मत्ती 16:16 - परमेश्‍वरए ताँ तमु क्युइर

¹⁶ सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

मत्ती 16:16 ပူးပေါင်းရင်းမြစ်များ

भजनमैं 2:7

“याहवेहजी बिद् बिबै ताँ ङइ बिब्मुँ: खीजी ङने बिइ, ‘क्हि ङए च्ह ग; तिंयाँ ङ क्हिए आबा तइमुँ।

भजनमैं 42:2

क्हि खोंयोंन् बिलै तरिबै परमेश्‍वरने खोंयों त्होनेब् ङ्‍हे बिसि ङए सोइ क्हिलाइन म्हैरिमुँ।

मत्ती 1:16

याकूबए च्‍ह योसेफ मुँल। योसेफए प्ह्रेंस्यो मरियम मुँल। मरियम परमेश्‍वरजी कुल्मिंबै म्रुँ ख्रीष्‍ट येशूए आमा मुँल।

मत्ती 14:33

धै चेलामैंइ खीलाइ फ्योसि “क्‍ह्रोंसेंन क्‍हि परमेश्‍वरए च्‍हन् मुँन,” बिइ।

मत्ती 16:15

झाइले येशूजी चमैंने “क्‍हेमैंइ ङलाइ खाब् बिम्दि?” बिसि ङ्योएमा

मत्ती 26:63

दिलेया येशू तोइ आबिल्‍ले टिरिइ। धै ख्रो पिंबै खेगि क्रथेइ येशूने बिइ, “सोगों परमेश्‍वरए मिंर कसम चसि बिद्। क्‍हि परमेश्‍वरजी कुल्मिंबै म्रुँ ख्रीष्‍ट, परमेश्‍वरए च्‍ह वा?”

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मर्कूस 14:61

दिलेया येशू तोइ आबिल्‍ले टिइ, ज्वाफ घ्रि या आपिं। ख्रो पिंबै खेगि क्रथेइ धबै येशूने “क्‍हि पबित्र परमेश्‍वरए च्‍ह खीजी कुल्मिंबै म्रुँ ख्रीष्‍ट वा?” बिसि ङ्योएइ।

लूका 2:11

तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 11:27

मार्थाइ खीने बिइ, “अँ प्रभु, क्‍हि परमेश्‍वरए च्ह ख्रीष्‍ट ह्‍युलर युब् ग बिसि ङ क्वेंम्।”

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 6:57

सोगों परमेश्‍वर आबाजी ङ कुल्मिंइ, धै आबाए शक्‍तिउँइँलेन् ङ सोरिमुँ। छलेन ङलाइ चब्मैं या ङए शक्‍तिउँइँले सोरिब्मुँ।

यूहन्‍ना 6:68

सिमोन पत्रुसइ बिइ, “ओ प्रभु, क्हिनेन् खोंयोंइ आखाँबै छ्ह पिंबै ताँमैं मुँ। ङि खाबै ङाँर ह्‍याब?

यूहन्‍ना 6:69

क्हि परमेश्‍वरजी कुल्मिंबै पबित्र म्हि ग बिब् सेसि ङिइ क्हिए फिर बिश्‍वास लइमुँ।”

चेला चिब्मैंए केमैं 14:15

“ओ म्हिमैं! क्‍हेमैंइ तले छाबै के लमुँ? ङि या क्हेमैं धोंबन् दुःख सुख भुँदिबै म्हिमैंन् ग। चु स्योलिबै के पिसि क्हेमैं परमेश्‍वरउँइँ सैं एखरिगे बिसि ङिइ खीउँइँले खबै सैं तोंबै ताँ बिमिंब् ग। मु, पृथ्‍बी, मा ङ्युँइ नेरो चर मुँबै तोन्दोंरि सैमैं बनेबै सोगों परमेश्‍वर खीन् ग।

चेला चिब्मैंए केमैं 8:36

धै चमैं घ्‍याँर ह्‍याना-ह्‍यान् क्‍यु मुँबै क्‍ल्‍ह्‍यो ङाँर फेनेमा च हिचडइ बिइ, “ङ्‍ह्‍योत्ति, चुर क्यु मुँन। ङ बप्‍तिस्मा किंबउँइँले तो सैइ क्वेल् खाँम्?”

