मत्ती 15:31 - परमेश्‍वरए ताँ तमु क्युइर

³¹ लडमैं पोंब, स्यालेमैं सयाब, डुडमैं प्रयाब, कनमैंइ म्रोंल् खाँब् तइ। छाब् म्रोंसि म्‍हिमैं प्लेटोयासि इस्राएल ह्रेंर्बै परमेश्‍वर बेल्‍ले थेब मुँन बिसि खीए मिं क्वेइ।

मत्ती 15:31 ပူးပေါင်းရင်းမြစ်များ

उत्पत्ति 32:28

च स्वर्गदूतइ बिइ, “क्हिइ परमेश्‍वर नेरो म्हिमैंने नेसि ट्होल् खाँइ। छतसि तारे क्हिए मिं याकूब आङिं, इस्रायल तब्मुँ।”

उत्पत्ति 33:20

चर चइ ख्रो पिंबै क्ल्ह्‍यो घ्रि बनेसि चए मिं एल-एलोह-इस्राएल थेंइ।

भजनमैं 50:15

धै दुःख तबै त्हेर ङने ग्वार ह्रिद्; ङइ क्हि दुःखउँइँले फ्रेमिंब्मुँ, झाइले क्हिइ ङए मिं थेब् लब्मुँ।”

भजनमैं 50:23

धन्यबादए ख्रो पिंबै म्हिइन ङए मिं थेब् लब्मुँ। धै ठिक घ्याँर प्रब्मैंलाइन ङइ जोगेमिंब्मुँ,” बिसि फरमेश्‍वरजी बिइमुँ।

प्रस्थान 24:10

इस्राएलए परमेश्‍वरलाइ म्रोंइ। खीए प्हले न्होंर निरइ स्युबै मु धोंबै छ्याँबै युँमा प्लना मुँल।

मत्ती 15:30

म्हिए हुल खी ङाँर खागु तखइ। धै खेंमैंने बालु पखबै डुँडमैं, कनमैं, स्यालेमैं, लडामैं नेरो ल्‍हें अरू नब् छब्मैं खीए उँइँर थेंमिंमा खीजी चमैं सल् लमिंइ।

मत्ती 18:8

“क्‍हिए यो अथवा प्‍हलेइ क्‍हिलाइ पाप लबर ल्हैदिम् बिस्‍याँ च थोसि भ्‍योंवाँन्। तलेबिस्याँ यो प्‍हले ङ्हिंना ङ्हिंन्‍ने नर्गर्बै मिर ह्‍याब् भन्दा बरु डुँड तसि खोंयोंइ आखाँबै छ्ह योंब क्‍हिए ल्हागिर बेल्‍ले छ्याँब ग।

मत्ती 21:14

च लिउँइँ कनमैं नेरो स्यालेमैं मन्दिरर खी ङाँर खइ, धै खीजी चमैं सल् लमिंइ।

मत्ती 8:10

च कप्‍तानए ताँ थेसि येशू अचम्मा ङ्हाँसि खीए लिलि खब्‍मैंने बिइ, “ङ क्ह्रोंसेंन क्हेमैंने बिमुँ, इस्राएलरै या च्हौ थेबै बिश्‍वास लबै म्‍हि ङइ खोंयोंइ आत्होइमुँ।

मत्ती 9:32

झाइले खेंमैं च क्ल्ह्‍योउँइँले त्होंसि ह्‍यारिमा मोंइ स्‍यासि लडा तबै म्‍हि घ्रि म्‍हिमैंइ येशू ङाँर पखइ।

मत्ती 9:33

येशूजी मों ल्‍हावाबै लिउँइँ च लडा पोंइ। छतमा “इस्राएल ह्‍युलरि छ तब खोंयोंइ आम्रोंल,” बिसि म्‍हिमैं प्लेटोयाइ।

मत्ती 9:8

छले खीजी लबै औदिबै के म्रोंसि चर्बै म्हिमैं ङ्हिंयाँइ, धै म्हिमैंलाइ च्हौ थेबै शक्‍ति पिंबै परमेश्‍वरए मिं क्वेइ।

मर्कूस 2:12

येशूजी छ बिबै तोदोंन् च म्‍हि खीए क्ल्ह्‍यो नोसि म्हिमैंउँइँले प्रयाइ। छाब् म्रोंसि चर्बै म्‍हिमैं प्लेटोयासि “छ लबम् ङिइ खोंयोंइ आम्रोंल।” बिदै परमेश्‍वरए मिं क्वेइ।

मर्कूस 7:37

चु ताँ थेब्मैं ताँन् प्लेटोयासि “येशूजी तो के बिलेया छ्याँब लमना। न्‍ह आथेबै म्‍हि थेल् लमना, आपोंबै म्‍हि पोंल् लमना बिबर होंइ।”

मर्कूस 9:43

क्हिए योइ क्‍हि पापर च्होवाम् बिस्‍याँ च यो थोवाद्। यो ङ्हिंन ङ्हिंन् तसि नर्गर्बै मिर ह्‍याब् भन्दा बरु डुँड तनाबिलेया खोंयोंइ आखाँबै छह् योंब क्हिए ल्हागिर छ्याँब तम्।

लूका 14:13

बरु भत्‍यार लमा ङ्हाँदुमैं, डुँडामैं, खोडमैं नेरो कन‍मैं हुइद्।

लूका 14:21

“झाइले के लबै म्हि एखसि ताँन् ताँ ह्रोंसए क्‍ल्‍हेने बिइ, छतमा धिं क्‍ल्‍हे ह्रिस खसि के लबै म्हिने बिइ, ‘तारे युन्ले सहरर ह्‍याद् धै सहरर्बै घ्‍याँए रेजरेबै ङ्हाँदुमैं, डुँडामैं, खोडमैं नेरो कन‍मैं हुइसि पउ,’ बिमा के लबै म्हि धबै हुइबर ह्‍याइ।

लूका 18:43

येशूजी छ बिबै तोदोंन् चए मि म्रोंयाँइ। झाइले च सैं तोंदै परमेश्‍वरए मिं क्वेदै येशूए लिलि प्रयाइ। छतब् म्रोंसि ताँन् म्हिमैंज्यै या परमेश्‍वरए मिं क्वेबर होंइ।

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

यूहन्‍ना 9:24

छतमा चमैंइ च मि म्रोंल् खाबै म्हि धबै हुइसि बिइ, “परमेश्‍वरए मिं थेब् लद्। चु म्हि पापि ग बिसि ङिइ सेइमुँ।”