मत्ती 11:10 - परमेश्‍वरए ताँ तमु क्युइर

¹⁰ तलेबिस्याँ चु यूहन्‍नाए बारेर परमेश्‍वरए छ्वेर छले प्‍ह्रिइमुँ, ‘ङ्‍ह्‍योद्, क्हिए घ्‍याँ तयार लमिंरिगे बिसि क्हि भन्दा ओंसों ङइ ङए स्यार्बो कुल्मिंम्।’

मत्ती 11:10 ပူးပေါင်းရင်းမြစ်များ

मत्ती 11:11

क्ह्रोंसेंन ङ क्हेमैंने बिमुँ, च्हमिरिउँइँले फिब्मैं न्होंर बप्‍तिस्‍मा पिंबै यूहन्‍ना भन्दा थेबै म्‍हि अरू खाबै आतइमुँ। दिलेया स्वर्गर्बै ग्याल्सर ताँन् भन्दा च्योंब तब्मैं यूहन्‍ना भन्दा थेब तमुँ।

मत्ती 11:3

चमैं ह्‍यासि “ङिए गुरु यूहन्‍नाइ बिब् धोंले युबै म्‍हि क्हिन् उ, ङिइ अर्को म्‍हि अझै प्रेंल् त्‍हुमुँ?” बिसि येशूने ङ्योएइ।

मत्ती 3:3

स्‍योंम्‍बै यशैया बिबै अगमबक्‍ताइ छ बिसि यूहन्‍नाए बारेर प्‍ह्रिल: “क्यु आयोंबै क्ल्ह्‍योर म्‍हि घ्रिइ कै तेसि छ बिसिन् मुँ, ‘याहवेहए ल्हागिर घ्‍याँ छ्याद्! खी प्रबै ल्हागिर आछ्याँबै घ्‍याँमैं क्योंएँन्!’”

मर्कूस 1:2

स्‍योंमा यशैया अगमबक्‍ताइ प्‍ह्रिब् धोंलेन् तखइमुँ: “ङ्ह्‍योद्, क्‍हिए घ्‍याँ तयार लमिंरिगे बिसि क्हि भन्दा ओंसों ङइ ङए स्यार्बो कुल्मिंम्।

लूका 1:76

ओ ङए च्ह, क्‍हि ताँन् भन्दा थेबै अगमबक्‍ता तब्‍मुँ, तलेबिस्याँ परमेश्‍वरजी कुल्‍मिंबै म्रुँए ओंसों ह्‍यासि खीए ल्हागिर क्‍हिइ घ्‍याँ छ्याब्मुँ।

यूहन्‍ना 1:23

यूहन्‍नाइ बिइ, “स्योंम्बै येशैया अगमबक्‍ताइ बिब् धोंले, ‘याहवेहए ल्हागिर घ्‍याँ क्योंएँन्!’ बिसि, म्हि आटिबै क्ल्ह्‍योर तेबै कै घ्रि ङन् ग।”