मत्ती 16:14 - परमेश्‍वरए ताँ तमु क्युइर

¹⁴ “कोइ बप्‍तिस्‍मा पिंबै यूहन्‍ना ग बिमुँ, कोइ स्योंम्बै एलिया ग बिमुँ, कोइ यर्मिया अथवा स्योंम्बै अगमबक्‍तामैं न्होंर्बै घ्रि ग बिम्,” बिसि चमैंइ बिइ।

मत्ती 16:14 ပူးပေါင်းရင်းမြစ်များ

मत्ती 14:2

चु ताँ थेसि हेरोदइ ह्रोंसए के लब्मैंने बिइ, “च क्‍युर प्‍ल्हुँसि बप्‍तिस्‍मा पिंबै यूहन्‍ना ग। च सिसेया धबै सोसि खना। छतसि चइ छाबै औदिबै के लबै शक्‍ति योंइमुँ।”

मत्ती 16:15

झाइले येशूजी चमैंने “क्‍हेमैंइ ङलाइ खाब् बिम्दि?” बिसि ङ्योएमा

मत्ती 17:10

“शास्‍त्रिमैंइ तले एलिया ओंसों युल् त्हुम् बिम्?” बिसि चेलामैंइ खीने ङ्योएइ।

मत्ती 3:1

च त्हेर बप्‍तिस्‍मा पिंबै यूहन्‍ना यहूदीया ह्‍युलर्बै क्यु आयोंबै क्ल्ह्‍योजरे खसि परमेश्‍वरए ताँ छले बिमिंबर होंइ।

मर्कूस 6:15

दिलेया कोइइ, “चुम् एलिया बिबै अगमबक्‍ता ग,” बिइ। को-कोइइ “चुम् स्‍योंम्‍बै अगमबक्‍तामैं न्होंर्बै घ्रि धों तब् ग,” बिइ।

मर्कूस 8:28

चेलामैंइ बिइ, “कोइ ‘बप्‍तिस्‍मा पिंबै यूहन्‍ना’ बिम्, कोइ ‘स्‍योंम्‍बै एलिया ग,’ बिम्, कोइ ‘स्‍योंम्‍बै अर्को अगमबक्‍ता घ्रि ग’ बिम्।”

लूका 9:8

कोइ “स्‍योंम्‍बै एलिया अगमबक्‍ता धबै सोसि खना,” बिमल। कोइ “स्योंम्बै अगमबक्‍तामैं न्होंर्बै घ्रि धबै सोसि खना,” बिमल।

यूहन्‍ना 1:21

चमैंइ चने ङ्योएइ, “छ बिस्‍याँ क्‍हि खाब् जा? क्हि एलिया वा?” यूहन्‍नाइ बिइ, “ङ आङिं।” च्हमा चमैंइ ङ्योएइ, “क्हि च अगमबक्‍ता वा?” चइ बिइ, “ङ आङिं।”

यूहन्‍ना 7:12

म्हि हुलए न्होंरि खीए बारेर खें-खेंमैंन् ताँ लरिल। कोइ म्हिमैंइ “खी छ्याँबै म्हि ग बिमल,” कोइ “आङिं, चम् म्हिमैंने स्योर तेइ मत्‍त्रे प्रइमुँ बिमल।”

यूहन्‍ना 9:17

“चइ क्हिए मि म्रोंल् लमिंसेरो तारे चए बारेर क्हिइ तो बिम्दि?” बिसि चमैंइ च म्हिने ङ्योएमा चइ बिइ, “खी अगमबक्‍ता ग।”