मत्ती 16:1 - परमेश्‍वरए ताँ तमु क्युइर

¹ को-कोइ फरिसीमैं नेरो सदुकीमैं येशू ङाँर खसि खीए जाँच लबर “क्‍हि परमेश्‍वरउँइँले युब् ग बिस्‍याँ स्वर्गर्बै औदिबै चिनु घ्रि लसि उँइँन्,” बिइ।

मत्ती 16:1 ပူးပေါင်းရင်းမြစ်များ

हितोपदेश 26:5

आमादुने पोंब् अनुसार्बै जवाफ चलाइ पिंन्, आस्याँ चइ ह्रोंसन् ह्रब् सेब् तब् मैंम्।

मत्ती 12:14

दिलेया फरिसीमैं बैरु त्‍होंसि येशूलाइ खैले सैब् ङ्‍हे बिसि खीए बिरोधर मत लइ।

मत्ती 15:1

यरूशलेमउँइँले को-कोइ फरिसीमैं नेरो शास्‍त्रिमैं खसि येशूने ङ्योएइ,

मत्ती 16:6

येशूजी चमैंने बिइ, “छेनाले मैंन्, क्‍हेमैं फरिसी नेरो सदुकीमैंए क्हेंर झोंबै प्लेढाउँइँले जोगेसि टिद्।”

मत्ती 19:3

कोइ फरिसीमैं खी ङाँर खसि खीए सैं किंबर “म्‍हिइ तो मुँले कारणइ ह्रोंसए प्ह्रेंस्यो वाब तम् उ आत?” बिसि ङ्योएइ।

मत्ती 22:15

चु ताँ थेसि फरिसीमैंइ येशूजी पोंबै ताँउँइँलेन् खीलाइ खैले ङोर फेल् लब् ङ्‍हे बिसि मत लइ।

मत्ती 22:18

दिलेया येशूजी चमैंए सैंर्बै आछ्याँबै ताँ सेसि चमैंने बिइ, “ओ फिब्लो पार्दिब्मैं, क्‍हेमैंइ तले ङए जाँच लल् म्‍हैल?

मत्ती 22:23

म्हि सिसि धबै सोगों आत बिबै सदुकीमैं च त्हिंइर्न येशू ङाँर खसि खीने बिइ,

मत्ती 23:2

“शास्‍त्रिमैं नेरो फरिसीमैंइ मोशाइ प्‍ह्रिबै ठिमर्बै ताँमैं लोमिंम्।

मत्ती 27:62

चाडए ल्हागिर चैदिबै सैमैं तयार लबै त्हिंइए प्हाँन्हाँग्धों ख्रो पिंबै खेगि चिब्मैं नेरो फरिसीमैं पिलातस ङाँर खागु तइ।

मत्ती 5:20

“तलेबिस्याँ ङ क्‍हेमैंने बिमुँ, शास्‍त्रिमैंइ नेरो फरिसीमैंइ लबै केमैं भन्दा क्हेमैंइ लबै केमैं छ्याँब आतइ बिस्याँ क्हेमैं खैलसेया स्वर्गर्बै ग्याल्सरि होंल् योंरिब आरे।

मत्ती 9:11

छाब् म्रोंसि फरिसीमैंइ खीए चेलामैंने “क्‍हेमैंए गुरु तले बालि रेब्‍मैं नेरो पापिमैंने बालुन् चब् जा?” बिसि ङ्योएइ।

मर्कूस 10:2

येशूलाइ ङो चुबै सैंले कोइ फरिसीमैं येशू ङाँर खसि “खाबज्यै ह्रोंसए प्ह्रेंस्यो वाल् तम् उ आत?” बिसि ङ्योएमा

मर्कूस 12:15

चमैंइ जाल लइमुँ बिब येशूजी सेसि चमैंने बिइ, “क्‍हेमैंइ तले ङलाइ ङो चुमुँ? मुइ घ्रि पसि ङने उँइँन्।”

मर्कूस 12:18

झाइले म्‍हिमैं सिसि धबै सोगों आत बिबै को-कोइ सदुकीमैं येशू ङाँर खसि ङ्योएइ,

लूका 10:25

परमेश्‍वरए छ्वे ह्रबै म्‍हि घ्रिइ येशूए जाँच लसि ताँ क्हाल् त्हुइ बिबै सैंले खीने ङ्योएइ, “ओ गुरु, खोंयोंइ आखाँबै छ्ह योंबै ल्हागिर ङइ तो लल् त्‍हुम्?”

लूका 11:16

अरू म्हिमैंइ बिस्याँ “परमेश्‍वरजी क्‍हिलाइ शक्‍ति पिंब् ग बिस्याँ स्वर्गर्बै चिनु घ्रि उँइँन्,” बिसि येशूए जाँच लइ।

लूका 20:23

दिलेया खीए सैं किंबर चमैंइ छले ताँ ङ्योएब् ग बिब् सेसि येशूजी चमैंने बिइ,

लूका 20:27

च लिउँइँ धबै को-कोइ सदुकी टोलिर्बै यहूदीमैं येशू ङाँर खइ। चमैंइ “सिबै लिउँइँ म्‍हि धबै सोगों आत,” बिमल। छतसि चमैंइ येशूने ङ्योएइ,

यूहन्‍ना 8:6

चमैंइ येशूए सैं किंबर चु ताँ बिल। दिलेया येशू कुरसि योरिइ सर प्ह्रिबर होंइ।

चेला चिब्मैंए केमैं 4:1

पत्रुस नेरो यूहन्‍ना म्हिमैंने पोंरिमा को-कोइ ख्रो पिंबै खेगिमैं, मन्दिरर्बै कप्‍तान नेरो सदुकीमैं चमैं ङाँर खइ।

चेला चिब्मैंए केमैं 5:17

छतमा ख्रो पिंबै खेगि क्रथे नेरो चने बालु मुँबै सदुकीमैं ताँनइ कुल्मिंबै चेला चिब्मैंए फिर ह्रिस लसि चमैंए बिरोध लबर होंइ।

१ कोरिन्थी 1:22

यहूदीमैंइ अचम्मबै चिनुमैं म्‍हैम्, ग्रिकमैंइ ज्ञान-बुद्धिए ताँमैं म्‍हैम्।