मत्ती 12:41 - परमेश्‍वरए ताँ तमु क्युइर

⁴¹ झाइले परमेश्‍वरजी निसाफ लबै त्हिंइर निनवेथेंमैंइ क्‍हेमैं छ्याब् ल्‍हैदिब्‍मुँ। तलेबिस्याँ चमैंइ योनाइ बिबै ताँ थेसि खेमैंए आछ्याँबै केमैंउँइँले सैं एइ, दिलेया क्‍हेमैंए म्‍हाँजोरि योना भन्दा या थेबै म्‍हि चुर मुँ!

मत्ती 12:41 ပူးပေါင်းရင်းမြစ်များ

योना 1:2

“रेद्, च निनवे बिबै थेबै सहरर ह्‍याद, धै चर्बै म्हिमैंए बिरोध ङए ताँ बिइ प्रद्, तलेबिस्याँ चर्बै म्हिमैंइ आछ्याँबै के लब ङइ म्रोंइमुँ।”

योना 3:4

योनाइ तिगें दे दिन छ्युल्‍ले प्रसि च सहर न्होंर होंसि ताँ बिबर होंइ, “तारेबै प्लिच्यु त्हिं न्होंर निनवे सहर नास तब्मुँ!”

मत्ती 12:39

खीजी चमैंने बिइ, “तिंजोरोबै दुष्‍ट म्‍हिमैं नेरो ब्यभिचार लब्मैंइ चिनु म्हैम्। दिलेया स्‍योंम्‍बै योना अगमबक्‍ताइ उँइँबै औदिबै के बाहेक चु पुस्ताने अरू चिनु उँइँरिब् आरे।

मत्ती 12:42

निसाफ लबै त्हिंइर ल्हुँर्बै (दक्षिणर्बै) म्रुँस्‍योइ क्‍हेमैंने छ्याब् ल्‍हैदिब्‍मुँ। तलेबिस्याँ च म्रुँस्‍यो सोलोमन म्रुँए बुद्धिए ताँ थेबर ह्रेंगोर्बै ह्‍युलउँइँले खइ। दिलेया सोलोमन म्रुँ भन्दा थेबै म्‍हि चुर मुँ!

मत्ती 12:45

छतमा च ह्‍यासि ह्रोंस् भन्दा दुष्‍ट मोंमैं ङि हुइसि पखम्। धै चमैं ताँन् न्‍होंर होंसि चर्न टिमुँ च्‍हौ तल् खाँबै लिउँइँ च म्‍हिए हालत ओंसोंबै भन्दा झन् आछ्याँब तम्। तिंजोरोबै दुष्‍ट के लबै म्‍हिमैंए हालत या छाबन् तब्‍मुँ।”

मत्ती 12:6

ङ क्‍हेमैंने बिमुँ, मन्दिर भन्दा झन् थेबै सै चुर मुँ।

मत्ती 16:4

तिंजोरोबै दुष्‍ट नेरो ब्यभिचारि म्हिमैंइ चिनु म्हैम्, दिलेया योनाए चिनु बाहेक् अरू चिनुमैं चमैंने उँइँरिब् आरे।” च्हौ बिसि खी चमैं वाथेंसि ह्‍याइ।

मत्ती 17:17

येशूजी खीए चेलामैंने बिइ, “क्हेमैंम् कति बिश्‍वास आरेबै आच्योबै म्‍हिमैं मुँन! ङ खोंयों समा क्‍हेमैंने टिल् त्‍हुम्? ङइ खोंयों समा क्हेमैंलाइ सैदिरिब् जा? खोइ च कोलो चुर ङ ङाँर पउ।”

मत्ती 23:36

छतसि क्ह्रोंसेंन ङ क्हेमैंने बिमुँ, चु ताँन् पापए सजैं चु पुस्तार्बै म्‍हिमैंए फिर खब्‍मुँ।

लूका 11:32

झाइले निसाफ लबै त्हिंइर निनबे बिबै सहरर्बै म्‍हिमैंइ तिंइजोरोबै म्‍हिमैंए फिर छ्याब् मुँबन् ठर्दिब्‍मुँ, तलेबिस्याँ योनाउँइँले परमेश्‍वरए ताँ थेसि निनबे बिबै सहरर्बै म्‍हिमैंइ ह्रों-ह्रोंसए आछ्याँबै के पिसि परमेश्‍वरउँइँ सैं एल। छतसि थेद्! योना भन्दा झन् थेबै म्‍हि चुर मुँ।”

यूहन्‍ना 3:31

“स्‍वर्गउँइँले युबै म्हि ताँन् भन्दा थेब मुँ। पृथ्‍बीर फिब्मैं पृथ्‍बीर्बैन् ग, छतसि पृथ्‍बीर्बै ताँ पोंम्। दिलेया स्‍वर्गउँइँले युबै म्हि ताँन् भन्दा थेब मुँ।

यूहन्‍ना 4:12

ङिए खे याकूबइ चु क्यउदु ङिए ल्हागिर बनेमिंइ, धै च, चए सन्तानमैं नेरो चए खेदोमैंज्यै चु क्यउदुर्बै क्यु थुँइ। ङिए खे याकूब भन्दा क्हि थेब वा?”

रोमी 2:27

छतसि अरू ह्रेंर्बै म्‍हिमैंइ ज्युर चिनु आललेया ठिम म्हाँदिइ बिस्याँ, क्हेमैं यहूदीमैंलाइ चमैंइन दोषि ठर्दिब्मुँ। तलेबिस्याँ प्ह्रिबै ठिम क्हेमैंने मुँलेया, क्हेमैंइ ज्युर चिनु ललेया क्हेमैंइ ठिम आम्हाँदि।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।