मत्ती 15:9 - परमेश्‍वरए ताँ तमु क्युइर

⁹ चमैंइ ङए मिं किंब फाक्‍कर्न ग, तलेबिस्याँ चमैंइ “चु ताँमैं परमेश्‍वरए ठिम ग” बिसि म्हिमैंइ बनेबै छ्यामैं लोमिंम्।’”

मत्ती 15:9 ပူးပေါင်းရင်းမြစ်များ

भजनमैं 39:6

म्हिमैं छरि धोंलेन् म्हयाम्। म्हिमैंइ फाक्‍कर्बै केमैं लप्ररिम्! चइ ल्हें सै न्होर खागु लमुँ दिलेया च खाबल् तनेमुँ चइ आसे!

भजनमैं 73:13

क्ह्रोंसेंन ङइ तोनतोर्न ह्रोंसए सैं छ्याँब् प्ह्‍याइमुँ, धै गल्ति आलइमुँ बिसि ङइ यो ख्रुइमुँ।

प्रस्थान 20:7

“ह्रोंसए याहवेह परमेश्‍‍वरए मिं फाकर्र्न आकिंन्, तलेबिस्याँ ङए मिं फाक्‍कर्न किंब्मैंलाइ ङइ छ्याब् ल्हैदिब्मुँ।

मत्ती 15:10

झाइले येशूजी म्‍हिमैं खी ङाँर हुइसि “क्‍हेमैंइ चु ताँ छेनाले थेसि क्होद्,” बिइ।

मर्कूस 7:7

चमैंइ फाक्‍कर्न ङए मिं किंम्, तलेबिस्याँ “चु परमेश्‍वरजी बिबै ताँ ग,” बिसि म्हिमैंइ लथेंबै छ्यामैं चमैंइ लोमिंम्।’

१ कोरिन्थी 15:2

चु सैं तोंबै ताँ क्वेंसि क्हेमैं बिश्‍वासर भोंब् तस्याँ क्‍हेमैंइ मुक्‍ति योंम्। आस्‍याँ क्‍हेमैंइ फाक्‍कर्न बिश्‍वास लइ।

१ तिमोथी 1:4

धै चमैं स्‍योंम्‍बै स्‍योर ताँमैं नेरो खेमैंए खोंयोंइ आनुबै ताँर सैं आह्‍यारिगे, तलेबिस्याँ च ताँमैंउँइँले झन प्होंगि कैगि मत्‍त्रे तम्। बरु क्ह्रोंसेंन्बै परमेश्‍वरए ताँमैं क्होबर खीए फिर बिश्‍वास लल् त्हुम्।

तीतस 1:14

झाइले परमेश्‍वरजी बिब् आङिंब्मैंइ बिबै ताँ नेरो यहूदीमैंए स्योंम्बै स्‍योलिबै कथामैंर चमैंए सैं आह्‍यारिगे।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।

याकूब 2:20

ओ ताँ आक्होबै म्‍हि! छ्याँबै के आलब्मैंए बिश्‍वास केर आफेब तम् बिसि ङइ क्‍हिने चिनु उँइँरिगे ङ्हाँइमुँ वा?

दर्शन 22:18

चु कितबर्बै तारे तखबै ताँमैं थेब्‍मैंलाइ ङ यूहन्‍नाइ बिमुँ: चु ताँमैंए फिर अर्को ताँमैं थप्‍दिबै म्हिए फिर चु कितबर प्‍ह्रिबै थेबै दुःखमैं परमेश्‍वरजी थप्‍दिमिंब्‍मुँ।