मत्ती 16:11 - परमेश्‍वरए ताँ तमु क्युइर

¹¹ ङइ क्‍हेमैंने चबै क्हेंए बारेर ताँ लब आङिं बिब क्‍हेमैंइ तले आक्‍होल? ङइ फरिसी नेरो सदुकीमैंए क्हेंर झोंबै प्लेढाउँइँले जोगेसि टिद् बिब् ग।”

मत्ती 16:11 ပူးပေါင်းရင်းမြစ်များ

मत्ती 16:1

को-कोइ फरिसीमैं नेरो सदुकीमैं येशू ङाँर खसि खीए जाँच लबर “क्‍हि परमेश्‍वरउँइँले युब् ग बिस्‍याँ स्वर्गर्बै औदिबै चिनु घ्रि लसि उँइँन्,” बिइ।

मत्ती 16:12

क्‍हेंर झोंबै प्लेढाने आङिं, फरिसी नेरो सदुकीमैंइ लोमिंबै ताँउँइँले जोगेसि टिद् बिब् मुँन बिसि बल्‍ल चेलामैंइ येशूजी बिबै ताँ क्‍होइ।

मत्ती 16:6

येशूजी चमैंने बिइ, “छेनाले मैंन्, क्‍हेमैं फरिसी नेरो सदुकीमैंए क्हेंर झोंबै प्लेढाउँइँले जोगेसि टिद्।”

मत्ती 3:7

दिलेया फरिसीमैं नेरो सदुकीमैं न्होंर्बै ल्हें म्हि या खीने बप्‍तिस्‍मा किंबर खब् म्रोंसि यूहन्‍नइ चमैंने बिइ, “ओ प्‍हुरि धों तबै म्‍हिमैं, परमेश्‍वरए ह्रिसउँइँले स्योल् खाँम् बिसि खाबइ क्‍हेमैंने बिइ?

मर्कूस 4:40

झाइले येशूजी चेलामैंने बिइ, “क्‍हेमैं तले छले ङ्हिंल? क्‍हेमैंने अझै बिश्‍वास आरे वा?”

मर्कूस 8:15

छले ह्‍यारिमा येशूजी खीए चेलामैंने लोदा सैंदा लसि बिइ, “फरिसीमैं नेरो हेरोद म्रुँए क्हेंर झोंबै प्लेढाउँइँले न्ह क्रों मि क्रोंले टिद्।”

मर्कूस 8:21

येशूजी चमैंने बिइ, “क्‍हेमैंइ अझै आक्‍हो वा?”

लूका 12:1

च त्हेर्न हजार हजार म्‍हिमैं चर खागु तइ। छले ल्हें म्‍हिमैं तमा म्हिइ म्‍हिन् प्लेबर होंइ। धै येशूजी ओंसों ह्रोंसए चेलामैंने बिइ, “फरिसीमैंए क्हेंर झोंबै प्लेढाउँइँले जोगेइ टिद्। चमैंल स्‍योलिबै ताँमैं लोमिंबै बानि मुँ। छतसि छेनाले ताँ क्होसि न्ह क्रों मि क्रोंले टिद्।

लूका 12:56

ओ फिब्लो पार्दिब्‍मैं! पृथ्‍बी नेरो मुँ ङ्‌ह्‍योसि तारे तो तम् बिसि क्‍हेमैंइ सेम् बिस्याँ, तिंजरो तरिबै ताँमैं म्रोंसि क्‍हेमैंइ तारे तखबै ताँमैंए बारेर तले सेल् आखाँ?

यूहन्‍ना 8:43

ङइ बिबै ताँमैं क्‍हेमैंइ तले आक्‍हो? तलेबिस्याँ क्हेमैंइ ङइ बिबै ताँमैं थेल् आखाँ।