मत्ती 16:20 - परमेश्‍वरए ताँ तमु क्युइर

²⁰ झाइले खीजी चेलामैंने “ङ ख्रीष्‍ट ग बिसि खाबलाज्यै या आबिद् ओ,” बिसि ल्हैदिइ।

मत्ती 16:20 ပူးပေါင်းရင်းမြစ်များ

मत्ती 1:16

याकूबए च्‍ह योसेफ मुँल। योसेफए प्ह्रेंस्यो मरियम मुँल। मरियम परमेश्‍वरजी कुल्मिंबै म्रुँ ख्रीष्‍ट येशूए आमा मुँल।

मत्ती 16:16

सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

मत्ती 17:9

झाइले खेंमैं कोंउँइँले क्‍युरु युरिमा येशूजी चमैंने बिइ, “म्हिए च्ह सिबउँइँले धबै सोगों आतन् समा क्हेमैंइ म्रोंबै चु ताँ खाबलाज्यै या आबिद्।”

मत्ती 8:4

झाइले येशूजी चने, “चु ताँ खाबलाज्यै या आबिद्। ह्‍यासि ख्रो पिंबै खेगिने क्हिए ज्यु उँइँन्, ‘क्हि सयना’ बिब म्हिमैंइ सेरिगे बिसि मोशाइ बिब् धोंले भेटि पिंन्।”

मर्कूस 8:30

झाइले येशूजी चमैंने “चु ताँ खाबलाज्यै या आबिद्,” बिइ।

मर्कूस 9:9

झाइले खेंमैं कोंउँइँले क्‍युरु युरिमा येशूजी चमैंने “म्हिए च्ह सिसि धबै सोगों आतन् समा क्हेमैंइ कोंर म्रोंबै ताँमैं खाब्ने या आबिद् ओ,” बिइ।

लूका 2:11

तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

लूका 9:21

झाइले येशूजी “क्हेमैंइ चु ताँ खैलसे खाबलाज्यै या आबिद् ओ,” बिइ।

लूका 9:36

छ बिबै लिउँइँ येशू खी घ्रिन् चर रारिल। छतब् म्रोंसि चेलामैं च्याँ तयाइ, धै चमैंइ म्रोंबै ताँमैं च त्हेर खाबलाज्यै या आबि।

यूहन्‍ना 1:41

चइ ह्रोंसए आघें सिमोनने त्होसि बिइ, “ङिइ मसीह त्होइ।” (मसीह बिब ग्रिक क्युइर परमेश्‍वरजी कुल्मिंबै म्रुँ ख्रीष्‍ट ग।)

यूहन्‍ना 1:45

च लिउँइँ फिलिपइ नथानेलने त्होसि बिइ, “मोशाए ठिम नेरो अगमबक्‍तामैंज्यै या म्हि घ्रिए बारेर प्ह्रिथेंल, च म्हि तिंयाँ ङिइ त्होइ खी योसेफए च्‍ह नासरतथें येशू मुँन।”

यूहन्‍ना 11:27

मार्थाइ खीने बिइ, “अँ प्रभु, क्‍हि परमेश्‍वरए च्ह ख्रीष्‍ट ह्‍युलर युब् ग बिसि ङ क्वेंम्।”

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

चेला चिब्मैंए केमैं 2:36

छतसि तारे इस्राएलर्बै ताँन् म्‍हिमैंइ चु ताँ छेनाले क्होरिगे: क्हेमैंइ क्रूसर च्योवाबै चु येशून् परमेश्‍वरजी ताँन् म्हिमैंए प्रभु नेरो जोगेमिंबै म्रुँ ख्रीष्‍ट लमिंइँमुँ।”

१ यूहन्‍ना 2:22

छतसि स्‍योर्गु खाब् जा बिस्‍याँ “परमेश्‍वरजी कुल्मिंबै म्रुँ ख्रीष्‍ट येशून् आङिं” बिबै म्हिमैंन् स्‍योर्गुमैं ग। छाबै म्हिमैं परमेश्‍वर आबा नेरो च्‍हलाइ तो धोंइ आङ्हाँ, छतसि चमैं ख्रीष्‍टए बिरोधी ग।

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।