मत्ती 15:30 - परमेश्‍वरए ताँ तमु क्युइर

³⁰ म्हिए हुल खी ङाँर खागु तखइ। धै खेंमैंने बालु पखबै डुँडमैं, कनमैं, स्यालेमैं, लडामैं नेरो ल्‍हें अरू नब् छब्मैं खीए उँइँर थेंमिंमा खीजी चमैं सल् लमिंइ।

मत्ती 15:30 ပူးပေါင်းရင်းမြစ်များ

भजनमैं 103:3

क्हिइ लबै ताँन् छेरन् ङ्हाँबै केमैं खीजी क्षमा लमिंम्; धै क्हिए ताँन् नब-छब सल् लमिंम्,

मर्कूस 9:43

क्हिए योइ क्‍हि पापर च्होवाम् बिस्‍याँ च यो थोवाद्। यो ङ्हिंन ङ्हिंन् तसि नर्गर्बै मिर ह्‍याब् भन्दा बरु डुँड तनाबिलेया खोंयोंइ आखाँबै छह् योंब क्हिए ल्हागिर छ्याँब तम्।

लूका 14:13

बरु भत्‍यार लमा ङ्हाँदुमैं, डुँडामैं, खोडमैं नेरो कन‍मैं हुइद्।

चेला चिब्मैंए केमैं 2:22

“ओ इस्राएलीमैं, चु ताँ थेद्, नासरतथें येशू परमेश्‍वरजी कुल्‍मिंबै म्‍हि मुँन बिब क्हेमैंइ सेरिगे नेरो क्होरिगे बिसि परमेश्‍वरजी येशूउँइँले शक्‍तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।