मत्ती 11:11 - परमेश्‍वरए ताँ तमु क्युइर

¹¹ क्ह्रोंसेंन ङ क्हेमैंने बिमुँ, च्हमिरिउँइँले फिब्मैं न्होंर बप्‍तिस्‍मा पिंबै यूहन्‍ना भन्दा थेबै म्‍हि अरू खाबै आतइमुँ। दिलेया स्वर्गर्बै ग्याल्सर ताँन् भन्दा च्योंब तब्मैं यूहन्‍ना भन्दा थेब तमुँ।

मत्ती 11:11 ပူးပေါင်းရင်းမြစ်များ

भजनमैं 51:5

क्ह्रोंसेंन फिबै त्हे ओंनोंन् ङ पापि मुँल, ङए आमाए फो न्होंर मुँब् ओंनोंन् ङ पापि मुँल।

मत्ती 11:10

तलेबिस्याँ चु यूहन्‍नाए बारेर परमेश्‍वरए छ्वेर छले प्‍ह्रिइमुँ, ‘ङ्‍ह्‍योद्, क्हिए घ्‍याँ तयार लमिंरिगे बिसि क्हि भन्दा ओंसों ङइ ङए स्यार्बो कुल्मिंम्।’

मत्ती 11:12

यूहन्‍नाइ सैं तोंबै ताँ बिमिंबै त्हेउँइँले तोगो समा स्वर्गर्बै ग्याल्स युन्ले ओंसों ह्‍यारिइमुँ। बिरोध लब्मैं बिस्याँ खैच्हिजिले च ग्याल्स ट्होल् म्हैम्।

मत्ती 3:1

च त्हेर बप्‍तिस्‍मा पिंबै यूहन्‍ना यहूदीया ह्‍युलर्बै क्यु आयोंबै क्ल्ह्‍योजरे खसि परमेश्‍वरए ताँ छले बिमिंबर होंइ।

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

मत्ती 5:19

छतसि ठिमर प्ह्रिबै च्‍योंब भन्दा च्‍योंबै ताँ या आम्हाँदिसि अरूमैंने या ‘च ताँ ङिंल् आत्‍हु’ बिसि लोमिंबै म्हि स्वर्गए ग्याल्सरि च्‍योंब भन्दा च्‍योंब तब्‍मुँ। दिलेया ठिमर्बै ताँ ह्रोंसज्यै ङिंब धै अरूमैंने या ङिंल् त्‍हुम् बिसि लोमिंबै म्‍हि स्वर्गए ग्याल्सरि थेब तब्‍मुँ।

लूका 1:15

तलेबिस्याँ च च्‍ह परमेश्‍वरए उँइँर थेब तब्‍मुँ। चइ प्हा नेरो अरू म्हेरबै सैमैं खोंयोंइ थुँरिब आरे। च आमाए फोउँइँलेन् परमेश्‍वरए पबित्र प्ल्हजी प्लिंब्मुँ।

लूका 7:28

ङ क्हेमैंने बिमुँ, च्हमिरि ङाँइले फिब्मैं न्होंरि यूहन्‍ना भन्दा थेबै म्‍हि खाबै आरे, दिलेया खाबइ ङइ लबै के म्रोंसि ङइ बिबै ताँ थेसि ङइ बिब् धोंले परमेश्‍वर म्हाँदिमुँ, च म्‍हि च्‍योंब मुँलेया यूहन्‍ना भन्दा थेब तमुँ।”

लूका 9:48

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”

यूहन्‍ना 1:15

यूहन्‍नाइ येशूए बारेर ग्वाइ पिंदै थेबै कैले बिइ, “ङए लिलि युबै म्हि ङ भन्दा थेब मुँ, तलेबिस्याँ ङ फिब् भन्दा ओंसों ओंनोंन् खी मुँल। चए बारेर ङइ ओंसोंन् बिल।”

यूहन्‍ना 1:27

खी ङए लिलि युलेया खीए जुत्ताए तनि प्‍ल्ह्‍बर ङ्हेंब ङ आरे।”

यूहन्‍ना 10:41

ल्‍हें म्हिमैं खी ङाँर खसि खें-खेंमैं न्होंर्न बिइ, “यूहन्‍नाइ औदिबै चिनुमैं तोइ आल, दिलेया यूहन्‍नाइ चु म्हिए बारेर बिबै ताँमैं क्ह्रोंसेंन मुँन।”

यूहन्‍ना 3:30

खी थेब् तदै ह्‍याल् त्‍हुम्, ङ बिस्याँ च्‍योंब तदै ह्‍याल् त्‍हुम्।

यूहन्‍ना 5:35

यूहन्‍ना लुँरिबै चारब बत्ति धोंब मुँल। छतसि क्‍हेमैं चए चारबै बत्तिर तिस्याँदे सैं तोंसि टिबै सैं लइ।

यूहन्‍ना 7:39

येशूजी चु ताँ पबित्र प्ल्हए बारेर बिल। तलेबिस्याँ येशूए फिर बिश्‍वास लब्‍मैंइ पबित्र प्ल्ह योंमल। च त्‍हेर परमेश्‍वरजी खीए प्ल्ह म्हिमैं फिर आकुलल। तलेबिस्याँ च त्हे समा येशू मान योंबै स्‍वर्गर आह्‍याल।

१ कोरिन्थी 15:9

तलेबिस्याँ कुल्मिंबै चेला चिब्मैं न्‍होंरि ङ धाँसे केर आफेब् ग। ङ कुल्मिंबै चेला चिब बिबै लायकर्बै आरे, तलेबिस्याँ ङइ ओंसों परमेश्‍वरए म्‍हिमैंलाइ बेल्‍ले दुःख पिंल।

१ कोरिन्थी 6:4

क्हेमैंए न्होंरि छाबै आक्ह्रिबै ताँ मुँ बिस्याँ, बिश्‍वासीमैंइ तो धोंइ आङ्हाँबै म्हिमैं ङाँर निसाफ लमिंन् बिबर तले ह्‍यामुँ?

एफिसी 2:3

च म्हिमैं धोंलेन् ङ्यो ताँनइ ओंसों ङ्योए सैंउँइँले खबै आछ्याँबै इच्‍छा पूरा लबै ल्हागिर लोब लमल। छतसि अरूमैंने धोंले ङ्योने या परमेश्‍वर ह्रिस खल।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

२ तिमोथी 1:10

चु दयाम्हाँया ङ्यो मुक्‍ति पिंबै येशू ख्रीष्‍ट युसि उँइँमिंइँमुँ। खीजी कालए फिर ट्होगों तसि खोंयोंइ आखाँबै छ्हलाइ सैं तोंबै ताँउँइँले था सैमिंइमुँ।

हिब्रू 11:40

तलेबिस्याँ परमेश्‍वरजी ङ्योए ल्हागिर झन् छ्याँबै चाँजो लल, धै ङ्योने बालु मत्‍त्रे चमैं पबित्र तरिगे बिब खीए सैं मुँल।

१ पत्रुस 1:10

परमेश्‍वरजी क्‍हेमैंलाइ पिंबै चु मुक्‍तिए बारेर स्योंम्बै अगमक्‍तामैंज्यै या क्होल् म्हैल, धै परमेश्‍वरजी क्‍हेमैंलाइ पिंबै दयाम्हाँयाए बारेर ताँ पोंइ।