मत्ती 14:25 - परमेश्‍वरए ताँ तमु क्युइर

²⁵ न्‍हाँगर्बै सों ह्राबै त्हेजरे येशू मा ङ्युँइए फि फि प्रसि चेलामैं ङाँर खइ।

मत्ती 14:25 ပူးပေါင်းရင်းမြစ်များ

भजनमैं 104:3

खीजी ह्रोंसए नुबै कोठार्बै दलिनमैं क्युमैंए फिर थेंम्; खीजी न्हाँमस्योमैं ह्रोंसए रथ बनेम्; खी खैंए प्ह्‍यामैंर प्ररिम्।

मत्ती 24:43

चु ताँ मैंन्दि, धिं क्‍ल्‍हेइ ‘ह्‍यो चु त्हेर्न खब्मुँ’ बिब था सेस्‍याँ च न्‍हरु आच्‍हुइल्‍ले टिरिमल, धै ह्‍योइ धिं फोर्दिल् आपिंमल।

मर्कूस 13:35

छतसि क्हेमैं या न्हक्रों मिक्रोंले टिदु तलेबिस्याँ धिंए क्ल्हे ङेसर खम् उ, म्हुँइँस आधार खम् उ, नग ओरबै त्हेर खम् उ, प्‍हँन्हाँग्धों न्‍हाँगर खम् उ, खोंयों खम्? बिसि क्‍हेमैंइ आसे।

मर्कूस 6:48

च त्हेर उल्टोले थेबै खैं खसि डुङ्गा ओलेब बेल्‍ले गारो तरिल। नाँ न्होबै छझँ, सों ह्राबै त्हेजरे येशू तालए फि फि प्रखसि चेमैं भन्दा ओंसों ह्‍याल् म्हैइ।

लूका 12:38

धिं क्‍ल्‍हे म्‍हुँइँस आधार खलेया च भन्दा क्हैल्‍ले खलेया खीए केब्छैंमैं न्हरु आच्हुइल्‍ले टिरिब स्यास्‍याँ च केब्छैंमैंइ झन् स्‍याबासि योंब्‍मुँ।

यूहन्‍ना 6:19

च चेलामैं डुँङ्गा ओलेसि किलोमिटर ङ्‍ह ट्हु ह्‍याल् खाँबै लिउँइँ येशू मा ङ्युँइए फि फि प्रसि डुँङ्गाए चेंदो खरिब चमैंइ म्रोंइ। छाब् म्रोंसि चेलामैं बेल्‍ले ङ्हिंयाँइ।

दर्शन 10:2

चए योर च्‍युथिरि प्ल्हसि थेंबै काउदए प्हैं मुँल। चइ ह्रोंसए क्‍योलो प्‍हले मा ङ्युँइए फिर, त्हर्ग्यों प्‍हले पृथ्‍बीए फिर थेंल।

दर्शन 10:5

च लिउँइँ धबै प्हले घ्रि पृथ्‍बीर, प्हले घ्रि मा ङ्युँइर लसि रारिब ङइ म्रोंइ, च स्‍वर्गदूतइ ह्रोंसए यो स्‍वर्गउँइँ क्वेइ।

दर्शन 10:8

झाइले स्‍वर्गउँइँले युबै कैइ ङने धबै बिइ, “ह्‍याद्, धै प्हले घ्रि मा ङ्युँइ प्हले घ्रि पृथ्‍बीर लसि रारिबै स्‍वर्गदूतए योर मुँबै प्ल्हसि थेंबै काउदए प्हैं किंन्।”