मत्ती 16:17 - परमेश्‍वरए ताँ तमु क्युइर

¹⁷ येशूजी चने बिइ, “ओ, योनाए च्‍ह सिमोन, क्‍ह्रोसेंन क्‍हिइ आशिक योंइमुँ! तलेबिस्याँ छाबै ताँ क्‍हिइ म्‍हिउँइँले था सेब आङिं, दिलेया स्‍वर्गर मुँबै ङए आबाजी क्हिलाइ सेल् पिंब् ग।

मत्ती 16:17 ပူးပေါင်းရင်းမြစ်များ

लूका 22:32

दिलेया क्‍हिए बिश्‍वास आम्‍हरिगे बिसि ङइ क्‍हिए ल्हागिर प्राथना लइ। छतसि क्‍हि धबै ङ ङाँइन एखब्मुँ, क्हिए सैं ङ ङाँइ एबै लिउँइँ ह्रोंसए आघें अलिमैंए सैं भोंब् लमिंन्।”

यूहन्‍ना 1:42

अन्द्रियासइ सिमोन येशू ङाँर पखइ। येशूजी च ङाँइ ङ्‍ह्‍योसि बिइ, “क्हि योआनेसए च्ह सिमोन ग, दिलेया ङइ क्हिने केफास बिब्मुँ।” (केफासए अर्थ युमा ग। ग्रिक क्युइरि पत्रुस बिम्।)

यूहन्‍ना 6:45

‘ताँन् म्हिमैंलाइ परमेश्‍वरजीन् लोमिंब्मुँ,’ बिसि अगमबक्‍तामैंइ परमेश्‍वरए छ्वेर प्‍ह्रिथेंइँमुँ। धै परमेश्‍वर आबाजी बिबै ताँ थेब्मैं नेरो लोब्मैं ङ ङाँर खम्।

१ कोरिन्थी 15:50

छतसि ओ अलि-अङाँमैं, ङइ बिल् म्हैबै ताँ तो जा बिस्याँ, से कोए ज्युनेन् ङ्यो परमेश्‍वरए ग्याल्सर, अथवा स्‍वर्गर, होंल् आयों। धै नास तल् त्‍हुबै ज्युइ खोंयोंइ नास आतबै प्ल्हर ज्यु योंल् आखाँ।

गलाती 1:16

झाइले ङइ अरू ह्रेंमैं ङाँर सैं तोंबै ताँ बिप्ररिगे बिसि परमेश्‍वरजी ङलाइ खीए च्‍हए दर्शन पिंइ। खीजी छाबै दर्शन पिंबइले ङइ “सैं तोंबै ताँ खैब जा?” बिसि खाब्ने या सल्‍ला किंल् आत्हु।

एफिसी 2:8

छतसि परमेश्‍वरए दयाम्हाँयाइ लमन् क्‍हेमैंए बिश्‍वासउँइँले क्हेमैंइ मुक्‍ति योंइमुँ। क्हेमैंइ छ्याँबै केमैं लसि चु मुक्‍ति योंब आङिं, चुम् परमेश्‍वरजी छलेन् पिंब् ग।

एफिसी 3:5

स्‍योंमन् परमेश्‍वरजी म्हिमैंलाइ चु चाँजो आबिल, दिलेया तिंजोरो परमेश्‍वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्‍तामैंने च चाँजो बिमिंइमुँ।

एफिसी 6:12

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

हिब्रू 2:14

चु च्ह च्हमिंमैं से को कोंसि तबइले येशू या चमैं धोंलेन् से कोए ज्यु तइ। तलेबिस्याँ खी सिमिंसि कालए शक्‍ति मुँबै दुष्‍टलाइ (दियाबलस) नास लवाइ।

१ पत्रुस 5:1

ङ बिश्‍वासी न्होंर्बै एल्डर पत्रुसउँइँले क्‍हेमैंए एल्डरमैंने यो छ्युँ लमुँ। ख्रीष्‍टजी खैले दुःख सैदिल बिबै साक्षि ङ मुँ। धै लिउँइँ खीए थेबै मान तमैंया ङ खीने बालुन् तब्मुँ।

१ यूहन्‍ना 4:15

येशून् परमेश्‍वरए च्‍ह ग बिब्मैं परमेश्‍वरने घ्रिन् तसि टिम्, धै परमेश्‍वर चमैंने घ्रिन् तसि टिम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।