मत्ती 10:12 - परमेश्‍वरए ताँ तमु क्युइर

¹² चए धिंर होंमा क्‍हिइ ‘छिं ङ्हाँरिगे’ बिसि आशिक पिंन्।

मत्ती 10:12 ပူးပေါင်းရင်းမြစ်များ

भजनमैं 122:7

क्हिए गारमैंए न्होंर शान्ति तरिगे, धै क्हिए किल्‍लामैंए न्होंर छ्याँब क्ह्‍युब तरिगे!”

भजनमैं 122:8

“क्हिए न्होंर शान्ति तरिगे!” बिसि ङए आघें-अलिमैं नेरो ङए थुमैंए ल्हागिर ङइ बिब्मुँ।

मत्ती 10:11

“सहरर मुँले नाँसर मुँले क्हेमैं ह्‍यासि चर्बै छ्याँबै सैं प्ह्‍याबै म्‍हि म्हैसि च नाँसर टिन् समा च म्‍हि ङाँर्न टिद्।

मत्ती 10:13

च धिंर्बै म्‍हिमैंए सैं छ्याँब मुँस्‍याँ क्‍हेमैंइ पिंबै आशिक चमैंइ योंरिगे, दिलेया चमैंए सैं छ्याँब आरेस्‍याँ क्‍हेमैंए छिं ङ्हाँब क्हेमैंनेन् एखरिगे।

चेला चिब्मैंए केमैं 10:36

येशू ख्रीष्‍टउँइँले छिं ङ्हाँल् लबै सैं तोंबै ताँ परमेश्‍वरजी इस्राएलीमैंलाइ बिइ बिसि क्हेमैंइ सेइमुँ। (येशू ख्रीष्‍टन् ताँनए प्रभु ग।)

२ कोरिन्थी 5:20

छतसि ङि येशू ख्रीष्‍टउँइँले खबै सैं तोंबै ताँ बिप्रब्‍मैं ग। ख्रीष्‍टए मिंर ङिइ क्हेमैंने यो छ्युँ लमुँ। क्हेमैं खीने ख्रे लब् पिवासि खीने क्ह्रिद् बिसि परमेश्‍वर ङिउँइँलेन् तसि क्हेमैंने पोंइमुँ।

३ यूहन्‍ना 1:14

बरु क्‍हिनेन् त्‍होसि ताँ लदा ङ्हाँइमुँ। छतसि ङ्यो तारे युनन् त्होसि ताँमैं लस्यो।