मत्ती 14:36 - परमेश्‍वरए ताँ तमु क्युइर

³⁶ चमैंइ खीए क्वेंए ङो छुइल् पिंन् बिसि येशूने यो छ्युँ लइ, धै येशूए क्‍वें छुइब्मैं ताँन् सयाइ।

मत्ती 14:36 ပူးပေါင်းရင်းမြစ်များ

मत्ती 14:35

खेंमैं चर फेनेमा चर्बै म्‍हिमैंइ येशूलाइ ङो सेइ। छतसि चमैंइ च खागुबै नब्मैं खी ङाँर पखो बिसि सँउँसर पिमिंइ। धै म्हिमैंइ ताँन् नब्मैं खी ङाँर पखइ।

मत्ती 23:5

दिलेया चमैंइ ह्रोंसइ लबै केमैं म्हिमैंइ म्रोंरिगे बिसि उँइँम्। ङि धर्मि ग बिसि उँइँबै ल्हागिर चमैंइ ठिमर्बै ताँमैं थेंबै बट्टामैं थे-थेब लसि ङ्‍हो नेरो यो पाख्रार खिम्, छलेन ह्रोंसइ खिबै क्‍वेंर ह्रिंग्यो ह्रिंग्यो झुम्कामैं च्योसि खिम्।

मर्कूस 3:10

तलेबिस्याँ खीजी ल्‍हें नबै म्‍हिमैं सल् लमिंल, छतसि नब् छब्मैंइ येशूलाइ छुइबै ल्हागिर क्हि खगा ङ खगा लरिल।

मर्कूस 6:56

खी नाँसजरे ख-खनर ह्‍यामुँ च-चर्न म्‍हिमैंइ नबै म्‍हिमैं घ्याँ-घ्याँर्न पखसि थेंमिंमल, धै “क्‍हिए क्वेंए ङो मत्‍त्रे छुइल् पिंन्” बिसि नबै म्हिमैंइ येशूने यो छ्युँ लइ, धै येशूए क्‍वें छुइब्मैं ताँन् सयाइ।

मर्कूस 8:22

च लिउँइँ खेंमैं बेथसेदा बिबै क्‍ल्‍ह्‍योर फेखमा चर म्‍हिमैंइ मि आम्रोंबै म्हि घ्रि येशू ङाँर पखसि “चुए मि म्रोंबै ल्हागिर क्हिजी छुइमिंन्,” बिसि यो छ्युँ लइ।

लूका 6:19

ताँन् म्‍हिमैंइ येशूलाइ छुइल् म्‍हैमल, तलेबिस्याँ येशूउँइँले शक्‍ति त्होंरिल। छतमा चमैं ताँन् सल् लमल।

यूहन्‍ना 6:37

ङए आबाजी ङने पिंब्‍मैं ताँन् ङ ङाँर खब्‍मुँ, धै ङ ङाँर खब्‍मैंलाइ ङइ खैलसे या पिरिब् आरे।

यूहन्‍ना 7:23

क्हेमैंइ मोशाइ पिंबै ठिम म्हाँदिबर प्रिबै त्हिंइर ह्रोंसए च्हए ट्हुबिर चिनु लम् बिस्याँ, ङइ प्रिबै त्हिंइर म्हि घ्रिए ताँन् नब् सल् लमिंमा क्हेमैं तले ङने ह्रिस खल?

चेला चिब्मैंए केमैं 3:16

क्हेमैंइ ङो सेबै चु सबै म्हिइ येशूए मिंए फिर बिश्‍वास लबइले खीजी चुलाइ भोंब् लमिंइ। धै क्हेमैं ताँनए उँइँरि छेनाले सल् लमिंइ।