मत्ती 15:16 - परमेश्‍वरए ताँ तमु क्युइर

¹⁶ येशूजी बिइ, “क्‍हेमैंज्यै या अझै चुए अर्थ आक्‍होइमुँ वा?

मत्ती 15:16 ပူးပေါင်းရင်းမြစ်များ

मत्ती 13:51

येशूजी चमैंने “क्‍हेमैंइ चु ताँ क्‍होइ वा?” बिसि ङ्योएमा “चमैंइ क्होइमुँ,” बिसि ज्वाफ पिंइ।

मत्ती 15:10

झाइले येशूजी म्‍हिमैं खी ङाँर हुइसि “क्‍हेमैंइ चु ताँ छेनाले थेसि क्होद्,” बिइ।

मत्ती 15:15

पत्रुसइ खीने “चु अहानए अर्थ ङिने बिमिंन्,” बिमा

मत्ती 15:17

चबै सै सुँउँइँले फोर फेनेसि बैरु त्‍होंह्‍याम् बिब क्‍हेमैंइ आसेइमुँ वा?

मत्ती 16:11

ङइ क्‍हेमैंने चबै क्हेंए बारेर ताँ लब आङिं बिब क्‍हेमैंइ तले आक्‍होल? ङइ फरिसी नेरो सदुकीमैंए क्हेंर झोंबै प्लेढाउँइँले जोगेसि टिद् बिब् ग।”

मत्ती 16:9

क्‍हेमैंइ अझै आक्‍होइमुँ वा? हजार ङ्‌ह म्‍हिमैंलाइ क्‍हें ङ्‌हबो चुमिंब म्‍लेह्‍याइ वा? क्हेमैंइ कति ट्हलो क्‍हें लुँठे खुल?

मर्कूस 6:52

तलेबिस्याँ खीजी क्‍हें ङ्‍हपो नेरो ताँग ङ्हिंउँइँले हजार ङ्‌ह म्हिमैं चल् पिंब म्रोंलेया “येशू खैबै म्हि मुँगे” बिसि चमैंइ अझै आक्‍होल, तलेबिस्याँ चमैंए सैं सारो तल।

मर्कूस 7:18

येशूजी चमैंने बिइ, “क्‍हेमैंज्यै या अझै आक्‍होइमुँ वा? सुँउँइँले म्‍हिए फो न्‍होंर होंबै सैइ पापर च्होल् आखाँ बिसि क्हेमैइ आसेइमुँ वा?

मर्कूस 9:32

दिलेया खीजी बिबै चु ताँ चेलामैंइ क्‍होल् आखाँ, धै ङ्हिंसि खीने ङ्योएल् आखाँ।

लूका 18:34

दिलेया चेलामैंइ चु ताँ तिफुँइ आक्‍हो। चु ताँए अर्थ परमेश्‍वरजी चमैंउँइँले लोसि थेंइ। छतसि चमैंइ येशूजी बिबै ताँ क्‍होल् आखाँ।

लूका 24:45

छ बिसि परमेश्‍वरए छ्वेर्बै ताँ क्‍होरिगे बिसि खीजी चमैंए सैं प्ल्हमिंइ।

लूका 9:45

दिलेया येशूजी बिबै ताँ चेलामैंइ आक्‍हो। तलेबिस्याँ चु ताँ चमैंइ आक्‍होरिगे बिसि परमेश्‍वरजी चमैंउँइँले चए अर्थ लोथेंल। चेलामैंइ चु ताँ आक्होलेया येशूने ङ्योएबर ङ्हिंइ।

हिब्रू 5:12

तिंयाँ समा क्‍हेमैं अरूमैंलाइ लोमिंल् खाँब्मैं तल् त्‍हुमल, अझै या क्हेमैंलाइ परमेश‍वरए ताँमैं लोमिंल् त्‍हुइमुँ। क्‍हेमैं सारो चबै सै चल् खाँब्मैं धों आङिं, बरु कोलोमैं धोंले ङ्‌हे मत्‍त्रे थुँल् त्‍हुब् धों तइमुँ।