मत्ती 16:23 - परमेश्‍वरए ताँ तमु क्युइर

²³ दिलेया खीजी पत्रुसने बिइ, “ओ दुष्‍ट, ङ ङाँइँले स्‍योह्‍याद्। क्‍हि ङ प्रल् त्‍हुबै घ्‍याँरि पुजु तइमुँ, तलेबिस्याँ क्‍हिए चु ताँ म्‍हिए ताँ ग, परमेश्‍वरउँइँले खब आङिं।”

मत्ती 16:23 ပူးပေါင်းရင်းမြစ်များ

उत्पत्ति 3:17

च लिउँइँ खीजी आदमने बिइ, “क्हिइ प्ह्रेंस्योए ताँ थेसि ङइ आचद् बिबै सिंधुँर्बै रो चबइले क्हिइ लमा सइ सराप योंइमुँ। क्हिए छ्ह तिगोंन् दुःखले के लसि चल् त्हुब्मुँ।

मत्ती 16:22

छबिमा पत्रुसइ येशूलाइ तिराइ बोसि “परमेश्‍वरजी क्हिए फिरि खोंयोंइ छ तल् पिंरिब् आरे प्रभु,” बिसि हौदिबर होंइ।

मत्ती 18:7

धिक्‍कार चु ह्‍युललाइ! तलेबिस्याँ चु ह्‍युलर म्‍हिमैंलाइ पापर च्होवाबै सैमैं मुँ। पापर च्होवाबै परिक्षाम् खम्, दिलेया अरू म्हिलाइ पापर च्होवाबै म्हिलाइ झन धिक्‍कार मुँ।

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मर्कूस 8:33

दिलेया येशू लिग्‍याँ तुसि चेलामैंउँइँ ङ्‌ह्‍योसि पत्रुसने “ओ दुष्‍ट, ङ ङाँइँले स्‍योह्‍याद्! तलेबिस्याँ क्‍हि परमेश्‍वरए ताँ आङिं, दिलेया म्‍हिइ मैंब् धोंले मैंमना,” बिसि हौदिइ।

लूका 4:8

येशूजी चने बिइ, “क्‍हिइ याहवेह ह्रोंसए परमेश्‍वरलाइ मत्‍त्रे फ्‍योद्, धै खीए सेवा मत्‍त्रे लद्,” बिसि परमेश्‍वरए छ्वेर छले प्‍ह्रिइमुँ।

यूहन्‍ना 6:70

येशूजी चमैंने बिइ, “क्‍हेमैं च्युसे ङ्हिं ङइन त्‍हाँब, आङिं वा? दिलेया क्‍हेमैंए न्‍होंरि दुष्‍ट धों तबै म्हि घ्रि मुँ।”

रोमी 14:13

छतसि ङ्यो घ्रिइ घ्रिने फाक्‍कर्न छ्याब् आल्‍हैदिले, ङ्योइ ह्रोंसए अलिमैंलाइ पापर च्होवाबै केमैं खोंयोंइ आलले बिसि सैंर मैंले।

रोमी 14:21

छतसि खास ताँ, से चब, प्हा थुँब मत्‍त्रे आङिं, क्हिइ तो के ललेया अलिलाइ पापर आच्होवारिगे।

फिलिप्पी 3:19

चुमैं लिउँइँ नर्गर नास तब्‍मुँ, तलेबिस्याँ फोन् चुमैंए देवता ग। धै फापिल् त्‍हुबै केमैं लल् योंमा चुमैं सैं तोंम। चमैंए सैं खोंयोंइ बिले चु ह्‍युलर्बै सैमैंर फिरन् तरिम्।

कलस्सी 3:2

छतसि क्‍हेमैंए सैं चु पृथ्‍बीर्बै सैर आल्हैदिद्, स्‍वर्गर मुँबै सैमैं म्हैद्।