मत्ती 14:2 - परमेश्‍वरए ताँ तमु क्युइर

² चु ताँ थेसि हेरोदइ ह्रोंसए के लब्मैंने बिइ, “च क्‍युर प्‍ल्हुँसि बप्‍तिस्‍मा पिंबै यूहन्‍ना ग। च सिसेया धबै सोसि खना। छतसि चइ छाबै औदिबै के लबै शक्‍ति योंइमुँ।”

मत्ती 14:2 ပူးပေါင်းရင်းမြစ်များ

मत्ती 11:11

क्ह्रोंसेंन ङ क्हेमैंने बिमुँ, च्हमिरिउँइँले फिब्मैं न्होंर बप्‍तिस्‍मा पिंबै यूहन्‍ना भन्दा थेबै म्‍हि अरू खाबै आतइमुँ। दिलेया स्वर्गर्बै ग्याल्सर ताँन् भन्दा च्योंब तब्मैं यूहन्‍ना भन्दा थेब तमुँ।

मत्ती 16:14

“कोइ बप्‍तिस्‍मा पिंबै यूहन्‍ना ग बिमुँ, कोइ स्योंम्बै एलिया ग बिमुँ, कोइ यर्मिया अथवा स्योंम्बै अगमबक्‍तामैं न्होंर्बै घ्रि ग बिम्,” बिसि चमैंइ बिइ।

मत्ती 3:1

च त्हेर बप्‍तिस्‍मा पिंबै यूहन्‍ना यहूदीया ह्‍युलर्बै क्यु आयोंबै क्ल्ह्‍योजरे खसि परमेश्‍वरए ताँ छले बिमिंबर होंइ।

मर्कूस 6:14

येशूजी लबै केए बारेर्बै ताँमैं खन्तोदोंन् थेनेल। छतसि हेरोद म्रुँज्यै या खीए बारेर्बै ताँ थेइ। को-कोइइ “बप्‍तिस्‍मा पिंबै यूहन्‍ना सिबउँइँले सोसि खना! छतैग चइ औदिबै केमैं लल् खाँना बिमल।”

मर्कूस 8:28

चेलामैंइ बिइ, “कोइ ‘बप्‍तिस्‍मा पिंबै यूहन्‍ना’ बिम्, कोइ ‘स्‍योंम्‍बै एलिया ग,’ बिम्, कोइ ‘स्‍योंम्‍बै अर्को अगमबक्‍ता घ्रि ग’ बिम्।”

लूका 9:7

येशूजी लबै केमैंए बारेर थेसि गालील ह्‍युलर्बै हेरोद म्रुँ अलमल्‍ला तयाइ, तलेबिस्याँ “क्युर प्ल्हुँसि बप्‍तिस्मा पिंबै यूहन्‍ना सिबउँइँले धबै सोसि खना,” बिसि को-कोइ बिमल।

यूहन्‍ना 10:41

ल्‍हें म्हिमैं खी ङाँर खसि खें-खेंमैं न्होंर्न बिइ, “यूहन्‍नाइ औदिबै चिनुमैं तोइ आल, दिलेया यूहन्‍नाइ चु म्हिए बारेर बिबै ताँमैं क्ह्रोंसेंन मुँन।”