मत्ती 11:22 - परमेश्‍वरए ताँ तमु क्युइर

²² ङ क्हेमैंने बिमुँ, परमेश्‍वरजी निसाफ लबै त्हिंइर च टुरोस नेरो सिदोनथेमैंइ भन्दा क्‍हेमैंइ थेबै सजैं योंब्मुँ

मत्ती 11:22 ပူးပေါင်းရင်းမြစ်များ

मत्ती 10:15

क्ह्रोंसेंन ङ क्हेमैंने बिमुँ, लिउँइँ परमेश्‍वरजी निसाफ लबै त्हिंइर स्‍योंम्‍बै पाप लबै सदोमथेंमैं नेरो गमोराथेंमैंइ भन्दा च सहरर्बै म्‍हिमैंइ ल्हें सजैं योंब्मुँ।”

मत्ती 11:21

“ओ खोराजीनथेंमैं नेरो बेथसेदाथेंमैं! धिक्‍कार मुँ क्‍हेमैं, तलेबिस्याँ क्हेमैं ङाँर लब् धोंबै औदिबै केमैं टुरोस नेरो सिदोन सहरजरे लस्याँ चमैंइ स्योंमन् ह्रेंगा खिसि मेब्ब्रो फोसि खेंमैंइ लबै आछ्याँबै केमैं पिसि परमेश्‍वरउँइँ सैं एमल।

मत्ती 11:24

छतसि ङ क्हेमैंने बिमुँ, परमेश्‍वरजी निसाफ लबै त्हिंइर सदोमथेंमैंइ भन्दा क्‍हेमैंइ ल्हें सजैं योंब्मुँ।”

मत्ती 12:36

“छतसि ङ क्हेमैंने बिमुँ, स्योलिबै ताँमैं पोंबै म्हिमैंइ निसाफ लबै त्हिंइर चमैंइ खेंमैंइ पोंबै स्योलिबै ताँमैंए लेखा पिंल् त्‍हुब्मुँ।

लूका 10:14

परमेश्‍वरजी निसाफ लबै त्हिंइर टुरोस नेरो सिदोनथेंमैंइ भन्दा क्‍हेमैंइ झन् थेबै सजैं योंब्‍मुँ।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

२ पत्रुस 2:9

छले खीजी बिबै ताँ ङिंब्मैंलाइ प्रभुजी दुःखउँइँले जोगेमिंल् खाँम्, धै दुष्‍टमैंलाइ दण्ड पिंबै ल्हागिर निसाफ लबै त्हिंइ समा खीजी फैथेंल् खाँम्।

२ पत्रुस 3:7

दिलेया परमेश्‍वरए च ताँउँइँलेन् तिंजरोबै मु नेरो ह्‍युल लिउँइँ मिइ ख्रोंसि नास लबै ल्हागिर तोगो समा नास आतल्‍ले खीजी थेंइमुँ। छले खीलाइ आम्हाँदिब्मैंलाइ दोषि ठर्दिसि निसाफ लबै त्हिंइर मु नेरो ह्‍युलै या खीजी नास लवाब्मुँ।

१ यूहन्‍ना 4:17

छतसि निसाफ लबै त्हिंइर ङ्यो ङ्हिंल् आत्हुरिगे बिसि खीजी ङ्योए फिर क्ह्रोंसेंन म्हाँया लइमुँ। ख्रीष्‍टजी ह्‍युलर छ्ह थोब् धोंलेन् ङ्योज्‍यै या छ्ह थोबइले ङ्यो ङ्हिंल् आत्हु।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।

दर्शन 20:12

सियाब्‍मैं, थेब, च्‍योंब ताँन् राजगद्दिए उँइँर रारिब् ङइ म्रोंइ। परमेश्‍वरजी कितबमैं फैथेंल। सियाब्‍मैंइ सोगों मुँमा तो तो के लल, च केमैं ताँन् च कितबर प्‍ह्रिथेंल। धै चमैंइ लबै के ङ्‍ह्‍योसि परमेश्‍वरजी निसाफ लमल। (अर्को कितब घ्रि या खीजी फैइ। च कितबर खोंयोंइ आखाँबै छ्ह योंबै म्हिमैंए मिं प्‍ह्रिल।)