मत्ती 13:30 - परमेश्‍वरए ताँ तमु क्युइर

³⁰ तोगो रा-रोमैं खुबै त्हे आतन् समा ङ्हिथुन् बालुन् बडिल् पिंन्। रा-रोमैं खुबै त्हेर ङए म्रोंमैंने “ओंसों सम्रिंमैं स्‍युइसि मिर ख्रोंवाबै ल्हागिर प्हैं फैद्। धै गहुँ ङए भकारिर खागु लसि थेंन् बिसि,” ङइ बिब्मुँ।’”

मत्ती 13:30 ပူးပေါင်းရင်းမြစ်များ

मत्ती 13:25

दिलेया म्‍हुँइँसर म्‍हिमैं रोबै त्हेर चए शत्तुर खसि गहुँए न्होंरि सम्रिं रुँइँथेंसि ह्‍याइ।

मत्ती 13:29

“क्‍ल्‍हेइ बिइ, ‘तोगो आस्‍युइद्! तोगो च सम्रिं स्‍युइस्‍याँ गहुँ या सम्रिंने बालुन् स्‍युवाब्मुँ।

मत्ती 25:32

झाइले ताँन् ह्रें-ह्रेंर्बै म्‍हिमैं खीए उँइँर खागु तब्‍मुँ, धै प्‍ह्रोंछैंमैंइ र नेरो क्यु स्यो-स्यो लब् धोंलेन् खीजी घ्रिउँइँले घ्रि स्यो लब्मुँ।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 3:12

सोंग्या टाबै नउलि खीए योर्न मुँ। खीजी ताँन् खालर्बै सोंग्या छेन्‍ले टाब्‍मुँ, धै खीए गहुँ धन्‍सारर खागु लब्मुँ, धै ताँन् पुइ खागु लसि खोंयोंइ आसिबै मिर ख्रोंवाब्‍मुँ।”

लूका 3:17

सोंग्याँ टाबै नउलि खीने मुँ। च नउलिइ ह्रोंसए सोंग्याँ छेनाले टाब्मुँ, धै गहुँ भकारिर खागु लब्‍मुँ बिस्याँ पुइ खोंयोंइ आसिबै मिर ख्रोंवाब्‍मुँ।”

यूहन्‍ना 15:6

ङने आटिब्मैं बिस्याँ रोमैं आरोबै हाँग धोंले बैरु भ्योंवाब्मुँ, धै कारयाब्मुँ। छाबै हाँगमैं म्हिमैंइ खागु लसि मिर ख्रोंवाब्मुँ।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

१ तिमोथी 5:24

को-कोइ म्‍हिमैंइमि छर्लङ्गन् म्रोंबै पाप केमैं लमुँ धै नियाधिश ङाँर फेनेम्, दिलेया को-कोइइ लबै पाप केमैं लिउँइँ मत्‍त्रे म्रोंम्।