मत्ती 11:3 - परमेश्‍वरए ताँ तमु क्युइर

³ चमैं ह्‍यासि “ङिए गुरु यूहन्‍नाइ बिब् धोंले युबै म्‍हि क्हिन् उ, ङिइ अर्को म्‍हि अझै प्रेंल् त्‍हुमुँ?” बिसि येशूने ङ्योएइ।

मत्ती 11:3 ပူးပေါင်းရင်းမြစ်များ

उत्पत्ति 12:3

क्हिए फिर आशिक पिंब्मैंलाइ ङइ आशिक पिंब्मुँ, क्हिए फिर सराप पिंब्मैंलाइ ङइ सराप पिंब्मुँ। क्हिउँइँलेन् पृथ्‍बीर्बै ताँन् म्हिमैंइ आशिक योंब्मुँ।”

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

भजनमैं 118:26

याहवेहए मिंर युबै म्रुँइ आशिक योंम्। धै ङिइ क्हेमैं ताँनलाइ याहवेहए धिंउँइँले आशिक पिंम्।

मत्ती 11:10

तलेबिस्याँ चु यूहन्‍नाए बारेर परमेश्‍वरए छ्वेर छले प्‍ह्रिइमुँ, ‘ङ्‍ह्‍योद्, क्हिए घ्‍याँ तयार लमिंरिगे बिसि क्हि भन्दा ओंसों ङइ ङए स्यार्बो कुल्मिंम्।’

मत्ती 11:4

येशूजी चमैंने बिइ, “क्‍हेमैंइ थेबै ताँमैं नेरो म्रोंबै केमैं यूहन्‍ना ङाँर ह्‍यासि बिद्।

मत्ती 21:5

“सियोनए च्हमिने छ बिमिंन्, तारे क्‍हिए म्रुँ क्‍हि ङाँर खइन मुँ, थेब् आप्‍हैंन्‍ले गधाए फिर क्रेसि खइन मुँ, खी गधा झजए फिर क्रेसि खइमुँ,” बिसि बिल।

मत्ती 21:9

खीए लिलि ओंसों प्रब्मैंइ छले ओरल, “दाऊदए च्हए जय जय तरिगे! याहवेहए मिंर खबै म्‍हिला आशिक तरिगे! धाँसे थेबै परमेश्‍वरए जय जय तरिगे!”

मर्कूस 11:9

झाइले खीए ओंसों ओंसों प्रबै म्‍हिमैंइ नेरो लिलि लिलि प्रबै म्‍हिमैंइ “परमेश्‍वरए मिं क्वेद्! याहवेहए मिंर खबै म्रुँलाइ परमेश्‍वरजी आशिक पिंरिगे!” बिदै जयजय लबर होंइ।

लूका 19:38

“परमेश्‍वए मिंर युबै म्रुँ बेल्‍ले थेब मुँ। स्वर्ग नेरो पृथ्‍बीर शान्ति तरिगे। खीए मिं खोंयोंन् बिले थेब् तरिगे,” बिदै ओरइ।

यूहन्‍ना 11:27

मार्थाइ खीने बिइ, “अँ प्रभु, क्‍हि परमेश्‍वरए च्ह ख्रीष्‍ट ह्‍युलर युब् ग बिसि ङ क्वेंम्।”

यूहन्‍ना 12:13

झाइले चमैंइ छोडाए हाँगमैं छेसि “होसन्‍ना! याहवेहए मिंर युबै इस्राएलर्बै म्रुँए जय जय तरिगे!” बिदै ओरदै खीए मान लबर त्होंइ।

यूहन्‍ना 16:14

ङइ बिबै ताँमैं खीजी क्हेमैंने बिमिंसि ङए मान लब्मुँ।

यूहन्‍ना 4:21

येशूजी चने बिइ, “ओ नानि, ङए फिर बिश्‍वास लद्, च त्हे खसिन् मुँ, च त्हेर क्हेमैंइ परमेश्‍वरए मिं क्‍वेबर चु कोंरै ह्‍याल् आत्हु, यरूशलेमरै या ह्‍याल् त्हुरिब् आरे।

यूहन्‍ना 6:14

खीजी लबै छाबै औदिबै चिनु म्रोंसि च म्हिमैंइ “ह्‍युलर युल् त्हुबै अगमबक्‍ता क्ह्रोंसेंन चुन् मुँन,” बिइ।

यूहन्‍ना 7:31

दिलेया चर मुँबै ल्‍हें म्हिमैंइ खीए फिर बिश्‍वास लसि बिइ, “परमेश्‍वरजी कुल्मिंबै म्रुँ ख्रीष्‍ट युमा येशूजी लबै औदिबै चिनुमैं भन्दा थेबै केमैं लम् रो वा?”

हिब्रू 10:37

तलेबिस्याँ “तारे तिस्यार्न युम् बिबै येशू युब्‍मुँ, खी युबर क्‍हैल् लरिब् आरे।