मत्ती 12:15 - परमेश्‍वरए ताँ तमु क्युइर

¹⁵ खीलाइ सैबै मत लबै ताँ था सेसि येशू च क्ल्ह्‍योउँइँले ह्‍याइ। छले ह्‍यामा ल्‍हें म्‍हिमैं खीए लिलि ल्‍हौदिइ, धै खीजी ताँन् नबै म्‍हिमैं सल् लमिंइ।

मत्ती 12:15 ပူးပေါင်းရင်းမြစ်များ

मत्ती 10:23

छतसि म्हिमैंइ क्हेमैंलाइ क्ल्ह्‍यो घ्रिर ह्रुगुदिइ बिस्याँ च क्ल्ह्‍योउँइँले अर्को क्ल्ह्‍योउँइँ भौदिह्‍याद्। क्ह्रोंसेंन ङ क्हेमैंने बिमुँ, परमेश्‍वरउँइँले कुल्‍मिंबै म्हिए च्ह युब् भन्दा ओंसों क्‍हेमैंइ इस्राएलर्बै ताँन् क्ल्ह्‍योर खैलसेया स्युरल् खाँरिब् आरे।

मत्ती 19:2

चर म्‍हिए हुलमैं खीए लिलि ल्हैदिइ। धै खीजी चर्न नबै म्हिमैं सल् लमिंइ।

मर्कूस 6:56

खी नाँसजरे ख-खनर ह्‍यामुँ च-चर्न म्‍हिमैंइ नबै म्‍हिमैं घ्याँ-घ्याँर्न पखसि थेंमिंमल, धै “क्‍हिए क्वेंए ङो मत्‍त्रे छुइल् पिंन्” बिसि नबै म्हिमैंइ येशूने यो छ्युँ लइ, धै येशूए क्‍वें छुइब्मैं ताँन् सयाइ।

लूका 5:22

दिलेया येशूजी चमैंए सैंर्बै ताँ था सेसि बिइ, “क्‍हेमैं ह्रोंसए सैंर तले छाबै ताँ मैंरिल?

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

लूका 9:11

दिलेया म्हिमैंइ खी छले ह्‍याब सेसि म्‍हिए हुल येशू ङाँर खइ। छले खमा खीजी परमेश्‍वरए ग्याल्सर्बै बारेर चमैंलाइ बिमिंइ। धै नब् छब्मैं या सल् लमिंइ।

यूहन्‍ना 11:54

छतसि येशू धबै यहूदीमैंइ म्रोंन्‍ले प्रब्-टिब आल। दिलेया यरूशलेम पिसि म्हि आटिबै क्ल्ह्‍योए चेंदोर्बै एफ्राइम बिबै नाँसर ह्‍यासि चर्न ह्रोंसए चेलामैंने बालु टिइ।

यूहन्‍ना 7:1

च लिउँइँ येशू यहूदीया ह्‍युलर ह्‍यादा आङ्हाँसि गालील ह्‍युलर्न स्युररिल। तलेबिस्याँ यहूदी चिबनाँब्मैंइ खीलाइ सैबै घ्याँ म्हैरिल।

यूहन्‍ना 9:4

ङ कुल्मिंबै आबाजी ल्‍हैदिबै केमैं ङ्योइ त्हिंयाँ मुँमन् लल् त्हुम्। म्‍हुँइँस त‍यासेरो खाबज्यै के लल् आखाँ।

गलाती 6:9

छतसि ङ्योइ आनारल्‍ले अरूमैंलाइ ल्होले, तलेबिस्याँ ङ्यो आनारल्‍ले के लसिन् टिइबिस्‍याँ ठिक त्हेर ङ्योइ रोमैं योंब्‍मुँ।

१ पत्रुस 2:21

छाबै खालर्बै दुःख सैदिबै ल्हागिर्न खीजी क्‍हेमैंलाइ त्‍हाँब् ग। ख्रीष्‍टजी क्‍हेमैंए ल्हागिरि नमुना तसि थेबै दुःख सैदिइ, क्हेमैं खीए म्‍हैर्न प्रल् त्हुम्।