मत्ती 12:29 - परमेश्‍वरए ताँ तमु क्युइर

²⁹ “भोंबै म्‍हिलाइ आफैन् समा खाबइ चए धिं न्होंर होंसि चए सै न्होर ह्‍योल् खाँमुँ? च भोंबै म्हि फैबै लिउँइँ मत्‍त्रे चए धिंर ह्‍योल् खाँम्।

मत्ती 12:29 ပူးပေါင်းရင်းမြစ်များ

मत्ती 12:28

ङइ परमेश्‍वरए पबित्र प्ल्हए शक्‍तिउँइँले मों ल्‍हाब् ग बिस्याँ परमेश्‍वरए ग्याल्स क्‍हेमैंए ङाँर युल् खाँइमुँ।

मत्ती 12:30

“ङए लिलि आप्रबै म्‍हि ङए बिरोधी ग, ङने बालु रोमैं आखुबै म्हिइ ताँन् हिनामिंना लवाम्।

मर्कूस 3:27

“खाबज्यै या भोंबै म्‍हिए धिंर होंसि चर्बै सैमैं ह्‍योदा ङ्हाँस्याँ, चइ ओंसों च भोंबै म्‍हि फैथेंल् त्‍हुम्, धै बल्‍ल ह्‍योल् खाँम्।

१ यूहन्‍ना 3:8

दुष्‍टइ ओंसों ओनोंन् पाप लइमुँ, छतसि पाप लरिबै म्हि दुष्‍टए म्हि ग। दुष्‍टइ लबै पाप केमैं नास लवाबर परमेश्‍वरए च्‍ह ह्‍युलर युब् ग।

१ यूहन्‍ना 4:4

दिलेया ओ ङइ खोबै कोलोमैं, क्‍हेमैं परमेश्‍वरए म्हिमैं ग। क्‍हेमैंने मुँबै पबित्र प्ल्ह ख्रीष्‍टए फिर बिश्‍वास आलबै म्हिमैंने मुँबै प्ल्ह भन्दा थेबै शक्‍ति मुँबै प्ल्ह ग। छतसि क्‍हेमैंइ स्‍योलिबै ताँ पोंब्‍मैंलाइ ट्होवाइमुँ।