मत्ती 12:31 - परमेश्‍वरए ताँ तमु क्युइर

³¹ छतसि ङ क्हेमैंने बिमुँ, म्हिमैंइ लबै पाप केमैं नेरो परमेश्‍वर स्यारबै ताँमैं क्षमा योंल् खाँम्, दिलेया पबित्र प्ल्हए बिरोधर पोंबै ताँमैं नेरो आछ्याँबै केमैंए क्षमा योंरिब् आरे।

मत्ती 12:31 ပူးပေါင်းရင်းမြစ်များ

लूका 12:10

“झाइले म्हिए च्हए बिरोधर पोंब्मैंइ क्षमा योंब्मुँ। दिलेया पबित्र प्ल्हए बिरोधर पोब्मैंइ क्षमा योंरिब आरे।

चेला चिब्मैंए केमैं 7:51

“ओ, आच्योबै म्हिमैं, सारो सैं प्ह्‍‍याब्मैं नेरो न्ह आथेब्मैं! क्हेमैंइ खोंयोंन् बिलै पबित्र प्ल्हए बिरोध लइमुँ। क्हेमैंए खेमैंइ लब् धोंले क्हेमैंज्यै या छान् लइमुँ।

हिब्रू 10:26

तलेबिस्याँ क्ह्रोसंन्बै ताँ सेसेया ङ्योइ ह्रना-ह्नन् पाप लइ बिस्याँ पाप त्होमिंबै ल्हागिर तारे अरू ख्रो आरे।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

हिब्रू 6:4

तलेबिस्याँ खाब्मैंइ परमेश्‍वरए चारबै ह्‍वे तिब्ले योंल् खाँसि स्वर्गर्बै आशिक सेइमुँ, धै पबित्र प्ल्हए शक्‍ति योंल् खाँइमुँ,

१ यूहन्‍ना 1:9

दिलेया खीजी फैबै बाछाइ बिब् धोंले परमेश्‍वरजी लम् धै ठिक निसाफ लम्। छतसि “ङिइ पाप केमैं लइमुँ” बिसि ङ्योइ खी ङाँइ सैं एइबिस्‍याँ खीजी ङ्योए पापमैं क्षमा लमिंसि ताँन् पापउँइँले ख्रुमिंम्।

१ यूहन्‍ना 5:16

खाबज्‍यै या ह्रोंसए बिश्‍वासी अलि-अङाँइ पाप लरिब् म्रोंस्‍याँ, चइ लबै पाप केमैं नर्गर्न ह्‍याल् त्हुबै खालर्बै आङिंस्‍याँ, च अलि-अङाँए ल्हागिर चइ प्राथना लल् त्‍हुम्, धै नर्गर्न ह्‍याल् त्हुबै खालर्बै पाप आलबै म्हिलाइ परमेश्‍वरजी खोंयोंइ आखाँबै छ्ह पिंब्मुँ। दिलेया नर्गर्न ह्‍याल् त्हुबै खालर्बै पाप या मुँ। छाबै पाप केमैं लबै म्हिए ल्हागिर बिस्याँ परमेश्‍वरने प्राथना लमिंरिगे बिसि ङइ आबि।