मत्ती 14:20 - परमेश्‍वरए ताँ तमु क्युइर

²⁰ चमैं ताँनइ म्रेंन्ले चसि ङैबै क्हें लुँठेमैं चमैंइ खागु लमा च्युसे ङ्हिं ट्हलो तल।

मत्ती 14:20 ပူးပေါင်းရင်းမြစ်များ

प्रस्थान 16:12

“इस्राएलीमैं गन गन लब ङइ थेइमुँ। क्हेमैंइ ङेसर से चल् योंब्मुँ, धै न्हाँगर क्हें म्रेंन्ले चल् योंब्मुँ। छले चल् योंमा ङ क्हेमैंए याहवेह परमेश्‍वर ग बिसि क्हेमैंइ सेब्मुँ।”

प्रस्थान 16:8

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

हितोपदेश 13:25

ठिक के लबै म्हिइ म्रेंन्ले चल् योंम्, दिलेया दुष्‍ट‍ म्हिमैं बिस्याँ फोत्तेन् तम्।

मत्ती 14:21

चर चब्मैं च्हमिरिमैं नेरो कोलोमैं आच्योल्‍ले हजार ङ्‌ह मुँयुँमैं मुँल।

मत्ती 15:33

छबिमा चेलामैंइ बिइ, “च्‍हौ ल्‍हें म्‍हिलाइ चु क्यु आयोंबै क्ल्ह्‍योर ङिइ खनिउँइँले चबै सै पखसि चल् पिंब?”

मत्ती 5:6

फो ख्रेंबर कैं, क्यु पिबर क्यु म्हैब् धोंले परमेश्‍वर म्हैब्मैंइ आशिक योंब्मुँ, तलेबिस्याँ चमैंए सैंर मैंब योब्मुँ।

लूका 1:53

फो ख्रेंब्‍मैंलाइ खीजी लिंबै सैमैं चल् पिंइमुँ, दिलेया प्‍लोब्‍मैंए यो बिस्याँ खीजी क्होतेन् लसि एमिंइमुँ।

लूका 9:17

झाइले चेलामैंइ क्हें चुमिंइ, धै चमैं ताँनइ म्रेंन्ले चसेया ङैबै क्हें लुँठेमैं च्युसे ङ्हिं ट्‍हलो चेलामैंइ खुइ।

यूहन्‍ना 6:7

फिलिपइ खीने बिइ, “च्‍हौ ल्‍हें म्हिमैंलाइ च्‍युगु च्‍युगु पिंना बिलेया ङ्हिब्ब्रा चाँदिए मुइइ क्हें किंलेया योरिब् आरे।”