मत्ती 10:41 - परमेश्‍वरए ताँ तमु क्युइर

⁴¹ खाबइ ‘चु म्‍हि अगमबक्‍ता ग,’ बिसि अगमबक्‍तालाइ मान लमुँ, चज्यै या अगमबक्‍ताइ योंबै इनाम योंब्मुँ। छलेन ठिक के लबै म्हिलाइ ठिक के लबै म्हिन् मैंसि मान लब्मैंइ ठिक के लबै म्हिइ योंबै इनाम योंब्मुँ।

मत्ती 10:41 ပူးပေါင်းရင်းမြစ်များ

उत्पत्ति 20:7

तारे अब्राहामए प्ह्रेंस्यो एवाद्, तलेबिस्याँ च अगमबक्‍ता ग। चइ क्हिए ल्हागिर प्राथना लमिंब्मुँ, धै क्हि सोब्मुँ। दिलेया क्हिइ च च्हमिरि आएमिंस्याँ क्हि नेरो क्हिए ताँन् म्हिमैं खैलेबिलेया सियाब्मुँ बिसि सैंर मैंन्।”

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 25:44

“‘प्रभु, क्‍हि फो ख्रेंब नेरो क्यु पिब, अरू ह्‍युलर्बै म्हि मुँब, क्‍लुनन् तब, नब, नेरो झेलर टिब ङिइ खोंयों म्रोंसि क्हिए सेवा आल?’ बिसि चमैंइ ङ्योएब्मुँ।

मत्ती 25:45

“धबै म्रुँइ बिब्मुँ, ‘क्‍ह्रोंसेंन ङ क्हेमैंने बिमुँ, ङए चु अलि-अङाँमैं न्होंर्बै धाँसे च्योंबै म्हिलाइ क्‍हेमैंइ आल्होसेरो क्‍हेमैंइ ङलाइ आल्होब् ग।’

मत्ती 6:1

“छेनाले मैंन्, क्हेमैंइ धर्मए केमैं लमा म्‍हिमैंइ म्रोंरिगे बिसि चमैंए उँइँर आलद्। छ लस्याँ स्वर्गर मुँबै क्‍हेमैंए परमेश्‍वर आबाउँइँले क्हेमैंइ तोइ इनाम योंरिब् आरे।

मत्ती 6:18

‘क्हिइ बर्त टिमा’ म्हिमैंइ म्रोंरिगे बिसि आङिं। दिलेया क्‍हेमैंए परमेश्‍वर आबाजी म्रोंरिगे। आम्रोंन्ले लबै के म्रोंबै परमेश्‍वर आबाजी क्हेमैं इनाम पिंब्‍मुँ।

मत्ती 6:4

क्‍हिइ दान पिंमा खाबज्यै या आसेल्‍ले पिंन्। आम्रोंल्‍ले पिंब् म्रोंबै क्‍हिए आबाजी क्‍हिलाइ इनाम पिंब्‍मुँ।

मत्ती 6:6

छतसि क्‍हेमैंइ प्राथना लमा ह्रोंसए कोठा न्‍होंर होंनु, धै म्रा तोरसि आम्रोंल्‍ले मुँबै परमेश्‍वर आबाने प्राथना लद्। आम्रोंल्‍ले लबै केमैं म्रोंबै परमेश्‍वर आबाजी क्‍हेमैंलाइ इनाम पिंब्‍मुँ।

मत्ती 7:8

तलेबिस्याँ खाबइ ह्रिमुँ चइ योंब्मुँ, खाबइ म्हैमुँ चइ स्याब्मुँ, धै खाबइ म्रा ह्रामुँ चए ल्हागिरि म्रा थोंमिंब्मुँ।

चेला चिब्मैंए केमैं 16:15

झाइले च नेरो चए धिंर्बै ताँनइ बप्‍तिस्मा किंइ। च लिउँइँ चइ ङिने यो छ्युँ लसि बिइ, “क्हेमैंइ ङ क्ह्रोंसेंन प्रभुए फिर बिश्‍वास लबै अङाँ बिसि मैंम् बिस्याँ ङए धिंर खसि टिमिंन् ओ।” छ बिसि ङिने कर ल्हैदिइ।

रोमी 16:23

ङ नेरो ताँन् बिश्‍वासीमैंलाइ मान लबै गायसज्यै या क्‍हेमैंलाइ जय मसीह मुँ बिमिंइमुँ। झाइले चु धिंर मुँबै बिश्‍वासीमैंइ क्‍हेमैंलाइ जय मसीह बिमिंइमुँ। छलेन चु सहरर्बै कोशाध्‍यक्ष इरास्‍तस नेरो ङ्योए अलि क्‍वार्टसज्‍यै या क्‍हेमैंलाइ जय मसीह बिमिंइमुँ।

१ कोरिन्थी 9:17

ङइ ह्रोंसए इच्छाइ चु के लस्याँ चु केए नों सै म्हैमल। बरु चु के ङइ ललन् त्हुबै के ग, तलेबिस्याँ परमेश्‍वरजी ङलाइ चु के लबै जिम्‍मा पिंइमुँ।

हिब्रू 6:10

क्‍हेमैंइ छ्याँबै के लइमुँ, क्‍हेमैंइ परमेश्‍वरलाइ म्हाँया लइमुँ बिब उँइँबै ल्हागिर खीए म्‍हिमैंलाइ ल्होरिइमुँ, अझै क्‍हेमैंइ ल्होरिमुँ। क्‍हेमैंइ लबै छ्याँबै के परमेश्‍वरजी म्‍लेरिब् आरे, तलेबिस्याँ खीजी ठिक निसाफ लम्।

२ यूहन्‍ना 1:8

क्हेमैंइ स्वर्गर्बै इनाम योंबै ल्हागिर के लरिइमुँ। छतसि च इनाम आम्हरिगे, बरु ताँन् इनाम योंरिगे बिसि न्ह क्रों मि क्रोंले टिद्।