मत्ती 12:30 - परमेश्‍वरए ताँ तमु क्युइर

³⁰ “ङए लिलि आप्रबै म्‍हि ङए बिरोधी ग, ङने बालु रोमैं आखुबै म्हिइ ताँन् हिनामिंना लवाम्।

मत्ती 12:30 ပူးပေါင်းရင်းမြစ်များ

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

भजनमैं 94:16

दुष्‍ट म्हिमैंए बिरोधर ङने बालु खाब् रामुँ? आछ्याँबै के लब्मैंए बिरोधर ङए ख लसि खाब् रामुँ?

हितोपदेश 11:24

सैं प्ल्हसि पिंबै म्हिइ मुइ झन ल्हें योंब्मुँ; दिलेया ह्रोंसने मुँन-मुँन् पिंल् आखाँबै म्हि झन् ङ्‍हाँदु तदै ह्‍याम्।

मत्ती 12:29

“भोंबै म्‍हिलाइ आफैन् समा खाबइ चए धिं न्होंर होंसि चए सै न्होर ह्‍योल् खाँमुँ? च भोंबै म्हि फैबै लिउँइँ मत्‍त्रे चए धिंर ह्‍योल् खाँम्।

मत्ती 6:24

“खाबज्यै या क्ल्हे ङ्हिंए सेवा लल् आखाँ। तलेबिस्याँ सेवा लबै म्हिइ क्ल्हे घ्रिलाइ हेल लब्मुँ, क्ल्हे घ्रिलाइ मान लब्मुँ, अथवा घ्रिलाइ छेन्‍ले म्हाँदिमुँ, अर्कोलाइ आम्हाँदि। छलेन क्‍हेमैंज्‍यै या परमेश्‍वर नेरो मुइ ङ्हिंना ङ्हिंनाए सेवा लल् आखाँ।

मर्कूस 9:40

तलेबिस्याँ ङ्योए बिरोध आलबै म्हि ङ्योए टोलिर्बै म्‍हि धों तबन् ग।

लूका 11:23

छतसि ङए ख आलबै म्हि ङए बिरोधी ग। धै ङने बालु आखुबै म्हइ खन्तोंदोंन् फ्रुँवाम्।

लूका 9:50

छबिमा येशूजी चने बिइ, “चने तोइ आबिद्, मों ल्‍हाल् पिंन्, तलेबिस्या क्हिए बिरोध आलब्मैं क्‍हिए ख लब्मैं तम्।”

यूहन्‍ना 11:52

यहूदी ह्रेंए ल्हागिर मत्‍त्रे आङिं, दिलेया खन्तोंदोंन् प्हुँयाबै परमेश्‍वरए सन्तानमैं खागु लसि घ्रि लबै ल्हागिर येशू सिब्मुँ।

१ यूहन्‍ना 2:19

च म्हिमैं ङ्योए संगतिउँइँले त्‍होंइ ह्‍याइ, तलेबिस्याँ चमैं ङ्योल आङिंल। चमैं ङ्योल ङिंस्‍याँम् ङ्योनेन् टिमल। दिलेया चमैं ताँन् ङ्योल आङिं बिसि उँइँबर चमैं त्होंसि ह्‍याब् ग।