मत्ती 10:4 - परमेश्‍वरए ताँ तमु क्युइर

⁴ ह्रोंसए ह्‍युलए फिर म्हाँया लबै सिमोन नेरो यहूदा इस्‍करियोत। चु इस्‍करयोतइ लिउँइँ येशूलाइ धोका पिंसि क्हाल् पिंइ।

मत्ती 10:4 ပူးပေါင်းရင်းမြစ်များ

मत्ती 26:14

च लिउँइँ च्युसे ङ्हिं चेलामैं न्‍होंर्बै यहूदा इस्‍करियोतथें ख्रो पिंबै खेगि चिब्मैं ङाँर ह्‍यासि

मत्ती 26:15

बिइ, “ङइ येशूलाइ क्हासि क्हेमैंए योर पिंइ बिस्‍याँ ङलाइ तो पिंमुँ?” छबिमा चमैंइ चाँदिए मुइ सोंच्‍यु पिंइ।

मत्ती 26:2

“क्‍हेमैंइ सेइमुँ, ङ्हिरो लिउँइँ दुःखने फ्रेबै चाड खमुँ। च त्हेर म्हिमैंइ म्हिए च्ह क्रूसर च्‍योवाबै ल्हागिर क्हाब्‍मुँ।”

मत्ती 26:47

येशूजी छ बिइन मुँमा खीए च्युसे ङ्हिं चेलामैं न्‍होंर्बै यहूदा चर फेखइ। चने बालु सेलाँ (तरवार) नेरो प्‍हरे छेबै थेबै हुलै या खइ। चमैं ख्रो पिंबै खेगि चिब्मैं नेरो यहूदीमैंए चिबनाँब्मैंइ कुल्‍मिंब्‍मैं मुँल।

मत्ती 27:3

येशूलाइ सैबै ताँ थेसि यहूदाए सैंर पछुत खइ, धै च चाँदिए मुइ सोंच्‍यु ख्रो पिंबै खेगि चिब्मैं नेरो शास्‍त्रिमैंलाइन एमिंबर पखसि बिइ,

मर्कूस 14:10

झाइले च्युसे ङ्हिं चेलामैं न्‍होंर्बै इस्‍करयोतथें यहूदाइ येशू क्हासि चमैंए योर पिंबै ल्हागिरि ख्रो पिंबै खेगि चिब्मैं ङाँर ह्‍याइ।

मर्कूस 14:43

येशूजी छ बिइन मुँमा खीए च्युसे ङ्हिं चेलामैं न्‍होंर्बै यहूदा चर फेखइ। चने बालु सेलाँ (तरवार) नेरो प्‍हरे छेबै ल्हें म्हि या खइ। चमैं ख्रो पिंबै खेगि चिब्मैं, शास्‍त्रिमैं, नेरो यहूदीमैंए चिबनाँब्मैंइ कुलल।

लूका 22:3

च त्‍हेर्न यहूदा इस्‍करियोतए सैंर दुष्‍ट होंइ। च यहूदा येशूए च्युसे ङ्हिं चेलामैं न्‍होंर्बै घ्रि मुँल।

लूका 22:47

येशूजी छ बिरिमा म्‍हिए हुल चर फेखइ। च्युसे ङ्हिं चेलामैं न्‍होंर्बै यहूदा च म्‍हिमैंए ओंसों ओंसों खसि येशूलाइ म्वें लबर खीए ङाँर खइ।

यूहन्‍ना 13:2

दिलेया ङेसार्बै चब् चबै त्हे भन्दा ओंसोंन् दुष्‍टइ येशूलाइ क्हाल् पिंबै सैं इस्करयोतथें सिमोनए च्ह यहूदाए सैंर झोंल् खाँल।

यूहन्‍ना 6:64

दिलेया क्‍हेमैंए न्‍होंरि कतिइ ङए ताँमैं आक्वें।” (खीए फिर बिश्‍वास आलब्मैं नेरो खीलाइ धोका पिंसि क्हाल् पिंबै म्हि येशूजी ओंसों ओंनोंन् ङो सेल।)

यूहन्‍ना 6:71

येशूजी चु ताँ सिमोन इस्‍करियोतए च्‍ह यहूदाए बारेर बिल, तलेबिस्याँ यहूदा च्युसे ङ्हिं चेलामैं न्‍होंर्बै मुँनबिलेया चइ खीलाइ क्हाल् पिंसि धोका पिंल् म्हैल।

चेला चिब्मैंए केमैं 1:13

चमैं सहरर ह्‍याबै लिउँइँ खेंमैं टिबै धिंए आटिफिर ह्‍याइ। चमैं पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसए च्‍ह याकूब, नेरो ह्रोंसए ह्‍युल म्हाँया लबै सिमोन, नेरो याकूबए च्‍ह यहूदा मुँल।

चेला चिब्मैंए केमैं 1:25

तलेबिस्याँ च यहूदा क्हिए के लबै ल्हागिर कुल्मिंबै चेला चिब तबर क्हिजी त्हाँलेया चइ च के पिसि सजैं योंबै क्ल्ह्‍योर ह्‍याइ।”