मत्ती 13:19 - परमेश्‍वरए ताँ तमु क्युइर

¹⁹ कोइ म्‍हिमैंइ स्‍वर्गर्बै ग्याल्सए बारेर थेलेया क्‍होल् आखाँ। छतसि चमैं घ्‍याँर तेबै प्‍लु धोंन् तब् ग। चमैंए सैंउँइँले दुष्‍टइ च प्‍लुमैं प्‍हेंवाम्।

मत्ती 13:19 ပူးပေါင်းရင်းမြစ်များ

हितोपदेश 1:7

बुद्धि योंबै ल्हागिर म्हिमैंइ याहवेहलाइ म्हाँदिल् त्हुम्; दिलेया आमादुइ छ्ह खैलेन् थोलेन् तम् बिमुँ, धै ज्ञान बुद्धिए ताँमैं थेल् आङिं।

हितोपदेश 17:16

बुद्धि आम्हैबै आमादुए योर मुँबै मुइ तो केर फेमुँ?

मत्ती 12:26

छलेन दुष्‍टइ दुष्‍टलाइन ल्‍हाइबिस्‍याँ चमैं या खें-खेंमैए न्होंर्न आक्ह्रिस्याँ चमैंए ग्याल्स खैले टिक्दिल् खाँमुँ?

मत्ती 13:20

खाबइ परमेश्‍वरए ताँ थेबै तोदोंन् सैं तोंसि युनन् क्वेंमुँ, च गेगरर तेबै प्‍लु धोंन् तब् ग।

मत्ती 13:38

म्रों ह्‍युल ग। छ्याँबै प्‍लु बिस्याँ स्‍वर्गर्बै ग्याल्सर्बै सन्‍तान ग, धै सम्रिं दुष्‍टए सन्‍तान ग।

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मत्ती 5:37

क्हेमैंइ पोंबै ताँमैंर ‘ङिंब् मुँस्याँ ङिंबन् बिदु, आङिंब् मुँस्याँ आङिंबन् बिद्।’ चु भन्दा ल्हें दुष्‍टउँइँले खम्।

मर्कूस 4:15

कोइ म्‍हिमैं घ्याँर फेबै प्लु धोंबन् मुँ। चमैंइ परमेश्‍वरए ताँ थेबै तोदोंन् दुष्‍टइ चमैंइ थेबै ताँ प्‍हेंबोम्। छतसि क्‍वेंल् आपिं।

लूका 10:9

झाइले च नाँसर्बै नब्-छब्मैं सल् लद्, धै ‘परमेश्‍वरए ग्याल्स क्‍हेमैंए ङाँर्न फेखइमुँ’ बिसि चमैंने बिद्।

लूका 9:2

झाइले “परमेश्‍वरए ग्याल्सए बारेर बिप्रदै नब् छब्‍मैं सल् लद्।

यूहन्‍ना 18:38

पिलातसइ येशूने “क्‍ह्रोंसेंन्‍बै ताँ तो जा?” बिसि च धबै बैरु त्होंह्‍यासि येहूदिमैंने बिइ, “ङइ चु म्हिने तोइ छ्याब् योंल् आखाँ।

यूहन्‍ना 8:43

ङइ बिबै ताँमैं क्‍हेमैंइ तले आक्‍हो? तलेबिस्याँ क्हेमैंइ ङइ बिबै ताँमैं थेल् आखाँ।

चेला चिब्मैंए केमैं 17:32

म्हि सिसि धबै सोगों तबै ताँ थेसि चमैं न्होंर्बै को-कोइ बिल्‍लि लइ। दिलेया अरूमैंइ बिइ, “चु ताँए बारेर क्हिए ताँ धबै ङि थेब्मुँ।”

चेला चिब्मैंए केमैं 18:15

दिलेया चु ताँम् क्हेमैंए ठिमर्बै ताँफुँमैं नेरो मिंमैंए बारेर मत्‍त्रे मुँन! छतसि क्हेमैं ह्रोंसन् क्ह्रिल् त्हुम्। छाबै ताँए निसाफ ङइ आल।”

चेला चिब्मैंए केमैं 20:25

“क्हेमैंए म्हाँजोर ङइ परमेश्‍वरए ग्याल्सर्बै ताँ बिदै प्रइ, तारे क्हेमैंइ ङ धबै खोंयोंन् बिलै म्रोंरिब् आरे बिसि ङइ सेइमुँ।

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

रोमी 1:28

म्‍हिमैंइ परमेश्‍वरलाइ पिंल् त्हुबै मान आपिं, छतसि चमैंइ तो लदा ङ्हाँम् लरिगे बिसि पिवाइ।

रोमी 14:17

तलेबिस्याँ ङ्योइ परमेश्‍वरलाइ म्रुँलाइ धोंले म्हाँदिइ बिस्‍याँ खीजी ङ्योलाइ थेबै आशिक पिंम्। च आशिक तो जा बिस्‍याँ तोन्‍दोंरि सै चब् थुँब् योंब मत्‍त्रे आङिं, दिलेया पबित्र प्ल्हजी ठिक ठर्दिमिंसि पिंबै शान्‍ति नेरो आनन्‍द ग।

रोमी 2:8

दिलेया प्होंगि कैगि लब्मैं, क्ह्रोंसेंन्बै ताँ आङिंब्मैं नेरो आछ्याँबै के लब्मैंए फिर बिस्याँ परमेश्‍वर ह्रिस खसि सजैं पिंब्‍मुँ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

२ थेसलोनिकी 2:12

क्ह्रोंसेंन्बै ताँ आक्वेंसि आछ्याँबै केर सैं तोंब्मैं ताँन् दोषि ठर्दिरिगे बिसि परमेश्‍वरजी छ लब् ग।

हिब्रू 2:1

छतसि ङ्योइ तो ताँ थेइमुँ च ताँ झन् छेनाले थेल् त्हुम्। छेनाले आथेइ बिस्याँ ङ्योइ घ्‍याँ फ्लेयाम्।

१ यूहन्‍ना 3:12

ङ्यो स्‍योंम्‍बै कयिन बिबै म्‍हि धों तब तल् आत। च दुष्‍टल् मुँल, छतसि चइ ह्रोंसए अलि सैवाइ। चइ ह्रोंसए अलि तले सैवाइ बिस्‍याँ चइ लबै के आछ्याँब मुँल, दिलेया अलिइ लबै केमैं छ्याँब मुँल।

१ यूहन्‍ना 5:18

परमेश्‍वरए प्‍हसेमैं खाबज्यै खोंयोंइ पाप लरिब आरे बिसि ङ्योइ सेइमुँ, तलेबिस्याँ परमेश्‍वरए च्‍हजी चलाइ जोगेथेंम्, छतसि दुष्‍टइ चलाइ छुइल् आखाँ।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।