मत्ती 13:14 - परमेश्‍वरए ताँ तमु क्युइर

¹⁴ स्‍योंम्‍बै यशैया अगमबक्‍ताइ बिबै ताँ चमैंने क्‍ह्रिखइमुँ: क्‍हेमैंइ थेबम् थेमुँ, थेलेया आक्‍हो, ङ्‌ह्‍योबम् ङ्‌ह्‍योमुँ, दिलेया आम्रों।

मत्ती 13:14 ပူးပေါင်းရင်းမြစ်များ

मर्कूस 4:12

ङ तले छले बिम् बिस्याँ, परमेश्‍वरए छ्वेर छ बिबै ताँ पूरा तरिगे: ‘चमैंइ ङ्‌ह्‍योबम् ङ्‌ह्‍योमुँ, दिलेया म्रोंल् आखाँ, थेबम् थेमुँ, दिलेया क्‍होल् आखाँ। चमैंइ म्रोंल् खाँस्‍याँ, झाइले क्‍होल् खाँस्‍याँ, परमेश्‍वरउँइँ सैं एमल, झाइले परमेश्‍वरजी क्षमा पिंमल।’”

लूका 8:10

येशूजी चमैंने बिइ, “परमेश्‍वरए ग्याल्सर्बै थेब् थेबै ताँमैं क्होबै ज्ञान क्हेमैंलाइ पिंइमुँ। दिलेया अरूमैंने बिस्याँ ङ अहानउँइँले पोंब्मुँ, तलेबिस्याँ परमेश्‍वरए छ्वेर प्‍ह्रिब् धोंले: ‘चमैंइ ङ्‌ह्‍योलेया आम्रोंरिगे, थेलेया आक्‍होरिगे।’”

रोमी 10:16

दिलेया सैं तोंबै ताँ थेनाबिलेया ल्हें म्हिइ वास्‍था आल। छतसि “ओ प्रभु, ङिइ बिबै ताँ खाबै क्‍वेंइमुँ?” बिसि यशैया अगमबक्‍ताइ ओंसोंन् बिइमुँ।

२ कोरिन्थी 3:14

मोशाए मोंड क्वेंइ हुब् धोंले इस्राएलथेंमैंए सैं या हुथेंब् धोंन् तइमुँ। छतसि तिंयाँ समै या ठिम खेमा चमैंइ परमेश्‍वरए ताँ क्‍होल् आखाँ। ख्रीष्‍ट येशूजी मत्‍त्रे च हुथेंबै क्‍वें स्‍योवासि परमेश्‍वरए ताँ क्होमिंल् खाँम्।