मत्ती 14:31 - परमेश्‍वरए ताँ तमु क्युइर

³¹ चइ कै तेबै तोदोंन् येशूजी चए योर क्‍हासि “ओ बिश्‍वास आरेबै म्हि, तले संका लल?” बिइ।

मत्ती 14:31 ပူးပေါင်းရင်းမြစ်များ

उत्पत्ति 22:14

छतसि अब्राहामइ च क्ल्ह्‍योए मिं “याहवेहजी जुरेमिंब्मुँ” थेंइ। “याहवेहए कोंर खीजी जुरेमिंब्मुँ” बिसि तिंजरो या म्हिमैंइ बिरिम्।

भजनमैं 138:7

ङइ ल्हें दुःख योंलै या क्हिजी ङ जोगेमिंम्। ङए शत्तुरमैं ह्रिस खसि ङने छैखमा क्हिजी यो स्योंम्, झाइले ह्रोंसए क्योलो योजी ङ जोगेमिंम्।

मत्ती 14:30

दिलेया खैं सार्लै खब् म्रोंसि च ङ्हिंयाँइ, धै प्ल्हुँह्‍याबि छेमा “ङलाइ जोगेमिंन्, प्रभु,” बिसि ओबर होंइ।

मत्ती 14:32

छ बिसि खेंमैं ङ्हिं डुँङ्गार क्रेबै तोदोंन् खैं टियाइ।

मत्ती 16:8

चमैंइ तो ताँ लसिन् मुँ बिब येशूजी सेसि चमैंने बिइ, “ओ, ङए फिर च्‍युगुदे या बिश्‍वास आलब्मैं! क्‍हेमैंने क्‍हें आरे बिसि तले ह्रों-ह्रोंसन् ताँ लरिल?

मत्ती 17:20

खीजी चमैंने “क्‍हेमैंइ परमेश्‍वरए फिर छेनाले बिश्‍वास आलइरि ग। ङ क्ह्रोंसेंन क्हेमैंने बिमुँ, क्‍हेमैंने पासगिए फुँ द प्रि बिश्‍वास मुँस्‍याँ चु कों ‘क्‍याइ स्‍योह्‍याद्’ बिलेया च स्‍योह्‍याम्। धै क्‍हेमैंइ लल् आखाँबै सै तोइ तरिब् आरे।”

मत्ती 6:30

तिरो ङ्हिरोदे प्‍हारबै ट या परमेश्‍वरजी छले पैरिदिमिंम् बिस्याँ ओ बिश्‍वास आरेबै म्हिमैं, खीजी झन् क्‍हेमैंलाइ चमैं भन्दा ल्हें आपैरिदिमिं रो वा?

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

मर्कूस 1:31

येशू च नबै म्हि मुँबै क्‍ल्‍ह्‍योर ह्‍यासि चए यो क्‍हासि रेमिंइ। च तोदोंन् चए जर सयाइ। धै चइ खेंमैंए ल्हागिर चब् लबर होंइ।

मर्कूस 1:41

चए ताँ थेसि येशूजी ल्‍हयो खसि खीए योजी च म्हिलाइ छुइसि “ङइ क्हि सयारिगे ङ्हाँइमुँ क्हि सयाद्,” बिइ।

मर्कूस 11:23

क्ह्रोंसेंन ङ क्हेमैंने बिमुँ, खाबज्यै ह्रोंसए सैं न्‍होंर तोइ संका आलल्‍ले ह्रोंसइ बिबै ताँ खैले बिलेन् तम् बिसि बिश्‍वास लसि चु कोंने ‘क्‍हि छुइले स्‍योसि तालर तेह्‍याद्,’ बिलेन चए ल्हागिर छान् तम्।

मर्कूस 16:7

तारे पत्रुस नेरो येशूए अरू चेलामैं ङाँर ह्‍यासि ‘येशू गालीलर क्हेमैं भन्दा ओंसोंन् ह्‍यासिन् मुँ। खीजी ओंसोंन् क्‍हेमैंने बिब् धोंले क्‍हेमैंइ खीलाइ चर म्रोंब्‍मुँ,’ बिसि बिद्।”

मर्कूस 4:40

झाइले येशूजी चेलामैंने बिइ, “क्‍हेमैं तले छले ङ्हिंल? क्‍हेमैंने अझै बिश्‍वास आरे वा?”

मर्कूस 5:41

झाइले कोलोए यो क्‍हासि खीजी बिइ, “तालिता कूमि!” छ बिब, “ओ नानि, ङइ क्‍हिने बिमुँ, रेद्!” बिब् ग।

लूका 24:34

झाइले “प्रभु येशू क्‍ह्रोंसेंन सोगों तसि रेखना! धै सिमोन ङाँर म्रोंखन!” बिसि चमैंने बिइ।

चेला चिब्मैंए केमैं 4:30

झाइले नबै म्हिमैं सल् लमिंबर क्हिजी ह्रोंसए यो स्योंमा, ह्रोंसए सेवा लबै पबित्र येशूए मिंउँइँले औदिबै केमैं नेरो चिनुमैं तरिगे।”

१ तिमोथी 2:8

छतसि ताँन् क्ल्ह्‍योजरे मुँयुँमैंइ ह्रिस आखल्‍ले, तोइ गनगन आलल्‍ले आछ्याँबै के आलबै यो क्वेसि प्राथना लरिगे बिब ङए सैं मुँ।

१ पत्रुस 1:5

क्‍हेमैंइ परमेश्‍वर फिर बिश्‍वास लइ। छतसि खीए शक्‍तिउँइँले क्‍हेमैंइ चु आशिक योंबै ल्हागिर खीजी क्हेमैंलाइ जोगेसि थेंइमुँ। च आशिक चु ह्‍युल नुयाबै त्हिंइर खीजी उँइँमिंब्‍मुँ।