चेला चिब्मैंए केमैं 8:37

[फिलिपइ चने बिइ, “क्‍हिइ ह्रोंसए खों न्होंउँइँलेन् प्रभु येशूए फिर बिश्‍वास लम् बिस्याँ क्हिइ बप्‍तिस्मा किंल् खाँम्।” चइ बिइ, “येशू ख्रीष्‍टन् परमेश्‍वरए च्ह मुँन बिसि ङइ क्वेंम्,”]

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

रोमी 1:4

ङ्योए प्रभु येशू ख्रीष्‍ट सिसेया पबित्र प्ल्हए थेबै शक्‍तिउँइँले सोगों तबइले “येशू परमेश्‍वरए च्‍हन् ग!” बिबै प्रमान खीजी ङ्योलाइ उँइँमिंइ।

२ कोरिन्थी 1:19

परमेश्‍वरए च्‍ह येशू ख्रीष्‍टए बारेर बिबै ताँ “ङिंबन् ग” नेरो “आङिं” आत। तलेबिस्याँ येशू ख्रीष्‍टर मुँबै ताँन् सै खोंयोंन् बिलै “ङिंबन् तम्” बिसि सिलास, तिमोथी नेरो ङइ क्हेमैंए म्हाँजोर खीए बारेर बिल।

२ कोरिन्थी 3:3

ङिइ लबै केमैंए रो नेरो ख्रीष्‍टजी प्‍ह्रिबै प्ह्रिछ्या क्‍हेमैंन् ग। मसिइ प्‍ह्रिबै प्ह्रिछ्या क्हेमैं आङिं, क्हेमैंने मुँबै प्ह्रिछ्या खोंयोंन् बिलै तरिबै परमेश्‍वरए प्ल्हजी प्‍ह्रिब् ग। चु युँमा प्‍लानर प्ह्रिब् धोंबै प्ह्रिछ्या आङिं, क्‍हेमैंए खोंर्न प्‍ह्रिथेंबै प्ह्रिछ्या ग।

२ कोरिन्थी 6:16

ङ्यो परमेश्‍वर टिबै क्‍ल्‍ह्‍यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्‍वर टिबै क्‍ल्‍ह्‍यो ग। परमेश्‍वरजी ङ्योए बारेर छ बिइमुँ: “ङए म्‍हिमैंने ङ टिब्‍मुँ, झाइले चमैंने प्रब्मुँ। ङ चमैंए परमेश्‍वर तब्‍मुँ, झाइले चमैं ङए म्हिमैं तब्‍मुँ।”

१ थेसलोनिकी 1:9

तलेबिस्‍याँ ङि क्हेमैं ङाँर खमा क्हेमैंइ ङिलाइ बेल्‍ले मान लइ, धै क्‍हेमैंइ कु (मूर्ति) फ्योब पिसि क्‍ह्रोंसेंन्‍बै परमेश्‍वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ।

१ तिमोथी 3:15

खनिज्यै ङ खब क्हैयाइ बिस्याँ परमेश्‍वरए प्हसेमैंए बानि ब्योर खैब तल् त्‍हुम् बिसि क्हिइ छेनाले सेल् त्हुम्। परमेश्‍वरए प्हसेमैं खोंयोंन् बिलै सोगों तबै परमेश्‍वरए मण्‍डलि ग, धै क्ह्रोंसेंन्बै मुल त्हो नेरो जग ग।

१ तिमोथी 4:10

ङ्योइ खाँन् समा भों लसि छेनाले के लसि छ्ह थोल् त्हुम्, तलेबिस्याँ सोगों परमेश्‍वरए फिर ङ्योइ आशा थेंइमुँ। परमेश्‍वर ताँन् म्हिमैंलाइ, खासगरि खीए फिर बिश्‍वास लब्‍मैंलाइ जोगेमिंबै परमेश्‍वर ग।

हिब्रू 10:31

सोगों परमेश्‍वरए योर फेब ङ्हिंन् ङ्हाँबै ताँ ग।

हिब्रू 12:22

दिलेया क्हेमैंम् सियोन कोंर खइमुँ, सोगों परमेश्‍वरए सहरर, स्‍वर्गर्बै यरूशलेमर, च्योलै आखाँबै स्‍वर्गदूतमैं सैं तोंदै परमेश्‍वरए मिं क्वेबै क्ल्ह्‍योर,

हिब्रू 3:12

छतसि ओ अलि-अङाँमैं, सैं चिद्, क्‍हेमैं न्‍होंरि खाबलैया बिश्‍वास आलबै आछ्याँबै सैंइ लमा क्हेमैं सोगों परमेश्‍वरउँइँले ह्रेंगो आबोरिगे।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

१ यूहन्‍ना 4:15

येशून् परमेश्‍वरए च्‍ह ग बिब्मैं परमेश्‍वरने घ्रिन् तसि टिम्, धै परमेश्‍वर चमैंने घ्रिन् तसि टिम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

१ यूहन्‍ना 5:5

“येशू ख्रीष्‍ट परमेश्‍वरए च्‍ह ग” बिसि बिश्‍वास लबै म्हिन् चु ह्‍युलउँइँले खबै पापलाइ ट्होल् खाँबै म्हि ग।

दर्शन 7:2

च स्‍वर्गदूत प्लिइ पृथ्‍बी नेरो मा ङ्युँइलाइ नास लबै हग योंल। झाइले सोगों परमेश्‍वरए छाप छेबै अर्को स्‍वर्गदूत घ्रि स्यारउँइँले खरिब् ङइ म्रोंइ। चइ अर्को स्‍वर्गदूत प्लिने थेबै कैले बिइ,