्‍हिमैं मुँन! ङ क्‍हेमैंने कति समा टिल् त्‍हुम्? ङइ क्‍हेमैं खोंयों समा सैदिल् त्‍हुम्? च कोलो ङ ङाँर पउ।”

लूका 24:25

च लिउँइँ येशूजी चमैंने बिइ, “ओ, ताँ आक्होबै आम्हादुमैं! क्हेमैंए सैं खैले छले आक्होब् तयाल? अगमबक्‍तामैंइ बिबै ताँमैं तिफुँइ आक्वें वा!

लूका 9:41

येशूजी चमैंने बिइ, “ओ बिश्‍वास आरेबै आच्योबै म्हिमैं, ङ खोंयों समा क्‍हेमैंने तरिमुँ, धै क्‍हेमैंलाइ कति सैदिल् त्‍हुब् जा? क्‍हिए च्‍ह चुर पउ।”

यूहन्‍ना 20:27

झाइले खीजी थोमाने बिइ, “योरि चुर झोंसि ङए योमैं ङ्‍ह्‍योद्। धै क्‍हिए यो ङए कोखरै झोंन्। संका आलल्‍ले बिश्‍वास लद्।”

चेला चिब्मैंए केमैं 13:18

प्लिच्यु बर्ष समा क्यु आयोंबै क्ल्ह्‍योर खीजी चमैं छेनाले ङ्‍ह्‍योमिंइ।

चेला चिब्मैंए केमैं 2:40

छतसि “चु दुष्‍ट पुस्‍ताउँइँले क्हेमैंइ ह्रोंसलाइ जोगेद्,” बिसि पत्रुसइ अरू ल्‍हें ताँउँइँले चमैंलाइ क्होमिंइ।

२ कोरिन्थी 11:1

ङ तोइ बुद्धि आरेबै म्हि धों तलेया क्‍हेमैंइ सैदिल् खाँस्‍याँ छ्याँब तमल बिब ङए सैं मुँ। गार आम्हाँदिल्‍ले ङए ताँ थेमिंन् ओ!