मत्ती 12:34 - परमेश्‍वरए ताँ तमु क्युइर

³⁴ ओ प्‍हुरिए सन्‍तानमैं! क्‍हेमैंन् दुष्‍ट मुँसेरो खैले छ्याँबै ताँ पोंल् खाँमुँ? तलेबिस्याँ सैंर प्लिंबै ताँमैंन् सुँउँइँले पोंम्।

मत्ती 12:34 ပူးပေါင်းရင်းမြစ်များ

भजनमैं 53:1

आमादुमैंइ ह्रोंसए सैंर “परमेश्‍वर आरे!” बिमुँ। चमैंइ आछ्याँबै केमैं लमुँ, चमैं छेरन् ङ्हाँन् तब्मैं मुँ; छ्याँबै के लब्मैं खाबै आरे।

भजनमैं 64:3

सेलाँर धार झोंब् धोंले चमैंइ खेंमैंए लेर धार झोंमुँ, मे त्हँलेइ ल्हिब् धोंलेन् चमैंइ पोंबै ताँमैंइ म्हिए सैं नल् लम्।

भजनमैं 64:5

आछ्याँबै केमैं लबर चमैंइ खें-खेंमैंए न्होंर घ्रिइ घ्रिलाइ भों पिंमुँ। खाबज्यै आसेल्‍ले ङो चुले बिसि चमैं क्ह्रिसि मत लमुँ। “ङ्योइ लबै चु के खाबइ म्रोंम्‌ रो?” बिसि चमैंइ बिम्।

हितोपदेश 16:23

बुद्धि मुँबै म्हिइ च्हैंसि मैंसि पोंम्, धै चइ पोंबै ताँइ म्हिमैं ह्रब् सेब् तम्।

हितोपदेश 4:23

ह्रोंसए सैंर आछ्याँबै ताँमैं आमैंन्, तलेबिस्याँ क्हिए सैंइ मैंबै ताँमैंन् क्हिए छ्हर तम्।

मत्ती 12:35

छ्याँबै सैं प्ह्‍याबै म्हिइ ह्रोंसए सैंर मुँबै छ्याँबै ताँमैंउँइँले छ्याँबै ताँन् पोंमुँ। आछ्याँबै सैं प्ह्‍याबै म्‍हिइ ह्रोंस् न्‍होंर्बै आछ्याँबै सैमैंउँइँले आछ्याँबै ताँमैंन् पोंम्।

मत्ती 15:18

दिलेया म्‍हिमैंए सुँउँइँले बैरु त्‍होंबै आछ्याँबै ताँमैं सैं न्‍होंउँइँले बैरु त्‍होंम्। छतसि सैं न्होंउँइँले त्होंबै आछ्याँबै ताँमैंइ म्‍हि पापर च्होवाम्।

मत्ती 23:33

प्‍हुरिमैं, ओ साँबे प्‍हुरिए प्हसेमैं! क्‍हेमैं नर्गर्बै मिउँइँले खैले स्योल् खाँमुँ?

मत्ती 3:7

दिलेया फरिसीमैं नेरो सदुकीमैं न्होंर्बै ल्हें म्हि या खीने बप्‍तिस्‍मा किंबर खब् म्रोंसि यूहन्‍नइ चमैंने बिइ, “ओ प्‍हुरि धों तबै म्‍हिमैं, परमेश्‍वरए ह्रिसउँइँले स्योल् खाँम् बिसि खाबइ क्‍हेमैंने बिइ?

लूका 3:7

छतसि ल्हें म्हि यूहन्‍ना ङाँर क्युर प्ल्हुँसि बप्‍तिस्मा पिंन् बिसि खइ। छले खमा यूहन्‍नाइ चमैंने बिइ, “ओ, प्‍हुरि धों तबै म्‍हिमैं! परमेश्‍वरजी पिंबि छेबै सजैंउँइँले स्योल् खाँम् बिसि खाबइ क्‍हेमैंने बिल?

लूका 6:45

छ्याँबै सैं प्ह्‍याबै म्‍हिइ ह्रोंसए सैंर मुँबै छ्याँबै सैमैंउँइँले छयाँबै ताँमैं पोंम्, धै आछ्याँबै सैं प्ह्‍याबै म्‍हिइ ह्रोंसए सैंर मुँबै आछ्याँबै सैंउँइँले आछ्याँबै ताँमैंन् पोंम्। तलेबिस्याँ सैंर तो मुँ चन् म्‍हिए सुँउँइँले त्‍होंम्।”

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

एफिसी 4:29

आछ्याँबै ताँ क्‍हेमैंए सुँउँइँले आत्‍होंरिगे, बरु थेब्मैंलाइ आशिक खल्‍ले आगुलाइ छ्याँबै घ्याँर डोरेबै छ्याँबै ताँमैं मत्‍त्रे पोंब्रें लद्।

एफिसी 5:4

आछ्याँबै ताँ, केर आफेबै ताँ, नेरो फा पिन् तबै ताँ खोंयोंइ या आपोंन्। बरु खोंयोंन् बिलै परमेश्‍वरलाइ धन्‍यबाद पिंन्।

याकूब 3:2

ङ्यो ताँनइ ल्‍हें गल्तिमैं लम्, दिलेया खाबइ ह्रोंसइ पोंबै ताँर गल्ति आल, चइ ह्रोंसए ताँन् ज्युइ या तार झोंल् खाँम्, धै च क्ह्रोंसेंन्बै छ्याँबै म्हि तम्।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।