मत्ती 12:10 - परमेश्‍वरए ताँ तमु क्युइर

¹⁰ चर यो कार‍याबै म्‍हि घ्रि मुँल। चमैंइ येशूलाइ छ्याब् ल्‍हैदिबै सैं लसि खीने “प्रिबै त्हिंइर म्‍हि सल् लब तम्मा?” बिसि ङ्योएइ।

मत्ती 12:10 ပူးပေါင်းရင်းမြစ်များ

मत्ती 12:2

छले चब् म्रोंसि फरिसीमैंइ खीने बिइ, “ङ्‍ह्‍योत्ति, क्‍हिए चेलामैंइ प्रिबै त्हिंइर तो लल् आत चन् लइमुँ।”

मत्ती 19:3

कोइ फरिसीमैं खी ङाँर खसि खीए सैं किंबर “म्‍हिइ तो मुँले कारणइ ह्रोंसए प्ह्रेंस्यो वाब तम् उ आत?” बिसि ङ्योएइ।

मर्कूस 3:2

“के लल् आतबै प्रिबै त्हिंइरै येशूजी च म्‍हि सल् लमिंम् उ?” बिसि छ्याब् ल्‍हैदिबै सैंले को-कोइ म्हिमैं येशूए छैं लरिल।

लूका 11:54

“येशूजी ताँ पोंमा खनिज्यै गल्‍ति स्यासि ताँ क्हाल् योंम् उ?” बिसि चमैंइ दाउ ङ्‍ह्‍योबर होंइ।

लूका 13:14

येशूजी प्रिबै त्हिंइर च च्हमिरि सल् लमिंब् म्रोंसि च्हों धिंर्बै चिब बेल्‍ले ह्रिस खसि चर्बै म्‍हिमैंने बिइ, “के लब टुरो मुँ, छतसि च टुरो न्‍होंर खसि सस्याँ तम्। प्रिबै त्हिंइर छ लब आत।”

लूका 20:22

छतसि ङिलाइ बिमिंन्दि। ङिंइ रोमी कैसर म्रुँलाइ बालि फोल् त्हुम् उ आत्हु?”

लूका 23:14

बिइ, “चु म्हिजी म्हिमैं भाँडिवाइ बिसि क्‍हेमैंइ चुलाइ ङ ङाँर पखइ। तोगो क्‍हेमैंए उँइँर्न ङ्युँलु च्युलु लमा क्‍हेमैंइ चुए फिर ल्हैदिबै छ्याब् ङइ तोइ आयों।

लूका 23:2

“चुइ ‘रोमी म्रुँलाइ बालि फोल् आत्‍हु,’ बिम्, धबै ‘ङ ख्रीष्‍ट म्रुँ ग,’ बिसि चुइ ङ्योए म्हिमैं भाँडिवाइ,” बिसि चमैंइ येशूए फिर छ्याब् ल्हैदिबर होंइ।

यूहन्‍ना 5:10

छतसि को-कोइ यहूदी चिबनाँब्मैंइ च सबै म्हिने बिइ, “तिंयाँ प्रिबै त्हिंइ ग। छतसि क्‍हिइ क्‍ल्‍ह्‍यो नोइ प्रब आत।”

यूहन्‍ना 5:3

चर कनमैं, डुँडामैं, स्याले म्हिमैं, ल्‍हें खालर्बै नब्‍मैं रोरिमल। [“क्‍यु खोंयों ओलेब् ङ्‍हे” बिसि चमैं पैंरिमल।

यूहन्‍ना 7:23

क्हेमैंइ मोशाइ पिंबै ठिम म्हाँदिबर प्रिबै त्हिंइर ह्रोंसए च्हए ट्हुबिर चिनु लम् बिस्याँ, ङइ प्रिबै त्हिंइर म्हि घ्रिए ताँन् नब् सल् लमिंमा क्हेमैं तले ङने ह्रिस खल?

यूहन्‍ना 8:6

चमैंइ येशूए सैं किंबर चु ताँ बिल। दिलेया येशू कुरसि योरिइ सर प्ह्रिबर होंइ।

यूहन्‍ना 9:16

फरिसीमैं न्होंर्बै को-कोइ बिइ, “च परमेश्‍वरउँइँले युबै म्हि आङिं, तलेबिस्याँ चइ प्रिबै त्हिंइ आम्हाँदि।” दिलेया अरूमैंइ बिइ, “चु पापि म्हि मुँस्याँ, चुइ छाबै औदिबै चिनुमैं खैले लल् खाँइ?” चु ताँइ लमा चमैं न्‍होंरि आक्‍ह्रि।