मत्ती 11:2 - परमेश्‍वरए ताँ तमु क्युइर

² बप्‍तिस्‍मा पिंबै यूहन्‍नाइ येशू ख्रीष्‍टजी लबै केमैंए बारेर थेसि ह्रोंसए चेलामैं येशू ङाँर ताँमैं ङ्योएबर कुल्‍मिंइ।

मत्ती 11:2 ပူးပေါင်းရင်းမြစ်များ

मत्ती 1:17

छले खे अब्राहामए पलोसेरो दाऊद म्रुँए पलो समा च्युसे प्लि पुस्‍ता तल। दाऊद म्रुँए पलोसेरो यहूदीमैंलाइ बेबिलोन ह्‍युलउँइँ बोयाबै त्हे समा अर्को च्युसे प्लि पुस्‍ता तल। झाइले च त्हेसेरो परमेश्‍वरजी कुलबै म्रुँ ख्रीष्‍ट फिबै त्हे समा च्‍योमा अर्को च्युसे प्लि पुस्‍ता तल।

मत्ती 14:3

ह्रोंसए अलि फिलिपए प्ह्रेंस्योए घ्याँउँइँले हेरोदइ ओंसों यूहन्‍ना क्हासि झेलर च्युवाल।

मत्ती 4:12

हेरोद म्रुँइ यूहन्‍ना झेलर च्युवाइमुँ बिबै ताँ थेसि येशू गालील ह्‍युलर्न एइ।

मत्ती 9:14

च लिउँइँ बप्‍तिस्‍मा पिंबै यूहन्‍नाए चेलामैं येशू ङाँर खसि “ङि नेरो फरिसीमैं बर्त टिब्रें लम्, दिलेया क्‍हिए चेलामैं बिस्‍याँ बर्त आटि, तले जा?” बिसि खीने ङ्योएमा

मर्कूस 6:17

तलेबिस्याँ च भन्दा ओंसों हेरोद म्रुँइ ह्रोंसए अलि फिलिपए प्ह्रेंस्यो हेरोदियासने ब्ह्‍या लल। छतसि “ह्रोंसए अलिए प्ह्रेंस्योने ब्ह्‍या लल् आत!” बिसि यूहन्‍नाइ बिबइले हेरोदइ यूहन्‍नालाइ क्हाबर ल्हैदिसि फैसि झेलर च्युवाल।

लूका 3:19

दिलेया हेरोद म्रुँइ ह्रोंसए अलिए प्ह्रेंस्यो हेरोदियासलाइ प्ह्रेंस्यो लसि थेंब नेरो चइ आछ्याँबै केमैं लबइले यूहन्‍नाइ चलाइ हौदिल।

लूका 9:7

येशूजी लबै केमैंए बारेर थेसि गालील ह्‍युलर्बै हेरोद म्रुँ अलमल्‍ला तयाइ, तलेबिस्याँ “क्युर प्ल्हुँसि बप्‍तिस्मा पिंबै यूहन्‍ना सिबउँइँले धबै सोसि खना,” बिसि को-कोइ बिमल।

यूहन्‍ना 4:1

यूहन्‍नाइ भन्दा येशूजी ल्हें चेलामैं बनेसि बप्‍तिस्‍म या पिंरिइमुँ बिबै ताँ फरिसीमैंइ थेइ।