मत्ती 16:6 - परमेश्‍वरए ताँ तमु क्युइर

⁶ येशूजी चमैंने बिइ, “छेनाले मैंन्, क्‍हेमैं फरिसी नेरो सदुकीमैंए क्हेंर झोंबै प्लेढाउँइँले जोगेसि टिद्।”

मत्ती 16:6 ပူးပေါင်းရင်းမြစ်များ

मत्ती 16:1

को-कोइ फरिसीमैं नेरो सदुकीमैं येशू ङाँर खसि खीए जाँच लबर “क्‍हि परमेश्‍वरउँइँले युब् ग बिस्‍याँ स्वर्गर्बै औदिबै चिनु घ्रि लसि उँइँन्,” बिइ।

मत्ती 16:11

ङइ क्‍हेमैंने चबै क्हेंए बारेर ताँ लब आङिं बिब क्‍हेमैंइ तले आक्‍होल? ङइ फरिसी नेरो सदुकीमैंए क्हेंर झोंबै प्लेढाउँइँले जोगेसि टिद् बिब् ग।”

मत्ती 16:12

क्‍हेंर झोंबै प्लेढाने आङिं, फरिसी नेरो सदुकीमैंइ लोमिंबै ताँउँइँले जोगेसि टिद् बिब् मुँन बिसि बल्‍ल चेलामैंइ येशूजी बिबै ताँ क्‍होइ।

मत्ती 16:5

चेलामैं तालए क्‍योंजा फेनेइ, दिलेया चमैंइ क्हें बोब म्‍लेयान।

मत्ती 16:7

दिलेया चेलामैंइ येशूए ताँ आक्‍होसि “ङ्योइ क्‍हें पखब म्‍लेयासि प्रभुजी छ बिलै,” बिसि ह्रों-ह्रोंसन् ताँ लबर होंइ।

मत्ती 3:7

दिलेया फरिसीमैं नेरो सदुकीमैं न्होंर्बै ल्हें म्हि या खीने बप्‍तिस्‍मा किंबर खब् म्रोंसि यूहन्‍नइ चमैंने बिइ, “ओ प्‍हुरि धों तबै म्‍हिमैं, परमेश्‍वरए ह्रिसउँइँले स्योल् खाँम् बिसि खाबइ क्‍हेमैंने बिइ?

मर्कूस 8:15

छले ह्‍यारिमा येशूजी खीए चेलामैंने लोदा सैंदा लसि बिइ, “फरिसीमैं नेरो हेरोद म्रुँए क्हेंर झोंबै प्लेढाउँइँले न्ह क्रों मि क्रोंले टिद्।”

लूका 12:1

च त्हेर्न हजार हजार म्‍हिमैं चर खागु तइ। छले ल्हें म्‍हिमैं तमा म्हिइ म्‍हिन् प्लेबर होंइ। धै येशूजी ओंसों ह्रोंसए चेलामैंने बिइ, “फरिसीमैंए क्हेंर झोंबै प्लेढाउँइँले जोगेइ टिद्। चमैंल स्‍योलिबै ताँमैं लोमिंबै बानि मुँ। छतसि छेनाले ताँ क्होसि न्ह क्रों मि क्रोंले टिद्।

लूका 12:15

खीजी धबै चर मुँब्मैंने बिइ, “छेनाले मैंन्, नना ओलिबै लोब् आलद्, तलेबिस्याँ म्‍हि कति प्‍ल्हो‍ब तनाबिलेया सै न्होरउँइँले क्‍ह्रोंसेंन्‍बै छ्ह योंल् आखाँ।”

यूहन्‍ना 4:33

छबिमा “खाबज्यै खीलाइ चबै सै पिंखइ उ तो जा?” बिसि चेलामैंइ खें-खेंमैं न्‍होंर्न ङ्योएबर होंइ।

गलाती 5:9

चु अहान् मैंन्दि, “च्युगुदे प्लेढाइ ताँन् क्हें फुल्दिम्।”