मत्ती 10:14 - परमेश्‍वरए ताँ तमु क्युइर

¹⁴ खाबज्यै या क्‍हेमैंलाइ मान आलस्‍याँ, क्‍हेमैंए ताँ थेल् आङिंस्‍याँ च धिं नेरो च क्ल्ह्‍योउँइँले त्होंमा ह्रोंसए प्‍हलेर्बै त्‍हुला चर्न खारथेंन्।

मत्ती 10:14 ပူးပေါင်းရင်းမြစ်များ

मत्ती 10:13

च धिंर्बै म्‍हिमैंए सैं छ्याँब मुँस्‍याँ क्‍हेमैंइ पिंबै आशिक चमैंइ योंरिगे, दिलेया चमैंए सैं छ्याँब आरेस्‍याँ क्‍हेमैंए छिं ङ्हाँब क्हेमैंनेन् एखरिगे।

मत्ती 18:5

झाइले खाबइ ङए मिंर छाबै कोलो घ्रि मान लमुँ, चइ ङलाज्यै या मान लम्।

मर्कूस 6:11

को-कोइ क्‍ल्‍ह्‍योर फेनेमा म्हिमैंइ क्‍हेमैंए मान आलस्‍याँ, क्‍हेमैंइ बिबै ताँ आथेस्‍याँ, च क्‍ल्‍ह्‍योउँइँले त्‍होंमा चमैंए बिरोधर ग्वाइ पिंबै ल्हागिर क्‍हेमैंए प्‍हलेर्बै त्‍हुल खारथेंन्।”

मर्कूस 9:37

“ङए मिंर छाबै कोलो घ्रिलाइ म्हाँया लब्मैंइ, ङलाज्यै म्हाँया लमुँ। ङलाइ म्हाँया लब्मैंइ ङलाइ मत्‍त्रे आङिं, ङ कुल्‍मिंबै परमेश्‍वर आबालाज्यै या म्हाँया लम्।”

लूका 9:48

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”

लूका 9:5

खाब् नाँसर क्‍हेमैंए मान आल, टिल् आपिं, चमैंए नाँसउँइँले त्‍होंमा ग्वाइए ल्हागिर ह्रोंसए प्‍हलेर ङ्हाँबै त्‍हूलैया चमैंए उँइँर खारथेंन्।”

यूहन्‍ना 13:20

क्ह्रोंसेंन ङ क्हेमैंने बिमुँ, ङइ कुल्मिंबै म्हिलाइ मान लब्मैंइ ङलाज्यै या मान लमुँ, छलेन ङलाइ मान लब्मैंइ ङ कुल्मिंबै आबालाज्यै या मान लमुँ।”

चेला चिब्मैंए केमैं 13:51

छलमा चमैंइ ह्रोंसए प्हलेर्बै त्हुला चमैंए बिरोधर खारसि आइकोनियन बिबै सहरर ह्‍याइ।

चेला चिब्मैंए केमैं 18:6

दिलेया यहूदीमैंइ पावलए बिरोध लसि आछ्याँबै ताँमै पोंसि पावल स्यारबर होंइ। छतमा पावलइ ह्रोंसए क्वें खारसि चमैंने बिइ, “क्‍हेमैं नास तइबिस्‍याँ क्हेमैंए दोषइ लबर्न नास तब्मुँ, च दोष ङलाइ आल्‍हैदि। तारे पिरु ङ अरू ह्रेंमैं ङाँर ह्‍याब्मुँ।”

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।