मत्ती 15:23 - परमेश्‍वरए ताँ तमु क्युइर

²³ दिलेया येशूजी चने तोइ ज्वाफ आपिं। छतमा खीए चेलामैं खसि यो छ्युँ लसि च च्हमिरि ओरदै ङ्योए लिलि खरिइमुँ “च च्हमिरि कुल्मिंन्,” बिइ।

मत्ती 15:23 ပူးပေါင်းရင်းမြစ်များ

उत्पत्ति 42:7

योसेफइ ह्रोंसए आघेंमैं म्रोंसि ङो सेइ। दिलेया चइ चमैंने बालु ङो आसेब् धोंले “क्हेमैं खनिउँइँले खल?” बिसि थेबै कैले ङ्योएइ। चमैंइ बिइ, “ङि कनान ह्‍युलउँइँले म्‍ल्ह-नारिमैं किंबर खब् ग।”

भजनमैं 28:1

ओ याहवेह, ङ लोबै पारा, क्हिनेन् ङ ग्वार ह्रिमुँ, ङइ ग्वार ह्रिमा आथेब् धों आलमिंन्, क्हिजी ङए ताँ आथेमिंस्याँ, सिसि क्रोंर ह्‍याब्मैं धों ङ तब्मुँ।

मत्ती 14:15

ङेसा तबै लिउँइँ चेलामैं खी ङाँर खसि बिइ, “म्‍हुँइँस तबि छेइमुँ। ङ्यो चुर खाबै आरेबै क्‍ल्‍ह्‍योर मुँ। चु म्‍हिमैं कुल्मिंन्। चुमैं नाँसजरे ह्‍यासि चबै सैमैं किंसि चरिगे।”

मत्ती 15:22

च क्‍ल्‍ह्‍योउँइँले कनान ह्रेंर्बै च्हमिरि घ्रि ओरदै खसि येशूने बिइ, “ओ प्रभु, दाऊदए च्ह, ङए फिर ल्हयो खमिंन्। ङए च्हमि मोंइ स्यासि बेल्‍ले ह्रुगुदिइमुँ।”

मत्ती 15:24

येशूजी बिइ, “ङम् इस्राएल ह्रेंर्बै म्‍हयाबै क्‍युमैंए ल्हागिर मत्‍त्रे कुलब् ग।”